قصيدة : بحلفك .. سرقت كام ؟ !!!

[د هاني ابوالفتوح]

بَحَلِفكْ ... سَرَقتْ كَام ؟ !!!ْ
يا كبير بلدنا !!! ... يا اللي كنا فاكرينه كبير
إن كنت لسه بصحتك ... وعقلك تمام
نحلفك بالله تقول ... سرقت كام ؟
أنا مستعد إني أسامحك ... والشعب كله راح يسامحك
لو ارتحنا وعرفنا الحقيقة ... بس إنت ابدأ في الكلام
.................................................. ............
أنا كنت فاكرك قيمة عالية ... ورمز وطني له احترام
معقولة تخدع كل شعبك ... كل عيشتك ... م الحرام
معقولة ربك مش في بالك . كل همك ترضي ابنك والمدام
دلوقتي أنا تعبان قوي .. وبحلفك بالله تقول .. سرقت كام ؟
.................................................. ....................
إن كنت مش عاوز تقولها ع الملأ .... قول لي لوحدي
صدقني قول .... سِرَكْ في بير
أنا كنت فاكر إنك أبويا .... وساعات أقول أخويا الكبير
ريحني .... مش قادر أنام
كل الكلام اللي قريته .... وأسمعه عنك خطير
ليه كده خَدَرتِنا ... و نَيمْتِنا 30 سنة نِشَخَرْ شِخِيرْ
دلوقتي من يوم ما مشيت خاصمت نومي والسرير
أنا كنت أنام مبسوط أوي .... لو نمت عالأرض
بس إنت تتغطي بحرير!!!
وكنت أصوم من غير سُحور .... من غير فطار
أهم حاجة إنت اللي تِفطر .... بالهنا ... والشفا
بالعسل .... والمِشَلتت .... والفطير
.................................................
كانت سعادتي إنك سعيد
ولو كنت أشوفك بتقول كلام ...
أي كلام ... تِبْقَي كل الدنيا عيد
كنت أدعي ربي ... عُمرك يِطُول
ويخلي أجرك عننا .. أجر الشهيد
ولا كنت أفكر في الغلا
وللا أركب إيه ... وللا الولاد ... وللا العَلام
ولا كنت مشغول بالسكن وللا أسعار الحديد
ولو كنت أسمع حد بس بيشتمك
أدعِي عليه ... أفضل أقول منه لله البعيد
.................................................. ............
بقت حياتي في اللي مكتوب في الجرايد
والفضايح والفساد
و اللي إتنهب من أرض بلدي وحقها ... ودم العباد
واللي طفِشْتُه بعمايلك من ولادها .....
حلف ما يرجع للبلد ... غاب عنها وعِشِق البُعاد
واللي إنت كارهه بتسجنه .. يقضي عُمره جوه سجن
سهل الدخول ... أما الخروج ... فملوش ميعاد
واللي إنت راضي عنه ... يسرق في البلد
ويقسموها عالمعارف .. والنسايب والولاد
.................................................. ............
واللي بِِِعْتُوه من أراضي ... بتبيعوه بِرُخْص التراب
للحبايب والقرايب والكلاب
وللا فضايحك في السجون
وإنت بتعَذِبْ شيوخ ... وللا تِقتِل في الشباب
لو دا صحيح .. مستحيل إنك بشر .. مستحيل
عُمرك ما فكرت في موتك ... والحساب
ما قريتش آية واحدة بس تغيرك
و تْخََوِفَك م النار ... و العذاب
بقي كل همك إن ابنك يورثك ؟ ويبقي سُلطَان زي أبوه
و إنت بتموت سَايبْ البلد كله خراب ؟
أنا كنت فاكر اللي زيك ... كل فكره في سِنُه ده
إنه يكفر عن ذنوبه .. كل همه قبل مُوتُه .. يقولوا تاب
