ادم الطفس

[جارة القمر]

لو كنت حوا او كنت حية
فانت ادم سبب عذابى
وضياع شبابى
من يوم ما شفتك وقلبى حبك
حياتى صبحت فى الارض نار
عذاب فى قربك
عذاب فى هجرك
وعقلى منك ضرب وطار
الصبح عبدى
والضهر جنبى
والليل يمسى الاقيك امير
وعايزنى جارية
او حتى عبدة ومش كتير
لو مرة تنطق وتقول بحبك
يوميها برضة بتخون كتير
بتحب قلبى
ومخ جارتى
وطبخ خالتى
ولبس واحدة بنت الجيران
وعايزنى ابقى من كل دولا
وانت يا سيدى ملك الزمان
لو كنت تسال
انا يوم ما شفتك
كنت انت ايه؟
مش كنت واحد
وكان فيه غيرك
يملك كتير
وسبت كله وجيت لقلبك
وبعد حبه ندمان كتير
اصل العبارة مش فى الشطارة
كل الحكاية انك انانى
ومهما تاخد بتقوللى تانى
ولو مراتك ست الملاح
هتروح تسيبها وتعك تانى
اصل الطفاسة فى الحب طبع
فى جنس ادم مالهاش حل

[الهـ عبدالله سيف ـدب]

الأخت الكريمة / جارة القمر

كلمات نارية و معاني من جمر

يا ست حوا نسيتي ليه

مجنون و ليلى و جميل بثينة

نسيتي ليه

روميو و جليت حواديت حزينه

نسيتي ليه

حكايات جميلة ورد و جنينة

نسيتي ليه

آدم و بس اللي يخون

آدم و بس اللي بجنون

نسيتي ليه

آدم و طيبته آدم حنون

الليي يحطك وسك العيون

نسيتي ليه

لو كل آدم و كل حوا

حبوا و داقوا الحب جوَّا

حيجرى إيه

لو شافوا لحظة للحب نشوى

لو كان هواهم آهات و بلوى

حيجرى إيه

الكون حيبقى له نكهة تانية

حيعيشوا بكرة و كل ثانية

حيجرى إيه

لا جاني فيها و لا حتى جانيه

نصبح حبايب و الدنيا فانيه

حيجرى إيه

الحب نعمة للي يقدر

نبني و نعمر و لا حد يغدر

آدم و حوَّا 00000 حوَّا و آدم

حتجيبوا بكرة أحلى هوانم

كفاياكي حوَّا" القلب نادم"

كفاياك يا آدم " أنا عشت خادم"

الحب نعمة يا ناس يا عالم

---

سامحي تطفلي و خربشاتي في صفحتك المضيئة

تحياتي القلبية

أخوك

[جارة القمر]

شكرا لك هخى عبد الله
نقوش رائعة وليست خربشات
والله كل حواء تتمنى الحياة الحلوة والصفاء بينها وبين من تحب
اعاننا الله وارزواجنا على بناء بيوتنا على ما يرضى الله
وما امرنا به رسول الله
شكرا لك اخى الفاضل

[إسكندرانى]

عفواً ياحوا
مش كل الرجال
زى اللى عايشه
صورته ف خيالك
مش لازم عشان
قلبك زمان
ماشافش ف طريقه
محبه وحنان
تحقق آمالك
وترجّع لقلبك
حلمه اللى تاه
تبقى الحياه
سكة مهالك
عفواً ياحوا.....
إسكندرانى

[جارة القمر]

يا اسكندرانى مش بس حالى
ده حال غلابة فى بيوت كتير
رجاله طايشة وعقولها فارغة
تحلم بكل واحدة تقابلها
وكان قلبه عشة فراخ
دى فرخة بيضة والتانية بنى
دى واحدة بلدى والجاية هندى
واهو كله عك وعيشة غم
وحالة صعبة والست صابرة
عشان ولادها وعشان حياتها
بتعيش فى نار ولا مرة تنطق
وجاى تقوللى مش كله زيه
لا يا سيدى من يومه ادم وكان طفس





شكرا ايها الاسكندرانى المصراوى
دافعت عن بنى جنسك
ولكن لن اسكت ابدا


تحياتى

[إسكندرانى]

مسكين يا آدم
ياعزيزتى
نفسى لحظه تفهمينى......
وتنسى إنك تبقى حوا.....
وإنى آدم
مش راح انكر احتياجى...
وحبى ليكى
وانتى عارفه إنى عارف
قد أيه انتى دايما محتاجانى
بس لازم تبقى فاهمه
مش ح اتوه ف السكه لما
ح تسيبينى.......
ومش ح احس ف لحظه أبداً
إنى نادم
والحكايه مش خناقه
أو قضيه
دايره بينّا ف المحاكم
الحكايه وبّساطه
إن إحنا بينّا شركه
والمشاركه
ف الخساره وف المكاسب
وبصراحه
بالإشاره للطفاسه
أوعى تنسى إن دىّ
م المؤكد
شىء أساسى ف طبع حوا
والشيطان ياعزيزتى
لما وسوس
كان لحوا مش لآدم
والنتيجه
إنه ضيّع من إيديه
وبسببها أحلى جنه
يوم ما نبض القلب صدّق
دمعه فرت من عينيها
لما قالت نفسى فيها
مد إيده لفرع شجره
شد ثمره
وبحنان ادهالها....
و ساب عشانها
كل شىء
إكمنه كان
مخلوق برىء
والنهايه
والخلاصه
مسكين ياآدم
مظلوم ياعالم
من شريكته
ف اتهامها ليه ووصمه
رغم صمته سنين وطيبته
بالنداله
والطفاسه
مسكين ياآدم...........
إسكندرانى
12/6/2004