الحلم المسافر

[سامى عبدالعال]

وف سكة الحلم المسافر
شفت ميت مليون شراع
وناس كتير
ماسكه الحبال
بتشد قرص الشمس
من وسط التلال
لكن......!!!!
حبال متقطعه
ماتشد حتى لو خيال
وهناك....!!!!
هناك على جناح السما
عصفور جناحه شراع
تصد الريح
والكون جريح
الكون
سفينة نوح تروح
ترجع تشيل مليون شهيد
مليون جريح
ميت مليون شهيد
بتمد ايد
وتشد قرص الشمس تاني
من جديد
من وسط بحر مالوش قرار
يجي النهار
ويطير على عدان الكافور
عصفور كنار
ومن جديد
يشتد عزمك ياوطن
لو كل ايد بتشد ايد
يمكن يهل علينا عيد

[ربيحة الرفاعي]

بتمد ايد
وتشد قرص الشمس تاني
من جديد
من وسط بحر مالوش قرار
يجي النهار
ويطير على عدان الكافور
عصفور كنار
ومن جديد
يشتد عزمك ياوطن
لو كل ايد بتشد ايد
يمكن يهل علينا عيد
الله ما أجملها دعوة وما أرقاها روحا
فهل فينا من يمتثل لنداء الأخوة والوفاء للوطن والمة

بديع شاعرنا

دمت بألق

[سهام ماجد]

سفينة نوح تروح
ترجع تشيل مليون شهيد
مليون جريح
ميت مليون شهيد
بتمد ايد
وتشد قرص الشمس تاني
من جديد
من وسط بحر مالوش قرار
يجي النهار

أخى القاضل / سامى
كلمات رائعه تسلم الأيادى
راق لى ما سطرت
لك منى جزيل الشكر

[علاءالحكيم]

ومن جديد
يشتد عزمك ياوطن
لو كل ايد بتشد ايد
يمكن يهل علينا عيد

بارك الله فيكي اخي
وان شاء الله الكل يستجيب للدعوه
تسلم ويسلم حسك الوطني
ولك كل الشكر علي ماخط قلمك هنا
كل الود

[آمال المصري]

نص بديع فيه دعوة للتماسك والاتحاد
نتمنى أن يصل صداه لكل فرد في الوطن
أبدعت وأجدت شاعرنا
تحيتي الخالصة

[اكرم حسن احمد]

من وسط بحر مالوش قرار
يجي النهار

[نداء غريب صبري]

قصيدة جميلة ودعوة للتوحد والتكاتف

شكرا لك أخي

بوركت

[فايدة حسن]

عن أبي موسى الأشعري رضي الله عنه قال: قال رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه" متفق عليه.
فما أنفع العمل بهذا الحديث العظيم الذي أرشد فيه هذا النبي الكريم صلى الله عليه وسلم أمته إلى أن يكونوا كالبنيان يشد بعضه بعضاً، وكالجسد الواحد إذا اشتكى منه عضو تداعى له سائر الجسد بالحمى والسهر.

[سامى عبدالعال]

