الحكاية

[سامى عبدالعال]

[الحكايه والروايه
الفانله فى الجونلة
والملايه فى العبايه
والكلاب فى الضلمه طايحه
جايه رايحه
وريحه فايحه فى الولايه
والولايه سلطانيه
فيها بوظه قول بالوظه
اوفسيخ فى مهلبيه
وانا ثور مربوط فى ساقيه
ساقيه دايره فى الوسيه.
لجل ماتعيش الولايه
الولايه السلطانيه

[ربيحة الرفاعي]

لو فسيخ في مهلبية
تبقى محلولةْ القضية
ومش بيلزم من معالجةْ
لجل تتحل البلاوي
ونكسب الجولة اللي جاييةْ
غير تشيل دَه عن دَ
يعني ....
وبرضة تغسلهم شوية
بس فكرك في طريقةْ
تتغسل فيها الحجات دي
؟؟؟
دول فسيخ بمهلبية!!!
يعني حتى الجن الأزرق
يبقى قاصر
والغسيل يلزم له ساحر
إبن جن وفهلوي ...
ومن غير هوية

أعجبتني الصورة التي اختصرت ما وصلنا إليه

أبدعت شاعرنا

دمت بخير

[سامى عبدالعال]

الشاعرة القديرة ا
لأخت ربيحه الرفاعى
.................................................. ........
الغسيل غيهم خساره
واحنا ليه نخسر
عشانهم باكو اريل
أ و صابونه
هم دول ياست رابحه
اللى خربوا بيوت أبونا
هم دول
اللى اشتروا فينا وباعونا
يسووا ايه عندي وعندك..؟
دول فى رأى الشعب كله
ما يساووش فص توم
أو كام لمونه...دول باعونا ....وغربونا.... وغرقونا
وطلعوا ميتين أبونا
يبقى يسووا كام فى نظرك
بس قولي كام لمونه
.......................................
أشكرلك ردك الجميل على النص ومصافحتك الرائعة

[آبو عمرو سليمان]

معك حق أ/سامى عبد العال لولا هؤلاء لكنا فى مقدمة بلاد العالم مثل غيرنا
رائع ماخط يمينك

[نداء غريب صبري]

نعم اخي
معك حق
قصيدة جميلة ومعنى قوي وصادق

بوركت

[علاءالحكيم]

ههههههههه
مقتصر مفيد

صوره اكثر من رائعه في التحليل
سلمت اخي علي روعة ماطرحت
ولك كل الود والتقدير
مودتي

[آمال المصري]

ساخرة بديعة قالت كل الحكاية
وجاء رد سيدتي الربيحة ليكمل الصورة فيزداد بهاءها ورونقها
أبدعت شاعرنا
وكل عام وأنت بخير
خالص التحايا

[سامى عبدالعال]

شكرا لما نثرتموه هنا
وأعتذر لتأخري فى الرد بسبب وعكة صحية مرت بسلام
والحمدلله

[الطنطاوي الحسيني]

الغسيل غيهم خساره
واحنا ليه نخسر
عشانهم باكو اريل
أ و صابونه
هم دول ياست رابحه
اللى خربوا بيوت أبونا
هم دول
اللى اشتروا فينا وباعونا
يسووا ايه عندي وعندك..؟
دول فى رأى الشعب كله
ما يساووش فص توم
أو كام لمونه...دول باعونا ....وغربونا.... وغرقونا
وطلعوا ميتين أبونا
يبقى يسووا كام فى نظرك
بس قولي كام لمونه


تعرف ان الرد اوضح كثيرا مما كنت جعلته ماء في فمك ثم افرغته
بصراحة القديرة ربيحة اخي سامي فهمتك واستطاعت بحنكتها وابداعها ان تجعلك تظهر لنا ما ابطنته في القصيدة
رائعة اخي سامي
ولكن نتعب شوية ونعصر على نفسنا لمونة و نضف ونطهر احنا كدة طهرنا مثلا 70% بعد الانتخابات بإذن الله
باقي 20% اللي طلعو عنين ابونا مش هانسكت لهم وهانمسكهم زي ال ف ي ر ا ن حتى ولو في المجلس مهيمكش
وال باقي منهم البلطجية واللي ماشي في الزفة ربنا يهديهم حبة نصح من اهل الدين وحبة تربية مع المساجين وربنا يريحنا منهم بقى
تحياتي لكل هذا التفاعل المثمر الجميل
دمت مبدعا تضع يدك على الجرح لتعالجه تحياتي

[الطنطاوي الحسيني]

الحكاية يا سعدتك
اننا مش راح نسلم
مهما هبو النار لسعنا
مهما سل الشوك جرحنا
مهما ديب الزور دبحنا
عمرنا مش راح نسلم
مانتعارفنا ياصحبي
شعب راسي وراسه دنيا
مهما يسكت او يطاطي
يجي يوم ويثور ف ثانية
علم الظالم حقيقته
هي دي علطلول طريقته
الأذى مبينسهوش
مهما فوت أو يحوش
يملى جوا الراس يخزن
وان هجم مبتلحقوش
أحنا خطينا الخطاوي
للأمل أذا كنت ناوي
والأمل مش سكة سلكة
لا دا ضلمة و زنقة حلكة
لازم المصباح يا ريس
ضيه ف قلوبنا اللي مالكة
نستعين بالله نصيرنا
نخوة صاحية كمان شهامةا
نرمي مين جرح بلادنا
ونختمه بمليون علامة
الثبات هوا الكرامة
شعبنا اللي ثار عشانا
حطحط الحب و نصرنا
من ملايينو الجريئة
هي رمانة ميزانا
يفهموا راح يبنو امة
وربنا مش راح يسيبنا
ربنا مش راح يسيبنا


اخي سامي عبدالعال المبدع الجميل
ضغط علي الشعر فعدت من جمال ما أبدعت
لعلي ادخل ما اوحيت به لي في مداخلة جديدة
دمت مبدعا ابيا رائعا

[سامى عبدالعال]

الله الله الله ياأستاذ طنطاوى
أشكر قصيدتي التي فجرت قريحتكم الشاعر
لنستمتع بابداع أقلامكم الممتلئة بمشاعر الوطن الجياشة
ولا يفوتني أن أشكركم على مانثرتموه هنا
تحياتي ومودتي
وتقبلوا عذري الشديد لتأخري في الرد

[سامى عبدالعال]

الشاعر القدير
الأستاذ
الطنطاوي الحسينى
مداخلة جميلة ورائعة
بس زي حضرتك مااتفضلت نستعين بالله نصيرنا
وسيظل ناصرنا عليهم وربنا يوفق شعبنا للبناء في كل الميادين
قول آمين
تحياتي ومودتي

[محسن البدراوى]

ما اجمل امسيتكم هنا
حيث الجمال والسحر
دومتم بألق
وبالتوفيق

[سامى عبدالعال]

الجميل
الأستاذ
محسن البدراوي
الأجمل ياسيدي هو تشريفكم لنا بطلتكم البهية
والتي أشرقت بها الواحة
تحياتي ومودتي