الطنطاوي الحسيني
21-03-2011, 06:29 PM
سبحان المُغَيِّر
يا مالك الملكوت = بدِّلت حال الناس
بأمر كن فيكون = ولحكمتك دُرَّاس
كان فينا حاكم بأمره = عامل خدودنا مداس
مَلْوِ الوِدَان والنِّظَر = وِ الظُّلم عَنْدُه أساس
سبحانُه رَبِّ القََدَر= وِِقِع فيوم وِانداس
*****
تلاتين سنة يشتري = واحنا بقى تْكِيَّة
احنا المِعِيز والبقر = وِوْسِيَّة مَنْسِيَّة
بِطُول وِعرضِ البلد = يُنْشُرْ حَرامِيِّة
وِ أَوَامْرُه وِانْ كَاتْ غلط = مِيَّة مِتين مِيَّة
وِالغَرْب يُسْجُد لُهُم = وِ يَقَدِّمِ الدِّيِّة
**********
متشوفوا قاعد فين = دلوقتِ بقى مطحون
في مَكان مَظَالِيمُه = سَجَّانْ صَبَحْ مَسْجُون
وحرامي فَضَّى الخِزَن = قُدَّامْ وُشُوشْ وِعُيُون
مِين زَوَّرِ انْتِخَبَات = بَحْتَرْلُو كَامْ مِليُون
لُطْفَك ياربِّ القُدَرْ = مِينْ كَدِّبَك مَلْعُون
*****
الدَّرْس لَوْ نِفْهَمُو = لله هَنِتْوَاضِعْ
تِتْبَاهَي ليه بْقِوِّتَك = وِانْتَه الضَّعِيفْ رَاِجعْ
خَالْقَكْ وِ رَازْقَكْ هِنَا = من رِزْق مِين جَامِعْ
فِمْشِيمَة كَاتَ قِصِّتَك = مِنْ بَعْدِهَا رَاضِعْ
يَا عَبْدِ لَوْ تِعْرَفُه= لَتْعِيشْ كَسِير دَامِعْ
*****
يَارَبِّ إحْنَا الْعِبَاد = ضُعَافْ إِلِيك لَجْئِين
لَبْإيدْنَا قِمْنَا الْجِهَاد = وَلَا كُنَّا يُومْ قَادْرِين
غَيَّرْتِ كُونَّا بِلَحْظَة =وِلْحِكْمِتَك فَاهْمِين
يَارَبِّ وَحِّدْ صُفُوفْنَا = وِ بْأَمْرِ كُنْ فَيَكُون
يُحْكُمْنَا مِينْ يِعْرَفَكْ = وِيْسَاعْدُه نَاسْ صَالْحِيْن
آمين
دمتم مبدعين
نصر الله المسلمين من اقصاهم لادناهم امين
يا مالك الملكوت = بدِّلت حال الناس
بأمر كن فيكون = ولحكمتك دُرَّاس
كان فينا حاكم بأمره = عامل خدودنا مداس
مَلْوِ الوِدَان والنِّظَر = وِ الظُّلم عَنْدُه أساس
سبحانُه رَبِّ القََدَر= وِِقِع فيوم وِانداس
*****
تلاتين سنة يشتري = واحنا بقى تْكِيَّة
احنا المِعِيز والبقر = وِوْسِيَّة مَنْسِيَّة
بِطُول وِعرضِ البلد = يُنْشُرْ حَرامِيِّة
وِ أَوَامْرُه وِانْ كَاتْ غلط = مِيَّة مِتين مِيَّة
وِالغَرْب يُسْجُد لُهُم = وِ يَقَدِّمِ الدِّيِّة
**********
متشوفوا قاعد فين = دلوقتِ بقى مطحون
في مَكان مَظَالِيمُه = سَجَّانْ صَبَحْ مَسْجُون
وحرامي فَضَّى الخِزَن = قُدَّامْ وُشُوشْ وِعُيُون
مِين زَوَّرِ انْتِخَبَات = بَحْتَرْلُو كَامْ مِليُون
لُطْفَك ياربِّ القُدَرْ = مِينْ كَدِّبَك مَلْعُون
*****
الدَّرْس لَوْ نِفْهَمُو = لله هَنِتْوَاضِعْ
تِتْبَاهَي ليه بْقِوِّتَك = وِانْتَه الضَّعِيفْ رَاِجعْ
خَالْقَكْ وِ رَازْقَكْ هِنَا = من رِزْق مِين جَامِعْ
فِمْشِيمَة كَاتَ قِصِّتَك = مِنْ بَعْدِهَا رَاضِعْ
يَا عَبْدِ لَوْ تِعْرَفُه= لَتْعِيشْ كَسِير دَامِعْ
*****
يَارَبِّ إحْنَا الْعِبَاد = ضُعَافْ إِلِيك لَجْئِين
لَبْإيدْنَا قِمْنَا الْجِهَاد = وَلَا كُنَّا يُومْ قَادْرِين
غَيَّرْتِ كُونَّا بِلَحْظَة =وِلْحِكْمِتَك فَاهْمِين
يَارَبِّ وَحِّدْ صُفُوفْنَا = وِ بْأَمْرِ كُنْ فَيَكُون
يُحْكُمْنَا مِينْ يِعْرَفَكْ = وِيْسَاعْدُه نَاسْ صَالْحِيْن
آمين
دمتم مبدعين
نصر الله المسلمين من اقصاهم لادناهم امين