إسكندرانى
10-07-2004, 08:00 PM
وزير الصحة
وزير الصحة أصبح
مذيع ف الإذاعه
وكل يوم بيصبح
يطمِّن الجماعه
فى نشرة ( 5 ) أعلن
بإن الحاله فعلاً
بسيطه ومستقره
سيادته فاق وفتَّح
ونادى ع المدام
وطمِّن الولاد
وقال ما تقلقوش
خلاص بقيت تمام
فى نشرة ( 6 ) فسَّر
حقيقة الوضع أكتر
سيادته بالبيجاما
حواليه الورد ياما
ممدد فى السرير
حرارته مش كتير
ونبض قلبه عادى
وفاطر النهارده
فطار بسيط وعادى
سوسيس ولحمه بارده
وبيض مسلوق ومقلى
وفول وجبنه بيضا
وبرام مليان زبادى
فى نشرة ( 9 ) أوجَز
وقال للشعب موجَز
سيادته قام ومشَّى
وحالته بجد بمب
وقاعد ح يتعشَّى
كباب ومحشى كوسه
عشان مفيش كرنب
وزير الصحه فكَّر
وقال ازَّاى راح اقدر
أعيش من غير سيادته
وقام الصبح بدَّر
وجاب بيبان وزارته
وسافر بالسلامه
وسابنا للندامه
ماهو مش مهم حالنا
ولا أيه بيصيب عيالنا
مدام ح يبقى عايش
هناك جنب الإدارة
بيعرف ف الأصول
ويفهم بالإشارة
أكيد ح ينول رضاهم
ويحجز م المؤكد
مكان وكرسى دايم
ويكبس فوق نفسنا
سنين العمر كله
ويفضل ف الوزاره
إسكندرانى
3/7/2004
وزير الصحة أصبح
مذيع ف الإذاعه
وكل يوم بيصبح
يطمِّن الجماعه
فى نشرة ( 5 ) أعلن
بإن الحاله فعلاً
بسيطه ومستقره
سيادته فاق وفتَّح
ونادى ع المدام
وطمِّن الولاد
وقال ما تقلقوش
خلاص بقيت تمام
فى نشرة ( 6 ) فسَّر
حقيقة الوضع أكتر
سيادته بالبيجاما
حواليه الورد ياما
ممدد فى السرير
حرارته مش كتير
ونبض قلبه عادى
وفاطر النهارده
فطار بسيط وعادى
سوسيس ولحمه بارده
وبيض مسلوق ومقلى
وفول وجبنه بيضا
وبرام مليان زبادى
فى نشرة ( 9 ) أوجَز
وقال للشعب موجَز
سيادته قام ومشَّى
وحالته بجد بمب
وقاعد ح يتعشَّى
كباب ومحشى كوسه
عشان مفيش كرنب
وزير الصحه فكَّر
وقال ازَّاى راح اقدر
أعيش من غير سيادته
وقام الصبح بدَّر
وجاب بيبان وزارته
وسافر بالسلامه
وسابنا للندامه
ماهو مش مهم حالنا
ولا أيه بيصيب عيالنا
مدام ح يبقى عايش
هناك جنب الإدارة
بيعرف ف الأصول
ويفهم بالإشارة
أكيد ح ينول رضاهم
ويحجز م المؤكد
مكان وكرسى دايم
ويكبس فوق نفسنا
سنين العمر كله
ويفضل ف الوزاره
إسكندرانى
3/7/2004