وكلت أمري فيك لربي . جننتني . حيرتني . طيرت عقلي
عشان كده كتبتلك ,.... وقلت أَبعَتْ لك جواب
.................................................. ..................
بالله حَلِفْتَكْ . بالغالي حَلِفْتَك , قول لي حرامي ولا لأ ؟؟
في الآخرة كله هَيتكَشَفْ ,.... ربك قوى وعَدْلُه حق
دلوقتي جه وقت الحقيقة .... والكلام المُسْتَحَق
السكوت ما ينفعك .... الكلام وقته اللي دَقْ
.................................................. .........
كل البلد بتسألك ... سرقت كام ؟ وسرقت ليه ؟
واللي حصل لك دا اسمه إيه ؟
ثورة شباب ؟ .... ولا غضب من ربنا ؟ !!
إنت افتكرت إنك إله .. ولا بشر .. !! مش زينا ؟
إن كنت فاكر إنك بريء ....
ساكت لفين ؟ اطلع وقول ... خليك جريء
.................................................. ....
راح تِتسأل . في الآخرة والدنيا كمان
دا هيعملوا لك المحاكمة في الميدان
نفس المكان اللي إتقتل فيه الشباب
هيشنقوك لو كنت خاين . أو حرامي
مفيش سجون .. ومفيش لومان !!!
.................................................. ....
يا خسارة !! كانت حياتي كلها هي سعادتك
بس خلاص !! ... دلوقتي بعد اللي حصل
آن الأوان .... أسأل سيادتك
إنت حرامي ؟؟؟ وللا لأ ؟؟؟
جاوبني ... متضيعش وقتي ... وللاَ وقتك
قرب لي أشوفك . خليني أحط عيني ف عِينيك
دا لو صحيح تطلع حرامي
مُوتك حلال ... السجن دا قُلَيلْ عليك
.................................................. .............
بُكره النيابة هَتمْسِكَك ... ويبهدلوك
قول الحقيقة .. قولها لإبنك و للا أخوك
حرام عليك شوف كام سنة إتحملتها وصابر عليك
تدفني في البحر بالعبارة .... راضى
تدفني بالقطر أسامحك ! بردو راضي
يتهد بيتي عَلَيا . أموت تحت الصخرة
ما ألحق حتى أنادي
تِزَوَرْ انتخابات أقول حَقُه عليا . خليها تِعَدي السنة دي
أنا كنت راضي بقسمتي وبدنيتي
كنت ساكت ... لما قُصادي تِقَسِمُوا كل الأراضي
أنا كنت راضي بشغلتي .... و بكام جنيه
عمري سألتك مرة واحده و قلت لك مليار دا إيه ؟
.................................................. ............
فاكر زمان .. أما كنت أشوف صورتك في الجريدة
أجري اشتريها وأفضل أبوس ... أفضل أبوس
دلوقتي لو أشوف صورتك ع الحيطة
أمشي ع الحيطة بالجزمة ... و أدوس
و لو حرامي جه سرقني في الميدان
أصرخ وأقول امسك حرامي
كل الشباب يجروا وراك .. ويضربوك
بالمنفضة .. زي ما يهشوا الناموس
وكلت أمري فيك لربي !!!
لا أنت أبويا ... ولا أنت أخويا .... ولا أعرفك
يا رب ما تقبل منه تُوبَِه في الدنيا وفي الآخرة يِلُوصْ
.................................................. .................
فاكر سؤالي عشان بأدَوَرْ عالفلوس
يا غشيم ... إنسي السؤال
والله ما هَمِتْنِي الفلوس ... والله ما هَمِتْنِي الفلوس
كان كل نَفْسِيْ .... تكون شريف
وأعيشها حاف من غير غموس ,,,,,
أعيشها حاف من غير غموس !!!!!
شعر د. هاني أبوالفتوح
الكويت في الخميس 3 مارس 2011

