لِِِِم الوطن

[اكرم حسن احمد]

مين اشترى ؟
مين اللي باع ؟
لِم الوطن ..
قبل الضياع
سيب السما تمطر
من غير سحاب
والتاريخ
ينكتب .. من غير كتاب
ازاى فرح ..
يكتـَّر الأوجاع ؟!
عايز ظهور الحق ؟
ولا ظهورك ؟!
الشمس لو ظهرت قوى
الناس بتدايق
حُب الأنا
والغرور
ازاى نشوف السمك
والبحر مش رايق ؟!
هو اللي عدى الليل ..
ولا النهار ؟!
زي اللي راح مرْجعش
انت .. أنا
ايه الجديد ؟
لسَّانا زى مَحْنا
متعلقين ف القش
لسه المسافه ف قـُربها ..
بعيّده
شيل م الجسد حبة حاجات
ح طـّيب
فارق لـُقا الليل الحزين
راجع سفر النهار
من بين ....................
زى اللبن الحليب
واحنا
ف لحظات .. الخلاص
أجمل قصيدة ف الوطن
مَكتبنهاش
الميدان ..
نقـش القصيدة ..
بدم كل شهيد
لمّا جمَّعنا الرصاص
وضمنا الأخلاص
ضـم الوطن
دَ اللي بَنىَ مصر
عُمرُه مكان
بَكـّاش





أكرم حسن أحمد

[آمال المصري]

نص جميل استنطق مداد الأقلام
أتقنت فيه فن العزف على صعيد الأحداث
فصرخ على الأوراق هذا الألق
أديبنا المكرم ...
كتبت فأبدعت
تقديري والأوركيد

[ربيحة الرفاعي]

حلوة معانيها
ومؤثرة صورها
وقوية رسالتها

قصيدة أحببت مضمونها وطربت له
حفظ الله مصر قوية أبية

دمت بخير

[الطنطاوي الحسيني]

واحنا
ف لحظات .. الخلاص
أجمل قصيدة ف الوطن
مَكتبنهاش
الميدان ..
نقـش القصيدة ..
بدم كل شهيد
لمّا جمَّعنا الرصاص
وضمنا الأخلاص
ضـم الوطن
دَ اللي بَنىَ مصر
عُمرُه مكان
بَكـّاش

قصيدة رائعة بفكرتها مميزة في صورها وطرحها
رائع اخي اكرم
تحياتي ودمت مبدعا