الشارع [الأرشيف] - ملتقى رابطة الواحة الثقافية

مشاهدة النسخة كاملة : الشارع

فتحى نجم

27-01-2011, 04:35 PM

الشارع بيطل
ع البيوت
بيحدد ملامح لناس
بيلمها باحساس
ويحطها فى الكادر
يصّور.. تفاصيل المبانى
المجاورة لقلبهم
وكانه واحد.. منهم
بيخش ف البرواز
الشارع ..مزار حقيقى
تعيش عيونا فيه
مش بس لوحة جميلة
محطوطة جوا ازاز
الشارع ..صوت لاستاذى المدرس
البياعين ..عامل النضافة
شيخى ..وابونا المقدس
الشارع.. مؤسس حقيقى لوحدة
بتخرم عيون الموسوس
بلكونة ..من 100 سنة تقريبا
بتطل ع العيلة
شجراية عودها
بيمد روحه.. جوا سدر الناس
تملاهم الضليلة
الشارع ..مش مكان للناس فقط
لكنه ..روح مامورة
بتطيع اومر.. ربها بخشوع
فتتبنى الطوبة.. وتقولها اسم الله
الشارع ..ايد للمسيحى
ممدودة للمسلم
الاتنين بيقولوا ..الله

الطنطاوي الحسيني

27-01-2011, 07:05 PM

وكانه واحد.. منهم
بيخش ف البرواز
الشارع ..مزار حقيقى
تعيش عيونا فيه
مش بس لوحة جميلة
محطوطة جوا ازاز

الله عليك يا نجم
هكذا الفن والإبداع المتحرر الراقي والا فلا
تحياتي لنخوتك وهمتك وفهمك ووعيك
رائع قدمت لنا لوحات رائعة لشعبنا الآصيل
دمت مبدعا رائعا اخي نجم

فتحى نجم

02-02-2011, 08:58 PM

اشكرك استاذى العزيز وتحيا مصر

ربيحة الرفاعي

24-07-2011, 11:05 PM

الشارع حكم وحاكم
والشارع يقضي فينفذ قضاؤه مهما حاولوا
وكل محاولاتهم لتغييبه عن صناعة القرار تنتهي ذات يوم لوبال عليهم ودمار

أحسنت وصف الشارع وناسه
مدرس
مؤسس حقيقي لوحدة بتخرم عينين الموسوس

دمت بألق

علاءالحكيم

28-07-2011, 12:31 AM

الابدع مش جديد عليك
ياعم نجم
تسلم ويسلم قلمك المبدع
مش هقدر اقول غير
نجم
لانك فعلا نجم
دومت اخي بكل ود

سهام ماجد

28-07-2011, 05:42 PM

أخى الفاضل
كلمات ولا أروع
تحيا الوحده الوطنيه
تسلم الأيادى
ودمتم بكل ود

آمال المصري

21-09-2011, 11:14 PM

الله الله
نص جميل ألق حددت به ملامح الشارع وخصوصا بعد الثورة
مرحبا بك في ربوع الواحة
تقديري الكبير
وطوق ياسمين