د هاني ابوالفتوح
14-04-2011, 01:10 AM
دَاينْ ... تُدَانْ
حكمتك يا رب
يا صاحب الأمر في الدنيا
والآخرة ... وأياً ما كان
يا نازع الروح في ثانية
وخالق ملايكه وبشر وجان
شفنا عجايب قدرتك
بركان .. زلزال .. طوفان
دا كله عِبْرَه و حِكَمْ
و آيه لله في خلقه وبيان
دلوقتي حِكْمَه جديدة يا مصر
بقيتي للحِكْمَه ميدان ؟
.....................................
الحِكْمَه تقول ....
لو عايش علي الأرض ملك
أو كنت أجدع رئيس
وللا سلطان زمان
خد لك من الدنيا عِبَرْ
و إفهم لأحكام القدر
ربك وقال ..
كما تَدِينُ .. تُدَانْ
..................................
لكل حاجة في الدنيا سبب
ولكل حاجة علامة
إللي بَشُوفه النهارده
زلزال ... ولا يوم القيامة
لتقُُلِي ثورة .. ومظاهرة
و حب انتقام وشهوة و مَلامَة
أنا شايفه غضب من ربنا
نازل علي ناس ما تستاهل سَلامَهْ
ورحمه علي شعب إتظلم
ثار .. سمعت الدنيا كَلامَهْ
خلا من الثورة مثل وعبرة
لكن العبرة ما تنفع وقت الندامة
اللي كان ريس وطن
شامخ ووسط الدنيا هامة
م الليلة محبوس في مستشفى
وابنه اللي ياما هد الأرض يامة
ياخدوه بطيارة من شارم لطرة
رايح عشان يلبس بيجامة
بيجامة بيضا بَفْتَة
جوه زنزانة سودة عتامة
و حكمتك يا رب
..........................................
أيوة زنزانة ...
لا فيها صاحب ولا واسطة ولا خِلْ
لا فيها شمس ولا نور ولا ضِلْ
لا طبل .. لا زمر .. لا ورد .. لا فُلْ
.........................................
إبن الرئيس
إللي كان راسم يكون الرئيس المعتبر
شوفتوا النهارده عجايب القدر
جوه زنزانة محبوس لا حس لا خبر
جايز عشان ناخد من الدنيا عِبَرْ
جايز يكون عِبْرَة للرئيس المنتظر
إوعى تفكر يوم إنك فوق الخلق
واحد غير البشر
ممكن في لحظة تموت
أو ثورة حرة تقوم
تحطك في زنزانة زَيه
لوحدك تكلم حجر
و حكمتك يا رب
شعر : د هاني ابوالفتوح
الكويت - الأربعاء 13 إبريل 2011
يوم إصدار قرار النائب العام بحبس الرئيس المخلوع وإبنيه 15 يوم
حكمتك يا رب
يا صاحب الأمر في الدنيا
والآخرة ... وأياً ما كان
يا نازع الروح في ثانية
وخالق ملايكه وبشر وجان
شفنا عجايب قدرتك
بركان .. زلزال .. طوفان
دا كله عِبْرَه و حِكَمْ
و آيه لله في خلقه وبيان
دلوقتي حِكْمَه جديدة يا مصر
بقيتي للحِكْمَه ميدان ؟
.....................................
الحِكْمَه تقول ....
لو عايش علي الأرض ملك
أو كنت أجدع رئيس
وللا سلطان زمان
خد لك من الدنيا عِبَرْ
و إفهم لأحكام القدر
ربك وقال ..
كما تَدِينُ .. تُدَانْ
..................................
لكل حاجة في الدنيا سبب
ولكل حاجة علامة
إللي بَشُوفه النهارده
زلزال ... ولا يوم القيامة
لتقُُلِي ثورة .. ومظاهرة
و حب انتقام وشهوة و مَلامَة
أنا شايفه غضب من ربنا
نازل علي ناس ما تستاهل سَلامَهْ
ورحمه علي شعب إتظلم
ثار .. سمعت الدنيا كَلامَهْ
خلا من الثورة مثل وعبرة
لكن العبرة ما تنفع وقت الندامة
اللي كان ريس وطن
شامخ ووسط الدنيا هامة
م الليلة محبوس في مستشفى
وابنه اللي ياما هد الأرض يامة
ياخدوه بطيارة من شارم لطرة
رايح عشان يلبس بيجامة
بيجامة بيضا بَفْتَة
جوه زنزانة سودة عتامة
و حكمتك يا رب
..........................................
أيوة زنزانة ...
لا فيها صاحب ولا واسطة ولا خِلْ
لا فيها شمس ولا نور ولا ضِلْ
لا طبل .. لا زمر .. لا ورد .. لا فُلْ
.........................................
إبن الرئيس
إللي كان راسم يكون الرئيس المعتبر
شوفتوا النهارده عجايب القدر
جوه زنزانة محبوس لا حس لا خبر
جايز عشان ناخد من الدنيا عِبَرْ
جايز يكون عِبْرَة للرئيس المنتظر
إوعى تفكر يوم إنك فوق الخلق
واحد غير البشر
ممكن في لحظة تموت
أو ثورة حرة تقوم
تحطك في زنزانة زَيه
لوحدك تكلم حجر
و حكمتك يا رب
شعر : د هاني ابوالفتوح
الكويت - الأربعاء 13 إبريل 2011
يوم إصدار قرار النائب العام بحبس الرئيس المخلوع وإبنيه 15 يوم