[عايد راشد احمد]

السلام عليكم ورحمة الله

لن اوجه اتهام بدون دليل قاطع لان ما يشاع للان كلام ليس عليه بيان

وعلي المجلس العسكري والنيابة واجهزة الرقابة ان تكشف حساب هذا الرجل وتدينه او تبرئه لكن ليس من العدل للشعب او له ان يترك هكذا

اعلم يقينا اننا لم نعش في فساد ونهب اكتر مما عشنا في عصره والشواهد والادله علي ذلك كثيرة وبينة ودليلها ان كل من حوله من هن متورطين في سرقات وفساد

يا راجل خلي عندم شوية دم ورد علي الاقل يمكن نقول انه عندك شوية دم

لا حول ولا قوة الا بالله وحسبنا الله ونعم الوكيل في كل من خان الامانة

شكرا جزيلا دكتور صورت فاجدت

[نجوى الحمصي]

الدكتور المبدع روح وفكر وكلمات
د هاني ابوالفتوح
قرأت مرة ولكن لم أرتوي مما نسجه وجدانك الرائع
وسأعيد القراءة مرات
ومن ثم أرد بما يليق
على عظمة هذا السلسبيل من جمال الكيان لك
لي عودة بإذن الله

[ربيحة الرفاعي]

معقول يا دُكْتُر
كل ده ولساك بتسأل
عاللي غاب في جيوب جمال
أو حتى في جيوب المدام
بكره يبان كل اللي كان
والأمر يُعلن في الميدان
لأ ..
لأ حرامْ
خلينا زي ولاد زمان ..
نعرف ونستر .
ده الضرب في الميّت حرامْ ..
واحنا اللي نقدر
فوق سنين الصبر نصبر

أذهلني هذا الحس الوفيّ لمن لا يستحقون الوفاء

دمت بألق

[الطنطاوي الحسيني]

كان كل نَفْسِيْ .... تكون شريف


اخي د هاني ابو الفتوح
للتثبيت ابداعا وتقديرا و مواكبة
رائعة والله

[آمال المصري]

انهمار بديع جدا ومواكبة للأحداث
وتساؤلات لن تجد لها إجابة ولا صدى
عارف ليه ؟
لأن الحرامي اللي بيسرق مابيقول ياناس أنا لص ...
بيقولوا في الأمثال فيه هم يضحك ... وهم يبكي ...
والهم هنا كان لذيذ
تقديري الكبير

[د هاني ابوالفتوح]

السلام عليكم ورحمة الله

لن اوجه اتهام بدون دليل قاطع لان ما يشاع للان كلام ليس عليه بيان

وعلي المجلس العسكري والنيابة واجهزة الرقابة ان تكشف حساب هذا الرجل وتدينه او تبرئه لكن ليس من العدل للشعب او له ان يترك هكذا

اعلم يقينا اننا لم نعش في فساد ونهب اكتر مما عشنا في عصره والشواهد والادله علي ذلك كثيرة وبينة ودليلها ان كل من حوله من هن متورطين في سرقات وفساد

يا راجل خلي عندم شوية دم ورد علي الاقل يمكن نقول انه عندك شوية دم

لا حول ولا قوة الا بالله وحسبنا الله ونعم الوكيل في كل من خان الامانة

شكرا جزيلا دكتور صورت فاجدت
الأخ الكريم الأستاذ عايد راشد أحمد
عميق شكري وتقديري ومودتي علي كريم مرورك بكلماتي , الشكر موصول لشخصكم الكريم وأعان الله مصر الحبيبة

[د هاني ابوالفتوح]

الدكتور المبدع روح وفكر وكلمات
د هاني ابوالفتوح
قرأت مرة ولكن لم أرتوي مما نسجه وجدانك الرائع
وسأعيد القراءة مرات
ومن ثم أرد بما يليق
على عظمة هذا السلسبيل من جمال الكيان لك
لي عودة بإذن الله



الأستاذة الفاضلة نجوى الحمصي
أي عبق أضاء المكان من كويت العز والمحبة التي احتوتني أكثر من نصف عمري , كلماتك تشع نورا في وجداني , تقبلي خالص مودتي وتقديري

[د هاني ابوالفتوح]

معقول يا دُكْتُر
كل ده ولساك بتسأل
عاللي غاب في جيوب جمال
أو حتى في جيوب المدام
بكره يبان كل اللي كان
والأمر يُعلن في الميدان
لأ ..
لأ حرامْ
خلينا زي ولاد زمان ..
نعرف ونستر .
ده الضرب في الميّت حرامْ ..
واحنا اللي نقدر
فوق سنين الصبر نصبر

أذهلني هذا الحس الوفيّ لمن لا يستحقون الوفاء

أستاذتي الفاضلة المعلمة ربيحة الرفاعي
عجبا لرد أفضل أميال من الكلمات المردود عليها وكيف لا وهو نبض حروف زاهية من أستاذة ومعلمة ولكن استميحك عذراً أستاذتي فقط نظرة حانية علي تاريخ كتابة الكلمات منذ أكثر من شهر مضى لتعلمي انها كانت بصوت العامة من الشعب البسطاء أبناء الريف الطيبون الكادحون الحالمون أن يولي أمرهم شرفاء حتى لو ماتوا جوعا فالعار والخزي لمن سرق قوت هؤلاء وأخر الأبيات كان حق الجزاء من العباد بالدعاء علي الظالم وشكواه إلي رب العباد والتبرأ منه فلا حاجة هنا للتساؤل الذي جاء في أول الأبيات لإنه قد قضي الأمر الذي فيه تستفتيان
دمت بكل خير ومودة وعافية وستر وحفظ من الله ولشخصكم الكريم خالص تحياتي وتقديري

دمت بألق

[د هاني ابوالفتوح]

