حاسة إنى بانتهى ..

[بثينة محمود]

حاسة انى بانتهى
رغم انك جوة فى قلبى لسه ساكن
وبتمتلك فى روحى
مش بس الاماكن

لأ ..كل شىء

من أول النبض اللى بيغنى حروفك
لغاية الرمش اللى حلمه
فى مرة يشوفك

كل شىء بيقول انى رايحة للنهاية
و إنى مهما قلت ..
انت مش معايا

كل شىء بيحلف انى لازم هانتهى
انى هابقى فى يوم قريب
ذكرى ليها طيف غريب

كل ما يمر بخيالك .. تفتكر
انى كنت حاسة ..
انى بانتهى

[إسكندرانى]

ماتعييشيش فى معنى كلمة النهاية
وانتى لسه ياعزيزتى فى البدايه
الحياه قدامنا لسه وبإيدينا
نعيشها غنوة حب جوه
سطور حكايه .........
كلامك جميل يا سنبلة وبيوصل للقلب بسرعة

[ابن الجـنـوب]

عزيزتى سنبلة
الحياة ما بتنتهيش
مرة حلوة
مرة مُرَّة
والمهم ازاى نعيش
الطريق مهما طال
والميزان مهما مال
طول ما فيه دايماً آمال
الحياة ما بتنتهيش

تحياتى وتقديرى لكلماتك الرقيقة

ابن الجنوب
أحمد يسرى

[اسكندرية]

بسم الله الرحمن الرحيم

سنبلة...

كلماتك رقيقة ...مثل نبضك..
رغم حزنك..


لك التحية

[بثينة محمود]

شكرا للكلمات الجميلة اخى اسكندرانى
تحية وتقدير

[بثينة محمود]

اخى ابن الجنوب
لمسة رائعة تلك التى نثرتها على الكلمات
تحياتى لوجودك المزهر

[بثينة محمود]

اسكندرية العزيزة
مبروك اولا على المتابعة فى الواحة ولو انها متأخرة
أنرتِ الكلمات بضياء البدر وبريقه
شكرا لمرورك العبق

[اسكندرية]

بسم الله الرحمن الرحيم

أشكرك ياسنبلة ,,,
على المباركة...

الف شكر

[جارة القمر]

ليه كل الياس ده
مش دايما تكون النهاية الم
احيانا النهايات بتكون اسعد من البدايات
شكرا لكلماتك الجميلة التى امتعتنا

[بثينة محمود]

جارة القمر

عندما نبدأ لا نعى ما نحن مقدمون عليه لاننا لم نكون تاريخاً بعد
اما وقد كتبنا كل ما نشتهيه فى صفحتنا
واعددنا ملفاً نُحاسب عليه ..
فربما تكون هى النهاية التى نستشعر اقترابها

تحية لتفاؤلك الجميل