هكذا يغنى المصريون فى يوم الغضب

[محمد جاد الزغبي]

هكذا يغنى المصريون فى يوم الغضب


يا مبارك .. قول لجمال

مصر كبيرة على العيال ..

يا عساكر .. واقفين ليه

انتوا معاهم ولا ايه

روحوا للى سرقوا فلوسنا

وخلو الفقر بِعَجلُه يدوسنا

يا عساكرنا بتضربوا مين

ده احنا الناس الشقيانين

يا عساكرنا .. عيب عليكو

احنا طلعنا لينا وليكو

لا احنا بتوع إضراب ولا نيله

بس خيبتنا خيبة تقيله

احنا الشعب اللى شنقوه

بعد ما عاشوا يعذبوه

سيبوا الناس تتكلم مرّه

قبل مصوتها يطلع بره

مهما يكون القهر كبير

ربك أكبر من الوزير

افهم ياللى ساكن فوق

اطلع منها بقي بالذوق

دى كلمتنا حنفضل بيها ..

لحد مترحل من أراضيها

[محمد جاد الزغبي]

يا صفوت الشريف ..

صفوت الشريف بيقول : قيادات مصر لا تعرف الهروب !

دمك شربات يا صفوت

يا صفوت الشريف ..

يا بو دم خفيف ..

مين قال إنك حتهرب ..

بكرة تقعد ع الرصيف

مستنى دورك ييجى

بعد مبارك ونظيف

حناخدك واحدة واحدة ..

ننتف ريشك اللطيف

نحكيلك عن تاريخك ..

واللى يعيش ياما بيشوف

ونقول للناس يا صفوت

ليه سموك صفوت شريف

لما رحت النيابة

وشك أصغر من الرغيف

وقلت يا ناس دى غلطة

وانا طول عمرى نضيف

ده أنا كنت زابط مجدع

بس معرفش الكسوف

بسمع كلام الباشا

ولازم نكرم الضيوف

ليقولوا علينا بخلا

وأدى آخرة المعروف

معلش يا بابا صفوت

هى دى نهاية الـــ ....

[الطنطاوي الحسيني]

الح-------ل--------و---------ف

اخي الحبيب الزغبي الحر
قصائد هتافية رائعة نحتاجها الآن
رائع ومبدع وللتثبيت للمواكبة
وربك لولا الموقف ما ثبتها ولكن قد اعذر الله عز وجل الناس
في قول السوء إلا من ظُلِم ونحن قد ظلمنا منهم
دمت بحميتك
وهذا هو شعب مصر البطل
وغدا سيعلمون ما تحتهم حصان ام حمار

[محمد جاد الزغبي]

بارك الله فيك أخى الحبيب
وثبتك الله على الحق وإيانا
جزيت خيرا لتفاعلك المثمر

[رفعت زيتون]

.

أبشرك أخي

فلقد قرأت الآن على الشاشات

أن بعض أفراد الشرطة

بدأوا بخلع ملابسهم العسكرية

والانضمام الى المتظاهرين

تحية لك ولشعب مصر العظيم

.

[ربيحة الرفاعي]

الله
ما أجمل مرحلة صرنا فيها نقول بوضوح ما نشعر به

جميلة شاعرنا

دمت بألق

[خالد الجريوي]

قول

كمان وكمان

دلوقتي بس

تقدر تقول


والله وعملوها الرجاله

تحيه لمصر أم الدنيا

ولشبابها الرجال

وتقديري لك

[محمد جاد الزغبي]

بارك الله فيكم وجميعا ,
سنظل نقول بإذن الله ..


مبارك يا ندل !
أصدر مبارك قراره بمحاكمة أحمد عز , حبيب النظام ! , وطبعا دى ندالة ..
فكرتنا بندالة الرئيس الامريكى كارتر لما تخلى عن شاه إيران بعد قيام الثورة عليه
فكتب أحمد فؤاد نجم قصيدته ( يا كارتر يا ندل ) يسخر فيها من الاثنين طبعا
ونحن على منوال عمنا نجم نكتب اليوم .. مبارك يا ندل

مبارك يا ندل
حبيبك وصاحبك
وصاحب جمالك ..
وكان برضه شايلك
وشايل عيالك ..
تبيعه وتخونه ..
وتخلع عيونه ..
ده كان تحت رجلك
ورجل اللى جابك
يا راجل يا ندل !

ده كان على الحديده
وجبته لحديدك
ويسرق وينهب
وايده فى ايدك
وكل اللى ياخده
يصبه فى رصيدك
وجابلك زكايب
وكتّر عبيدك
وخلى المعارضة ..
تغنى بنشيدك ..
ودلوقتى تنسي
وتقله يا فسل
يا راجل يا ندل

[علاءالحكيم]

الشاعر الرائع الفاضل
محمد جاد
سلام الله عليك
هتافات تصلح لهذا الزمن
هذا اخي زمن التغير
وادعوا الله ان يقف المنافقون عن النفخ في الزعماء حتي ظنوا انهم الهه
طبعا الاغاني التي غنوها الي مبارك خدعته ودفعنا نحن ثمنا من الشهداء
ادعوا الله ان يتاح لنا المجال حتي ننقض رائيس اي دوله حتي يعلم اين يقف
وبارك الله فيك اخي ومبروك الي كل الشعب العربي بالنصر المصري
مودتي

[سماح عبد اللاوى]

شاعرنا محمد الزغبى
وهتافات من نار وحرارة القلوب المصرية التى صمتت السنوات والسنوات
تخرج من قلمك لتنير واحتنا بشعاع الامل هنيئا لنا بقلمك الساحر
دمت متألقا تحياتى

[محمد جاد الزغبي]

بارك الله فيكما ,
ونتمنى ن يتم الله التغيير بخير ,
لتتنفس الشعوب بعد طول ركود