قصيدة : من جمعة لجمعة

[د هاني ابوالفتوح]

مِنْ جُمْعَة لِجُمْعَةٌ !!!
النهاردة الجمعة ..
جمعة سعيدة ..
علينا وعليكو
لحظة شوية آخُدْ تنهيدة
الله يخليكو
لحظة أتوضى في بدلة جديدة
وآجي أَصَلِي
إِيدي في إِيدِيكو
بس حقيقي
زهقان أوي م إللي بْيِحْصَلِّي
زهقان من نفسي
ومن عَمَايِلكُو ومن بَلاوِيكُو
.......................
بَقيتْ مش فاضي لا بَرُوحْ شُغْلْ
ولا أعمل حاجة
قاعد كده مِتْوَنِّسْ بِيكو
وأنا هَفْضَى إزاي
دا أنا وياكو من جمعة لجمعة
مع لمَة كبيرة وناس حَوالِيكُو
بَقَتْ الجمعة يدوب عَلشانْكُو
وعلى ملايينكُو
وأنا اللي بنادي إكتبوا أساميكُو
....................
كفاية عليكو
من جمعة لجمعة
ييجي الواد جمُعَة يِنَضَّفْهَالكُو
تِحْلَا السهرة والأرضْ الطَاهرة
بِتِفْرَحْ بيكو
أصْلِها واسعة .. وساحة كبيرة
وميدان أخضر .. مع شرب البيرة
بِيْفَكَرْكُوا بِهَنَا لَيالِيكُو
بس الحَرْ إللى مْعَكَرْها و مْغَيرها
ومْزَوِدهَا شوية مْعَاكُو
علشان كده هَوْصَلْ لِلعَتَبَةْ
وهَجِيب مَصْرِي نِرُشْ المَيَّة
وأهو نْلَيِّفْكُوا ونْحَمِّيكُو
بس بلاش
من جمعة لجمعة الله يخليكو
...........................
بس حقيقي بجد بجد
جمعة جميلة
أما حقيقي أنا شُفْتْ حاجات
نفسي أحكيها وأعمل هُلِّيلَه
الحاج حسين جُوة الخيمة
صاحي و مْفَنْجِلْ
والواد يجري ياخد تَعْسِيلَة
و مُخْلِصْ ثَورِي و مُشْتَاقْ حُر
طلبوا بِلِيلَةْ
والواد بِلْيَة مع الواد بِشْلَة
ماسكين سكينة للواد بُقْلِيلَة
والواد مَشْرَطْ واقف يِشْرُطْ
ويكتب طلبات ومطالبُه قَليلة
رفضها مغاوري و وقف قال
طلبات إيه إللي بتكتبها
إسكتْ بلا نِيلَةْ
والواد فوزي بياكل كُشَرِي
و طَلَبْ شِيشَة
رد حسين أَصلُه مُثقفْ
قاله يا جاهل إسمها نرجيلة
وأما تشوفوا تقول أستاذ
و الخط يِفُكُه يَدُوب بالتيلة
هو أساساً جِهْ ويانا عشان يتفرج
وأنا شَرْحُه .. جَايْ وِ بَهَرَّجْ
جاي مع ثوري يدوب بِجْمِيلَةْ
وأخوه شعبان
قال م الليلة ياشيخ رمضان
دي آخر جمعة ليا معاهم
إنت لوحدك شِيلْ الليلة
وإللي ما جَاشْ على سوق الجمعة
فاتوا كتير كان جِهْ وإتفرج
وجاب العيلة
.........................
كنا كمان هَنْبَان أكتر
وقت الصورة كلنا واقفين
علشان مصر تبِانْ في المنظر
و نقول ثورة بقالها شهور
و تْعِيشْ لِسنين
الله يعيننا في عَدْادْ مصر
وثورة ثورة حتى النصر
العشرات بنقول مِيَاتْ
والميات بنقول أُلوفات
والأُلوفات بنقول ملايين
لما تعبنا أَوي في العَدْ
و مين هَيْعِدْ و مين ورا مين
.......................
يا تري قولولي هنعمل إيه
الجمعة الجاية والناس صايمين
نِجِيبْ فَوانيسْ ونْعَلَّقْ زينة
ونقول خِيمة رمضان فَتحتْ
و وَحَوِي يا وَحَوِي يا ثوريين
ونجيب ألعاب ونجيب حَاوِي
ونجيب مقرىء للتراويح
وتيجي عيال لابسين جلاليب
وِسْطْ بنات لابسين فساتين
وتبقى مناسبة نحيي الثورة
ونحيي الدين
.........................
الواد شوقي يُقَفْ مع مرعي
لحد الفجر ويستناك
وأنا برضو هَنَادِي
إللي يحب يقرا الكَفْ يجري هناك
وإللي هيكدب ياخد كَفْ ويبقى ملاك
والكداب بيروح النار ونهايته هلاك
وساعات تانية نقلبها مسابقة
ونعمل فوازير
والكل هيجري على التحرير
وجايز حتى يجيلنا وزير
ياخد صورة هنا وياك
والشهر يِعَدي نِكْسَبْ كام قرش
تصرفه بالراحة
على مزاجك وعلى هواك
وتحيا الجمعة ومن جمعة لجمعة
يا خُويا يا ثوري أنا في قَفَاكْ
...................
بس خسارة .. تعيشي يا مصر
ومستقبل مصر واقف مَكسُوفْ وبيترجاك
خِفْ شِوَية علشان مصر
وتِبقى الجمعة يوم في الشهر
بدال ما الحال بقى خير في ميدان
وباقي الشعب كله فَداكْ
لا لاقي اللُقمة ولا لاقي شُغْلْ
ولا لاقي حاجة ياكُلهَا هناك
كان الله في العون يابلادنا
قلنا خلاص قربنا نِخِفْ و تاخدي دَواك
بس الجمعة ومن وقفة لوقفة تِعِبِتْ مصر
وطالبة الرحمة ومفيش ناس هنا رَاحماكْ
ومهما تنادي وبصوت عالي
مش هتلاقي ناس سامعاك
خلاص يا بلادي
رَبِكْ عَالِم .. ربك وَحْدُه بس معاك
شعر د هاني ابوالفتوح
الكويت _ الجمعة 28 شعبان - 29 يوليو 2011

