المساعد الشخصي الرقمي

مشاهدة النسخة كاملة : صفحة ملامحك



إسكندرانى
26-05-2004, 08:35 PM
صفحة ملامحك

برغم إنى كتير بشوف
البسمه فوق صفحة ملامحك
صافيه زى النبع
دافيه زى قرص الشمس
لما يبتسم وسط الغيوم
معرفش ليه
ساعات بحس
ان القدر لون عيونك بالشجن
وان الزمن سايب فى قلبك
من سنين مسحة هموم
نفسى اكدب نفسى
والمح بسمتك
ساكنه العيون الرقيقه
نفسى يرسم ضلها
فوق الملامح صورة الحقيقه
نفسى همسة فجرها
ترجع ويرجع ضيها
يسحر قلوب كل البشر
زى القمر
لما يرسم بسمته وسط النجوم

إسكندرانى