قصيدة " الرصاصة"

[اكرم حسن احمد]

قصيدة "الرصاصة " اهداء الى كل شرفاء الثورة العربية

الميدان ف قلبى
وقلبي ف الميدان
فسبّته هناك
يلمس كل المشاعر .. والذكريات
ويستناك
الرصاصة
جت فيه .. عشان تحييه
يمكن عشان وطّيت .. مجتش فيا ؟
وانا اللي واقف ف الميدان
بل الميدان فيا
يمكن أكون واقف غلط ؟
أو معنّديش دم
عشان كده منزلش
ف الميدان
كل الجروح كانت دوى
والموت حياة
والدموع أفراح
بتغسل الماضى الوسخ
وتنقش خريطة العهد اللي جاي
الرصاصة مش فشنك
أنا اللي فشنك
صوتى واطى .. وبستخبه ف الزحام
فمستهلش
كنت فين
وناس بتدفع حيتها ف السجون
ناصح أتكلم هنا
هى الفيران بتجيب أسد
ولّا الأسد بيجيب فيران
فى الميدان
الرصاصة
مكنش بتصيب الجبان

[ربيحة الرفاعي]

نعم
الرصاصة لا تصيب الجبان والا جعلت منه بطلا
وفي الميدان كانت الحقيقة تعلن عن نفسها بروعة أجدت وصفها

نص جميل

دمت بألق

[اكرم حسن احمد]

نعم
الرصاصة لا تصيب الجبان والا جعلت منه بطلا
وفي الميدان كانت الحقيقة تعلن عن نفسها بروعة أجدت وصفها

نص جميل

دمت بألقشكرا على متابعتك لأعمالى

[نداء غريب صبري]

ف الميدان
كل الجروح كانت دوى
والموت حياة
والدموع أفراح
بتغسل الماضى الوسخ
وصف شعري رائع
وقصيدة ممتعة وعذبة

بوركت شاعرنا

[الطنطاوي الحسيني]

اخي الشاعر اكرم حسن
قصيدة واصفة هازئة بمن توارى
ولكن احيانا الرصاصة بتكون مأمورة
تصور ان العبد لله انضرب عليه مابين اربع لست رصاصات ولم تصبه واحدة
فسبحان الله
ولكن اصابني حجر بثمان غرز فقط هذا هو ثوابي ونصيبي
ولعل الله يكتب لنا الشهادة على اعتاب الاقصى ان شاء الله تعالى
المهم هذا على غير قاعدتك الجميلة الاصيلة
الرصاصة مبتصبش الجبان
ولكنك لست هو
تحياتي ايها الحر الكريم المبدع

[خالد ابو امل]

رصاصة فى الميدان تدور على حنان صدر يحتويها صدر مش جبان
مش هقول انك تستحق شهاده او نيشان
بس مصر تستحق نعلى البنيان
لو انتا جبان مكنتش زعلت عليا لما غلط وجيت فى صدر صاحبك الى ياما كرهت
فداك بروحه روح كمل طموحه
الثورة خلاص قامت ونضفنا الميدان
ولم من الشوارع فوارغ الرصاص وخليها ديما فى عنيك وفى ايدك قلم رصاص
ارسم طموح صحبك الى دمه فى الميدان
وصحبك هيفرح وهتثبت ان عمرك مكنت جبان
تقبل كلماتى البسيطة اخوك ..خالد