كان كل نَفْسِيْ .... تكون شريف


اخي د هاني ابو الفتوح
للتثبيت ابداعا وتقديرا و مواكبة
رائعة والله

الأستاذ الفاضل والشاعر الكبير الطنطاوي الحسيني
كما أنت عهدي بك فياضا بالخير ودودا منذ تشرفت بالدخول الي واحة الخير والمحبة , تثبيتك لكلماتي المتواضعة تاج فوق رأسي يدفعني أن أكون أكثر حرصاً علي حرفي
طاب مساؤك ونهارك ويومك وغدك لك خالص مودتي وشكري وتقديري

[الطنطاوي الحسيني]

الأستاذ الفاضل والشاعر الكبير الطنطاوي الحسيني
كما أنت عهدي بك فياضا بالخير ودودا منذ تشرفت بالدخول الي واحة الخير والمحبة , تثبيتك لكلماتي المتواضعة تاج فوق رأسي يدفعني أن أكون أكثر حرصاً علي حرفي
طاب مساؤك ونهارك ويومك وغدك لك خالص مودتي وشكري وتقديري

اخي الكريم د هاني ابو الفتوح الشاعر الرائع
اخي شعرك رائع وليس متواضع
القصيدة كلها على المتدارك فعلن فعلن وما بها حتى زحافات
رائع اخي والله
و القيمة الفكرية التي وضعتها والاغراق في العامية الذي انتهجته بها دلائل ابداع مبدع واتقان متقن
فصدقني احيانا فعلا احفز الشعراء بالتثبيت وهذا لا اخجل من قوله صراحة
رغم اني لست معك ان تدعو عليه بالا يتقبل الله منه فقط
و قصيدتك هنا
ما ازهلني بها رغم الطول حافظت على النفس الشعري والشعوري وختمت بروعة
دمت اخي استاذا فاضلا وشاعرا أديبا أريبا

[مازن لبابيدي]

د. هاني أبو الفتوح

رائعة جدا جدا ، بارك الله فيك

من خلال أسئلة حوارية افتراضية وأسلوب ساخر متألم ، قدمت ملحمة شعرية متكاملة ، فصلت وكشفت وفضحت .
ومن أكثر ما أعجبني في هذه القصيدة تصوير حجم الصدمة التي يعاني منها المواطن الشريف عندما يتضح أن من يفترض به أن يكون المثل الأعلى هو على النقيض من ذلك . وطبعا لا يتصور أن يكون الشاعر غافلا عن هذه الأمور أو أن تساؤلاته مصدرها الجهل ، ولكنه القالب الشعري البديع ، وأسئلة المصدوم الذي ملأت المرارة نفسه .

تقبل تعليقي الطويل ومروري مع التقدير والتحية

[د هاني ابوالفتوح]

د. هاني أبو الفتوح

رائعة جدا جدا ، بارك الله فيك

من خلال أسئلة حوارية افتراضية وأسلوب ساخر متألم ، قدمت ملحمة شعرية متكاملة ، فصلت وكشفت وفضحت .
ومن أكثر ما أعجبني في هذه القصيدة تصوير حجم الصدمة التي يعاني منها المواطن الشريف عندما يتضح أن من يفترض به أن يكون المثل الأعلى هو على النقيض من ذلك . وطبعا لا يتصور أن يكون الشاعر غافلا عن هذه الأمور أو أن تساؤلاته مصدرها الجهل ، ولكنه القالب الشعري البديع ، وأسئلة المصدوم الذي ملأت المرارة نفسه .

تقبل تعليقي الطويل ومروري مع التقدير والتحية

الشاعر الكبير المبدع الأستاذ مازن لبابيدي
دخلت يا سيدي بمبضع حروفك وسط أعماق أعماقي , وكيف لي لا أتقبل تعليقا يشع نورا ويكشف خلجات نفسي , لك مني خالص المودة والإحترام والتقدير , طاب نهارك ومساؤك بكل خير ورضا

[نداء غريب صبري]

تصوير جميل لشريحة واسعة من الشعب تحمل في الضمير تصورات طاهرة تشبهها

قصيدة رائعة شاعرنا

بوركت

[د هاني ابوالفتوح]

تصوير جميل لشريحة واسعة من الشعب تحمل في الضمير تصورات طاهرة تشبهها

قصيدة رائعة شاعرنا

بوركت

الشاعرة الكبيرة الأستاذة نداء غريب صبري
مرورك هنا زين المكان وتعطرت به الحروف وأضاء صدري وعقلي بهذا الحرف الندي
بورك يومك وغدك ودمت بكل ألق