وانا قاعد وياها بكيت

[رضا عثمان]

وانا قاعد وياها بكيت
من جوايا وكلم نفسي
واحضن عينها بعيني واقول
حبك أكبر ذنب لقلبي
ليه مكتوب نبقى الخاينين
و ندوس ليه على ناس غاليين
ذنبها ايه اللى بتعشقني
وانت كمان من قربي يا صاحبي
،
طيفك ذلذل قلبي فتني
بعد ما كنت لغيرك خدني
نساني العالم ولقتني
بنسى أعز الناس ونسيتني
،
امته هتوب من حبك امتى
كلي ذنوب مش قادر أنسى
نظرت عينه وانا وياه
وامشي تجيني واحبك لسه
نفسي تقولي بعينك حاجه
من غير مد ادين واللمسه
أنا تعبان وكفايه سذاجه
انتي لصاحبي وشطه المرسى
،
لما بكون وياه ويحكي لي
ذكرى زمان كات بيني وبينه
بسمع كل كلامه وعيني
مش قادر أرفعها ف عينه
وارجع اكلم نفسي ما بيني
ليه مارفعشي الراس واشكيله
زي ما كان ف الماضي يجيني
يسمع مني وكنت ابكي له
،
شوفتي الحب ازاي نسانا
واحده بريئه ادتني حياتها
لما تشوفني بتفرح ياما
تيجي تقرب أبعد عنها
تمسك تاني بايد مليانه
وابقى معاها وفكري ف غيرها
ليه بنبكي قلوب هيمانه
لي بنهديها جروح تسكنها
،
قولي خلاص التوبه أوانها
من دلوقتي ومش هبقالك
وانسي اشعاري بكل ابياتها
حتى وعودي اللي ادتهالك
روحي هترجع للي عشانها
قالت بوهب روحي عشانك
واللي بيفدي الروح ابقالها
واللي يعيش لك هوا ابقالك

.
رضا عثمـــان

[آمال المصري]

أهلا ومرحبا بك شاعرنا الجميل
عزف رائع صدح على مواويل النغم
وحرفٍ بديع ملكت به قلوبنا
للتثبيت استحقاقا
تحيتي والجوري

[رفعت زيتون]

.

أخي رضا

لك كل الرضا

كلمات سحرية بإيقاع رقيق

سرتُ بصحبتها إلى النهاية

أهلا بك أخي

.

[رضا عثمان]

الاخت الاديبه الرائعه رنيم مصطفى
أولا بشكر حضرتك جدا على تثبيت تلك الكلمات المتواضعه
ثانيا يشرفني جدا مرور حضرتك ورأيك
دمتي بكل خير اختي
:001:

[رضا عثمان]

أخي الشاعر الكبير رفعت زيتون
سعدت جدا بمرورك العطر
وانه لشرف لي أن أكون هنا في هذا المنتدى الطيب بأهله
أخا وشاعرا
دمت بكل حب
:001:

[ربيحة الرفاعي]

لما بكون وياه ويحكي لي
ذكرى زمان كات بيني وبينه
بسمع كل كلامه وعيني
مش قادر أرفعها ف عينه
وارجع اكلم نفسي ما بيني
ليه مارفعشي الراس واشكيله
زي ما كان ف الماضي يجيني
يسمع مني وكنت ابكي له
،
شوفتي الحب ازاي نسانا
واحده بريئه ادتني حياتها
لما تشوفني بتفرح ياما
تيجي تقرب أبعد عنها
تمسك تاني بايد مليانه
وابقى معاها وفكري ف غيرها
ليه بنبكي قلوب هيمانه
لي بنهديها جروح تسكنها
كم هي حزينة هذه اللوحة وكم هي باكية حروفها
قصيدة عذبة شجية الحس ومؤلمة الفكرة

أحسنت القصيد شاعرنا

دمت بألق

[ربيحة الرفاعي]

أستاذنك وجميع الكارم رواد القسم العامي برجاء
أن تكون الردود جميعها باللغة الفصحى

القصائد هنا بالعامية
اما التعليقات والردود فبالفصحى فضلا

دمتم جميعا بخير

[الطنطاوي الحسيني]

اخي المبدع رضا عثمان
قصيدة شجية جميلة وفكرة تحدث ولا نتحدث عنها كثيرا

قلم يملك الموهبة
همسة اخي رضا لو كانت القافية تلتزم اكثر بنفس النهايات تكون اجمل واتم للابداع
ورغم ذلك موسيقى عذبة شجية وفكرة متدرجة بلغة سهلة بسيطة مبدعة
وفقت اخي والي الابداع والتألق دائما

[محمد محمود محمد شعبان]

أخي الشاعر الرائع /رضا عثمان
نعم قصيدة رائعة بكل ما حملت من مشاعر وأحاسيس
ولكني أراك مقلا أخي من تواجدك بجانبنا ومشاركاتك نحتاجك أخي هنا .. لعل المانع خير
أمتعنا أخي بهطول دائما ولا تحرمنا من مشاركاتك وتعليقاتك أيها الحبيب .
في انتظارك أخي .

تحيتي


حمادة الشاعر
مشرف عامية

[آمال المصري]

شجية بديعة الحرف تلك الغنائية الجميلة
تألقت فيها حرفا وفكرة شاعرنا المكرم فجاءت سلسة طروبا
دام ألقك
ومرحبا بك في واحتك
تحاياي

[محمد عبد القادر]

هذا القلب الواقع بين نارين
مكتوب عليه الوجع
دمت كما تحب أيها الشاعر
و
إلى لقاء