[آمال المصري]

اطرق على الحديد وهو ساخن كما يقولون
ومن جمعة لجمعة أصبح ميدان التحرير كإدمان الدواء بميعاد
وبإصرار الشعب هترجع مصر زي زمان
جميل نصك شاعرنا المكرم
وكل عام وأنت بخير
تحيتي الخالصة

[محسن البدراوى]

والله قلت كل اللى عايزين نقولوا
نص جميل ممتع
دومت بألق
لك منى اطيب الامنيات
وبالتوفيق

[نداء غريب صبري]

هل أنت مع عودة الناس لبيوتهم وضياع الدماء التي سالت هدرا أخي

:009:

لو سألت الشهداء لقالوا لا تتراجعوا

وسينتصر الشعب أخي

بوركت

[د هاني ابوالفتوح]

اطرق على الحديد وهو ساخن كما يقولون
ومن جمعة لجمعة أصبح ميدان التحرير كإدمان الدواء بميعاد
وبإصرار الشعب هترجع مصر زي زمان
جميل نصك شاعرنا المكرم
وكل عام وأنت بخير
تحيتي الخالصة

الأستاذة الفاضلة الأديبة رنيم مصطفى
أشكر لك مرورك الطيب البهي وكل عام وأنتم بخير , لم يعد الأمر مجرد حالة من حالات الطرق ولكن الميدان أصبح مرتعا لكل لون ولكل من هب ودب ولم يعد ساحة إلتقاء للطرق على الحديد كما فعلنا في شهر يناير وليس كل من بالميدان هم الشعب ولا ريب ولكنها حالة من حالات الفوضى والله المستعان

[د هاني ابوالفتوح]

والله قلت كل اللى عايزين نقولوا
نص جميل ممتع
دومت بألق
لك منى اطيب الامنيات
وبالتوفيق
الأخ الفاضل الأستاذ محسن البدراوي مرور كريم وشكر من القلب وخالص تهنئتي بحلول شهر رمضان المبارك أعاده الله عليكم بالخير والبركة

[د هاني ابوالفتوح]

هل أنت مع عودة الناس لبيوتهم وضياع الدماء التي سالت هدرا أخي

:009:

