حكايات ألف رنة ورنة

[محمود موسى]

كنت مفكَّر.. إن ساعات الليل معناها
همس نجوم السما والنور الفارد نبضه
على سكوت الشارع والحي
واني ف أول ما اسمع صوتها المشتاق جدا
هيقول لي حكاية عن العمر المخصوم منه
ساعات الفرقة اللي نعوضها ف بكرة الجي


بس دا بُعدي

كل موبايلي ف نفْس الساعة
ما يغَنّي بإسمها ع الشاشة
راسه وألف مكالمة يعيد الموقِف تاني..
ينقل صوتها الخايف بعد "ألو" و"ازيك..

بدأت تحكي
أختها آل كانت بتقَلّب
وأصرِّت على فيلم الرعب!
بس.. اتفضل
آل من وقت الفيلم ما شطَّب..
حست إن الأوضة بتِشهَق..
والهوا جواها بيتشقق..
وان الدبدوب اللي ف ركن الأوضة مبَرّق!
قلت لها وحشتيني وحاسس
إن العمر ماهواش أطول من حكايتنا.
سكتت ثانية وبعدين قالت:
مانتاش سامع؟
رديت: أيوة
لحن ردودك من قبل ما ينزل لك خاطر
أو يتشكل جوّا كلام..
سكتت تاني وقالت ركّز..
حسة بصوت الباب بيقَطّع..
واللمبة السَّهّاري بترقص وتهددني بنور متصدّع..
حتى الليل أول ما بييجي يحاصر أوضتي
والشمس امّا تغيب تتلكّع..
ساكت ليه؟
-مش ساكت.. بسمع.
مستنيكِ تقولي بإن دولابك طبعا
متوارب وكأنه مغارة..
وانك خايفة تنامي وضهرك ليه لَيهاجمك
أو تطلع لك سمسومة القطة وتتحول خفاش مثلا
أو صرصارة
وانك فاكرة الجمجمة ويا النور الأحمر
من ساعت ما حلمتي بماما الغولة بتخطف
وبتحدف بعنيها شرارة
طبعا تُشكر..
علشان بعد ما كنت مفكَّر
إن ساعات الليل معناها
همس نجوم السما والنور المرتاح دايما
لسكوت الشارع والحي
اتأكدت بإن الليل ده معاد الجلسة..
واللي ناويها ولو شهرين
لجل ما اخف من الفكرة المجنونة القايلة بإنك ممكن
تتحسبي ما بين العاقلين

[محمد محمود مرسى]

كنت مفكَّر.. إن ساعات الليل معناها
كل موبايلي ف نفْس الساعة
ما يغَنّي بإسمها ع الشاشة
راسه وألف مكالمة يعيد الموقِف تاني..






سكتت تاني وقالت ركّز..
حسة بصوت الباب بيقَطّع..
واللمبة السَّهّاري بترقص وتهددني بنور متصدّع..
حتى الليل أول ما بييجي يحاصر أوضتي
والشمس امّا تغيب تتلكّع..
ساكت ليه؟
-مش ساكت.. بسمع.


رائع رائع أخي الشاعر المرهف محمود موسي
دائما متفرد
لي شرف أول مصافحة

[محمود موسى]

رائع رائع أخي الشاعر المرهف محمود موسي
دائما متفرد
لي شرف أول مصافحة

الشرف لي أنا يا صديقي
مرحبا بك :)

[آمال المصري]

مرحبا بحرف يطرب الذائقة ننتظر هطوله علينا
فلمحبرتك بريق مختلف يشع بهاءً
تحية تليق بشاعرنا المكرم
ونزداد تشريفا بتفاعلك مع باقي شعرائنا
ود وزخات عطر

[ربيحة الرفاعي]

مطرب حرفك ومتناغم
ولقصيدك وقع على النفس شجي وعذب

قلت لها وحشتيني وحاسس
إن العمر ماهواش أطول من حكايتنا.
سكتت ثانية وبعدين قالت:
مانتاش سامع؟
رديت: أيوة
لحن ردودك من قبل ما ينزل لك خاطر
أو يتشكل جوّا كلام..
سكتت تاني وقالت ركّز..
حسة بصوت الباب بيقَطّع..لا أقسى ولا أمر من أن يرسل كلّ على موجة غير تلك التي يستقبل عليها صاحبه
لا أقسى ولا أمر من أن يجهض أحلامنا فراغ نبث فيه بلا انتهاء

جرس عذب
ورمزية بديعة
وإسقاط ولا أحلى

أبدعت شاعرنا

دمت بألق

[محمد محمود محمد شعبان]

جميل أن يكون الحب تبادل مشاعر وأحاسيس
وما أقساه إن كان من طرف واحد والآخر في واد بعيد

تقبل خالص التحية ، والمودة



حمادة الشاعر
أديب ، وشاعر

[آمال المصري]

حوارية جميلة رسمتها باقتدار شاعرنا الرائع
وكأنك تقول " كل يغني على ليلاه "
أبدعت كعهدنا بك
دام ألقك
ومرحبا بك في واحتك
تحاياي