بحب البحر

[إسكندرانى]

بحب البحر
بحب البحرمن يومى
وبعشق زرقة الميه
وبنسى الغربه وهمومى
والاقى فى شطه حنيه

بحب البحر موالى
وذكرى حلوه باقيالى
وفوق الشط يحلالى
أصارحه بكل أمنيه

بحب البحر لو هادى
وشوقى ليه ماهوش عادى
وصوته لما بينادى
بحس بإنه أغنيه

بحب البحر واشتاق له
فى عز الغربه بنده له
يدق بيبانى أفتح له
واخبى الحلم فى عينيه
بحب البحر.....
إسكندرانى

[د.جمال مرسي]

و انا زيك بحب البحر

و باعشق في عنيه الزرق رحلة عمر

يناديني و اناديله

و يحكي همومه طول ليله

اتاري البحر شايل هم زيي كمان

و بنشوفه نقول خالي من الأحزان

و هو منكوي م. القهر

***

الأخ الحبيب و الشاعر الجميل اسكندراني

يا أهلا يا أهلا يا أهلا بك و بكل الحبايب من اسكندرية

حللت أهلا و نزلت سهلا بيننا

شرفت دوحتنا و أثريت دوحة الشعر الشعبي بهذا الزخم و العبق المصري الجميل

فأهلا بك أخي اسكندراني بيننا

بين النخبة من خيرة الشعراء

قصيدة و لا أروع .. حاولت مجاراة حلاوتها فلم أستطع التكملة و آثرت السلامة

و قلت كفاية عليّ الفصحى .

تحياتي

و خالص ودي

أخوكم د. جمال مرسي

[اسكندرية]

بسم الله الرحمن الرحيم

اسكندرانى....

أهلا بنسمة حلوة جاية من اسكندرية..

كلماتك...اتنسم بها عبق البحر ..
و أرى" الموجة تجرى ورا الموجة..."

آه ياسكندرانى....غازلت أجمل شىء فى هذه الدنيا..
بسكونه ..بجنونه..بوضوحه ..بغموضه..

كلمات جميلة...لمست أحب الاشياء الى نفسى

تحياتى لك
و اهلا بك بيننا

[إسكندرانى]

الأخ د/ جمال
الأخت مدام /اسكندرية
خالص شكرى وتحياتى