لو سألت الشهداء لقالوا لا تتراجعوا

وسينتصر الشعب أخي

بوركت
الشاعرة الفاضلة الأستاذة نداء غريب صبري شكرا من القلب لك وكل عام وأنتم بخير , تساؤل جميل في محله أنا مع مصر ومصر ليست من تعتقدين أنهم الآن في الميدان ففيه من كل ألوان الطيف من انتهازيين وبلطجية ومن لاينتمي بالكلية لمن ضحوا من أجل الثورة وكنا في قلبها من أول يوم ولكنك لاتدركين مايحدث الآن من انهيار اقتصادي رهيب من تعطيل الإنتاج وتعطيل العمل تخيلي لوظلت مصر كل مصر حبيسة الميدان ونحن هكذا منذ 6 أشهر هل ستقوم فيها حياة ومصر ايضا حاليا بها من كل صوب ولون وشكل ممن جاءوا لقطف ثمار ثورة رائعة لم تجن مصر ثمارها حتى اليوم ولا ادري متى يقدر الله تعالى لها ذلك أما التساؤل الكريم عن التراجع من عدمه فمن قال لك أني اطالب بالتراجع في قصيدتي عن شيء من مطالب الثورة الحقيقية الفعلية وليست مطالب الانتهازية والطائفية والشخصنة والفئوية في دولة لاتجد رغيف خبزها اليومي فمن سيأتي لها به أم نترك الحال كما هو لتأكل الناس بعضها بعضا وليفرح الفارحون ممن هم خارج الصورة بما يحدث من انتحار جماعي للإقتصاد وأقوال مرسلة لاتمت للواقع بصلة عن أسئلة الشهداء وكنا مع الشهداء الحقيقيين فعليا في قلب الميدان ولكن هل نظل هكذا الى يوم الدين , إن الشعب قد إنتصر بفضل الله تعالى أولا فهو من نزع الحكم ودبر وقدر سبحانه وتعالى ولكن لو استفتيت الشعب كل الشعب لربما سمعت عجبا والحمدلله تعالى , فغالبية العوام لاتعنيهم السياسة والأحزاب قدر إهتمامهم بقوت يومهم , تقبلي خالص تحياتي ومودتي وتقديري وإحترامي

[ربيحة الرفاعي]

اعترف بأني لا أجد ما اقول تعليقا على قصيدتك

سؤال الكريمة نداء غريب صبري جاء صارخا بما راودني خلال قراءة القصيدة
وردك المفصل لم يترك لمن يحب مصر إلا أن يحتويه القلق مما تخفيه الأيام

اللهم احفظ مصر وكل دولنا العربية قوية ابية وحررها جميعا من الطواغيت والانتهالزيين والباعة

أبدعت أيها الكريم

دمت بألق

[محمد محمود محمد شعبان]

خلاص يا بلادي
رَبِكْ عَالِم .. ربك وَحْدُه بس معاك

سبحانه وتعالى
رائع كعادتك دكتورنا
سلمت وسلم نبض إيمانك

تحيتي


حمادة الشاعر
أديب ، وشاعر

[نادية بوغرارة]

الشاعرة الفاضلة الأستاذة نداء غريب صبري شكرا من القلب لك وكل عام وأنتم بخير , تساؤل جميل في محله أنا مع مصر ومصر ليست من تعتقدين أنهم الآن في الميدان ففيه من كل ألوان الطيف من انتهازيين وبلطجية ومن لاينتمي بالكلية لمن ضحوا من أجل الثورة وكنا في قلبها من أول يوم ولكنك لاتدركين مايحدث الآن من انهيار اقتصادي رهيب من تعطيل الإنتاج وتعطيل العمل تخيلي لوظلت مصر كل مصر حبيسة الميدان ونحن هكذا منذ 6 أشهر هل ستقوم فيها حياة ومصر ايضا حاليا بها من كل صوب ولون وشكل ممن جاءوا لقطف ثمار ثورة رائعة لم تجن مصر ثمارها حتى اليوم ولا ادري متى يقدر الله تعالى لها ذلك أما التساؤل الكريم عن التراجع من عدمه فمن قال لك أني اطالب بالتراجع في قصيدتي عن شيء من مطالب الثورة الحقيقية الفعلية وليست مطالب الانتهازية والطائفية والشخصنة والفئوية في دولة لاتجد رغيف خبزها اليومي فمن سيأتي لها به أم نترك الحال كما هو لتأكل الناس بعضها بعضا وليفرح الفارحون ممن هم خارج الصورة بما يحدث من انتحار جماعي للإقتصاد وأقوال مرسلة لاتمت للواقع بصلة عن أسئلة الشهداء وكنا مع الشهداء الحقيقيين فعليا في قلب الميدان ولكن هل نظل هكذا الى يوم الدين , إن الشعب قد إنتصر بفضل الله تعالى أولا فهو من نزع الحكم ودبر وقدر سبحانه وتعالى ولكن لو استفتيت الشعب كل الشعب لربما سمعت عجبا والحمدلله تعالى , فغالبية العوام لاتعنيهم السياسة والأحزاب قدر إهتمامهم بقوت يومهم , تقبلي خالص تحياتي ومودتي وتقديري وإحترامي
==========


من جمعة لجمعة نأمل أن تكون مصر أقرب لتحقيق أحلامها ، وأبعد عن أي إرهاصات غير صحية .

-------


الشاعر الدكتور هاني أبو الفتوح ،

في هذه الجمعة المباركة ، ندعو لك بالشفاء العاجل وأن تعود سالما

لمحبي شعرك وكتاباتك الجميلة .

حفظك الله ورعاك .

http://www.majalisna.com/gallery/1736/1736_2_1318228221.jpg