فى عنيكى حاجات وحاجات وحاجات

[علاء عيسى]

http://www.m5zn.com/uploads/2011/1/14/photo/011411140125sfdb47z.jpg

فى عنيكى حاجات وحاجات
وحاجات
مش عارف أحدد إيه بالذات
ليها نظرة شوق
ومداها بعـــــييييييييد
وآخرها طريق
ماليان متاهات
فى عنيكى حاجات وحاجات
وحاجات
لعنيكى حجاب من عين الناس
ورموش حلوين ع الباب حراس
من جوة الباب
فيه نن العين
تدى فى فلاشات
ولا ألف كمين
بتخللى الرايح قبل الجاى
لو ناوى يعدى
لابد يهدى
ويطفى النور
ولا يسمح منه غير الإشارات
فى عنيكى حاجات وحاجات
وحاجات
مرسوم حاجبين من فوق لعيون
بتحدد أحلى عيون فى الكون
تحت الحاجبين موجود جفنين
عن بعد تشوفهاسحابة صيف
ضلاية جميلة فى وسط الريف
البنت تشوفها تقول الله
إيش حال الراجل يعمل إيه
غير إنه يبص بملو عنيه
ويخللى النظرة
تطول لساعات
وساعات
وساعات
فى عنيكى حاجات
وحاجات
وحاجات

[علاء عيسى]

من ديوان
" الشعر اللىمابيصبشى يدوش"

[خالد الجريوي]

كلمات مغناه

خفيفه

وجميله

دمت مبدعا

تقديري

[الطنطاوي الحسيني]

أخي علاء عيسى المبدع الكريم
ولو اني احب غض البصر وانصح به
حتى لا يصبح حالنا حالك وان كان الم الحب هو حلاوته
تحياتي لنص بديع وجميل
همسة اخي المبدع
تدي في فلاشات
ارى في زائدة هنا وثقيلة نوعا ما
لعله خطأ كيبوردي
وهذا لا يعيب النص ابدا
تقبل اعجابي برائع موسيقاك وابداعك
وهي من روائعك اخي علاء

[احمد محمد جبر]

الأستاذ علاء بتشدني قصايدك بجمالها ولذتها وخفتها تحياتي وتقديري

[حسام محمد حسين]

عن بعد تشوفهاسحابة صيف
ضلاية جميلة فى وسط الريف
البنت تشوفها تقول الله
إيش حال الراجل يعمل إيه
غير إنه يبص بملو عنيه
ويخللى النظرة
تطول لساعات
وساعات
وساعات


اكيد لو واحدة بالجمال دا كله اللي انته بتوصف فيه هيفضل يقول الله علطول

دمت مبدعاً استاذ علاء

[ربيحة الرفاعي]

معقولهْ !
دَه عقلي يا عالم شط
دي برضه عينين تستاهل شعر!
ده شغل بناتْ
وبلاوي وملاعيب على حركاتْ
وأكيد يا اولاد ساحرالُه البت
عمل معمول من دمِّ ونارْ
على ضُفر حمارْ
على عين القُطْ
وحجاب من تحب الباب يتحط
ودقّة زارْ
والعقلِ احتارْ
والوادْ .. لحست لُه دماغُه البتْ
وأدينا بنجري وراه فمتاهات
وأنا أم ...
وعقلي يا عالم شطْ

***

مناكفة ...
من وحي جميل حرفك

أتمنى تقبلها

دمت مبدعا

[علاء عيسى]

كلمات مغناه

خفيفه

وجميله

دمت مبدعا

تقديري
أخى خالد
التعليق الاول له مذاق خاص على جوارحى
تحياتى

[علاء عيسى]

الاخ الطنطاوى
اشكر لك زيارتك
وقراءتك
تقبل تحياتى

[آمال المصري]

نزق حرف نُثر على الورق من سحر عينيها
وألق لعزف فاره الجمال
طبت شاعرنا وطاب حرفك البديع
ولك جل تقديري

[وليد جوده]

الشاعر الجميل / علاء عيسى
غنائية جميلة جدا
الموسيقى رائعة
والنظم فى غاية الجمال
أدام الله عليك ذلك الإبداع

[علاء عيسى]

الأستاذ علاء بتشدني قصايدك بجمالها ولذتها وخفتها تحياتي وتقديري

الشكر كل الشكر
أحمد لتواجدك هنا

[سماح عبد اللاوى]

حين يأخذ الاعجاب والحب منتهاه
تتناثر الحروف وتبوح بأجمل المشاعر
وتتغنى القلوب مع العزف الرائع
لانشودة الحب
سلمت الايادى
تقبل تحياتى ومرورى

[علاء عيسى]

عن بعد تشوفهاسحابة صيف
ضلاية جميلة فى وسط الريف
البنت تشوفها تقول الله
إيش حال الراجل يعمل إيه
غير إنه يبص بملو عنيه
ويخللى النظرة
تطول لساعات
وساعات
وساعات


اكيد لو واحدة بالجمال دا كله اللي انته بتوصف فيه هيفضل يقول الله علطول

دمت مبدعاً استاذ علاء

الفاضل
حسام
قراءتك تنم عن انسانية شاعرة
تحياتى