قصيدة : يا ميت أهلا يا ميت سهلا

[د هاني ابوالفتوح]

يَا مِيِتْ أَهلاً ومِيِتْ سَهْلاً
بيقولوا جَاي لنا ضيوف
و ضيفنا عزيز مفيش زيه
يا مِيِتْ أهلاً و مِيِتْ سهلاً
تعالوا كُلِكُوا حَيوا
......................
تعالوا عَلقُوا الزينة
وإيدوا الشمع حَوالينا
خلاص الدنيا هَتْنَوَّر
ومن خِيرُه هَيسقِينا
.....................
بيقولوا كُلها كام يُوم
ونِحيِي نِهارُه مع لِيلُه
وقرآنه خلاص هنقوم
في آخر عَشَرَة نِدْعِي لُه
وفيها الدنيا بِتْنَوَّرْ
وطول العَشَرَة بِنْدَوَّرْ
علي ليِلَةْ
ونَفْرَحْ لما نِحْيِيها ونِلْقَاها
نقول الله ... الله أكبر
دى ليلة القَدْرْ
دي ليلة العُمر
سبحانه من خلق صَوَّر
نشوف النور و قناديله
...................
يارب الكون
خلقت الضيف وسَميِتُه
وفي القرآن كتبت آيات
عن فضله ونِسْعَدْ لما رَدِيته
وطُولُه في السنة شَهر
بِنِفْرَحْ لما بيجيينا
و نِزْعَلْ لو يِوَدَّعْنَا
ونِدْعِي لو يِطُول أكتَر
ونبقي إحنا إللي عنده ضيوف
ويفضل هوه ويانا .. هنا بِيتُه
.....................
يارب العرش
خلاص الضيف على بابنا
بِنِفْرَح لما بيخبط
ونِفْتَح له هنا قلوبنا
نقول إدخل ولا تخَبَطْ ولا تسأل
بقالنا طول سنة كاملة بنستنى
ونفتكرك بأيامك ونتمنى
ونفضل ندعي ياربي تِوَصَّلنا
لباب رمضان عزيز غالي هنا جَالْنا
يا أهلاً بيك
يا مِيِتْ أهلاً و مِيِتْ سهلاً
شعر د هاني أبوالفتوحالكويت – الثلاثاء 26 يوليو 2011

[آبو عمرو سليمان]

رائعة جداً --وماأجمله من ضيف

كل عام وأنتم بخير

مع خالص مودتى

[ربيحة الرفاعي]

ضيف كريم
وحروف كريمة ترحب به
وقصيدة جميلة شاعرنا

دمت بألق

[د هاني ابوالفتوح]

رائعة جداً --وماأجمله من ضيف

كل عام وأنتم بخير

مع خالص مودتى

الأخ العزيز الأستاذ أبوعمرو سليمان
كل الشكر والمودة والتقدير لمروركم الكريم
تقبل الله صيامكم وصالح أعمالكم وكل عام وأنتم بخير وبركة وفضل من الله تعالى

[د هاني ابوالفتوح]

ضيف كريم
وحروف كريمة ترحب به
وقصيدة جميلة شاعرنا

دمت بألق

أستاذتنا الفاضلة
دمت بكل خير وبركة وفضل من الله تعالى وتقبل الله صيامكم وقيامكم في هذا الشهر الفضيل

[نداء غريب صبري]

أهلا بالضيف الكريم وبالشعر الذي يرحب به

شكرا اخي

بوركت