تسجيل الدخول

مشاهدة النسخة كاملة : صرخة دموع


سامى عبدالعال
20-06-2011, 02:43 PM
كنت اشوفك
شمعه فوق كف القدر
وف عنيك
مليون حكايه تنقرى
قبل ماتنوى السفر
وف عنيك
المح كلام
المح الام
المح نجوم الصبح
ماشيه بتختفى
وبينطفى
نور القمر
والشوق اليك ..
صرخه دموع
بين الضلوع
بتشد من قلبى الوتر
لكن ياصاحبى
خطوتك فوق سكتك
بتقول لنا معنى الحياة
بتقول لنا
عن حلم لما بنزرعه
بنودعه ونموت معاه
وانت اللى حلمك..
كان كبير
عصفور يطير
فوق فى السما
ويسبح المولى ف علاه
مانت اللى قلبك
كان شراع
وف مركبك
طوق النجاه
فاكرك.....
ياصاحبى مش ناسيك
لسانى فاكر
ضحكتك
نظرة عنيك
لسانى فاكر
نبض قلبك
لما جات ايدى ف اديك
لساتى فاكر
كلمتين بينى وبينك
بينى وبينك كلمتين
كان ساعتها قلب
تانى بيناديك
آمال المصري
20-06-2011, 03:00 PM
الله الله رائعة رغم صراخ الدموع
تتغنى فيها الحروف
مرور أول للترحيب شاعرنا الرائع
وللتثبيت تقديرا
تحيتي الخالصة
علياء محمود
20-06-2011, 03:08 PM
احيانا تأتي الرياح بما لا تشتهيه السفن وتذوب المعاني الطيبة والمشاعر الراقية بين الاصدقاء رغما عنهم

كلمات طيبة

احترامي..
ربيحة الرفاعي
20-06-2011, 09:42 PM
لكن ياصاحبى
خطوتك فوق سكتك
بتقول لنا معنى الحياة
بتقول لنا
عن حلم لما بنزرعه
بنودعه ونموت معاه

الله على الصورة الجميلة
والمعاني
لما تبقى شكل تاني
للحياه
والكلام الحلو يدخل للقلوب
من غير ما يستأذن ولا
يستنى لو ممكن .. و ... آه
والجراح اللي قلوبنا
ألف معنى ليها
والشاعر وراه
لسه فاكر نبض قلبه؟
لسه فاكر معنى حبه؟
لسه في الأحلام بتستنى بلقاه
آه يا قلبي من جنونك
من شجونك ...
من تخاريفك وآه ...
شكرا لروعة حرف تستنطق الصخر وتستمطر الشعر
بديعة شاعرنا الجميل

دمت بألق
سامى عبدالعال
23-06-2011, 01:01 PM
الأديبة الرائعة
الأستاذة رنيم مصطفى
شكرا لمرورك الكريم ومصافحتك الجميلة
وشكرا لتثبيتك لذلك النص
أرق تحياتى
سامى عبدالعال
23-06-2011, 01:08 PM
الأستاذة الجميلة
والأديبة المتألقة
ربيحة الرفاعى
حينما صافح قلمك الرائع قصيدتى المتواضعة
ونثرت عليهاالورود والرياحين
أحسست بعطر قلمك الرائع ينساب ليعطر متصفحى
شكرالمرورك
وتحياتى لك
محمد محمود محمد شعبان
30-07-2012, 11:19 AM
لقدير / سامي عبد العال

تحية لقلمك الرائع ، وحرفك النابض

قصيدة ملأت الأرجاء بكل معاني المحبة والإخلاص

دمت بك ود



حمادة الشاعر
مشرف عامية
وليد عارف الرشيد
30-07-2012, 06:24 PM
مغناة رائعة أين منها أهل الموسيقا والطرب ؟
أطربتني فعلًا شاعرنا الجميل
دمت بهذا الإبداع والحس العالي
محبتي وتقديري
عايد راشد احمد
08-08-2012, 10:40 AM
السلام عليكم ورحمة الله


شاعرنا الراقي

عمل رائع تفوق فيه الحرف علي القلم فخرج معني ونغم اطربني واشجاني

رائع ما قرأته هنا

تقبل مروري وتحيتي