مصر رجعت تانى لينا

المشاهد... هي هي .. والقضية ...هى هى
والوجوه نفس الوجوه
اللصوص ويا الفلول والبلطجية
والقضية
اللصوص خاطفين بهية
والبهية من زمان مش لاقية قاضى
او محامى يجيب حقوقها او تراضى
من زمان رابطين عنيها
مكتفينها مكممينها
قلوبنا تبكى
لما نسمع صوت بكاها او انينها
.مسرحية هزل وفى كل المشاهد
واللى شاهد
شعب كان محكوم بفاسد
شعب ضد الظلم جاهد
لجل ما يزيح الفساد والمحسوبية
وفى يناير
شعب ضد الظلم ثاير
ضد حاكم مستبد وحكم جاير
وف يناير قامت الثورة الفتية
وفتحت كل البصاير
وانطفى حكم الفساد والمحسوبية
مصر رجعت تانى لينا
مصر روحنا ونور عنينا
مصر يامه يا بهية
مصر يامه يا بهية قولى مالك؟
ايه جرالك ؟
والدموع اللى فى عنيكى
وفوق خدودك
هي دى دموعك لفرحك ...؟
ولا جرحك
كنت أحس بان آلامك صعيبة
والألم فوق احتمالك
ردى ياما قولى مالك
شاورت الغالية باديها ..فتحت للنور عنيها
لسة فيه فى الضلمة خاين ..والعسس ناصبين كماين
نفسهم كل المداين يحرقوها... وينهبوا كل الجناين
ردى يامه قولى مالك ؟
لسة فيه حزن فى عنيكى ..وحزن باين
من زمان كان نفسى اشوفك
ناسية جرحك ..دايسة خوفك
شايلة فرحك بين كفوفك
قلبى يكبر ...حلمى يكبر بين ضفوفك
مانتى فرحى ..وانتى جرحى
ونبض قلبى من حروفك
ردى يامه قولى مالك
والتقيتها اتبسمت
وبحنان الأم مالت
روحى ردت في لما هزهزت كتفى وقالت
أنا رضعتك حنانى ...!
ياااااه ياغالية ...روحى ردت بين ضلوعى
والرموش فوق الخدود تحضن دموعى
ماانتى اول عشق لى ...وانتى اخر عشق لى
وانا نهر النيل سقانى...وارتويت من خيرك انتى
ماانا صفحة من تاريخك ...وف كتابك
انا نخلة عز مزروعة ف ترابك
انا عهد ودين على...
انى ارجعلك شبابك
آآآآآه ياغالية ...اللى رضعتيه دا ابنك
مستحيل انه يخونك
او فى يوم يخلف ظنونك
او يبيعك للديابه
ده اللى باعك من زمان
اسم كان على غير مسمى
عمره لاصان يوم ولا صلى
ولا حتى عليكى سمى
كانوا بيسموه مبارك
والعبيد اللى في يمينه او شماله
همهم سرقة حسابك م البنوك
مع قفل بابك
همهم سرعة خرابك
اااااه ياغاليه
ماانتى اول عشق لي ...وانتى اخر عشق لى
وانتى فرحى... وانتى جرحى
ونبض قلبى من حروفك
ردت الغاليه وقالت
فيه وصية ام لولادها الحبايب
اللى حاضر فى الميدان
واللى فى الغربه وغايب
وانت انت
انت ياأغلى الحبايب
خدلى بالك من خواتك
وأوعى يوم فى وش اخوك ترفع سلاحك
اوعصاتك
يبقى قلبى وربى راضى عنك انت
وعن خواتك
واللى فاتك بالعرق واصبر شويه
مركبك ترسى وحياتك
والفساد مر وشجرته
لما تقطعها اوعاك تسيب حته فى جدورها
شدها بعزمك وشيلها
وف مكانها ازرع امالك
واروى حلمك من ايمانك
واوعى تأمن يوم ياولدى
للى باعك يوم وخانك
......

[الطنطاوي الحسيني]

يت مليون شهيد
بتمد ايد
وتشد قرص الشمس تاني
من جديد
من وسط بحر مالوش قرار
يجي النهار
ويطير على عدان الكافور
عصفور كنار
ومن جديد
يشتد عزمك ياوطن
لو كل ايد بتشد ايد
يمكن يهل علينا عيد
الشاعر المتألق سامي عبدالعال
قصيدة جريئة مثلك
وحالمه مثلك
وخفيفة كظلك
قصيدة رائعة اعجبتني واعجبني التنزيل والتصوير فيها
ففعلا كان حلم وايدي الشهداء كانت اقوة من كل رصاصهم الغادر في صدورهم
ومن غازهم الذي خنقهم هم ولم يخنق من رفع للجنان عدن
تحياتي ايها الرائع الجميل
نتمنى دائما ابداع كهذا

[سامى عبدالعال]

الأساتذة
ربيحة الرفاعي
سهام ماجد
علاء الحكيم
رنيم مصطفى
أكرم حسن
نداء غريب
راوية رشيدي
حبيبي الطنطاوي الحسيني
شكرا لما نثرتوه هنا
خالص تحياتي ومودتي

[محمد كمال الدين]

شكرا لهذه الروعة أيها الشاعر

خالص تقديري