اللهم لا شماته فيك

[صلاح الحجرى]

اللهم لا شماته فيك
ولا حتى فى ولادك
ولا الى جمبك حواليك
او حتى احفادك
الذل كان باين عليك
والقفص نور بصيادك
تتقطم نظرة عينيك
ينكسر الصنم قدامك


من القصر للسجن هجره
للابد ان كان لعمرك بقيه
الايه معكوسة وفيها عبره
ايات ربنا تحكيها عن نبيه
يوسف الصديق للعدل نبره
من السجن للقصر بالنية
وانت ظلمك دبحنا بالمره
قطع لسانى وفصل ايديه


فاكر عز ولا اقولك نظيف
ابنك يطيح فى البشر طيح
والعدلى كان ميزانه طفيف
وسليمان الالعوبان بالصريح
وسيد قراره دا واد حريف
شله منجوسة تزور تاريح
اصحوا بقى من التخاريف
للظلم يوم جاى بصحيح


ربنا اسمه العدل الحكم
بوجوده حقنا اكيد موجود
ان كان فسادهم اكبر هرم
هنزلزله بقلب ايمانا المورود
وبكره نعلى بايدينا العلم
منصه خير اكيد هيعود
وبكره نبنى البلد بالعمل
بايدين طاهره مش بالدود

[ربيحة الرفاعي]

اللهم كما خذ بيد مصر لنهضة تتخطى بها كل عقود الظلام وسنوات القهر
اللهم أعن أهلها على الوقوف بقوة لبنائها
واجعلها لأمتنا سندا وعمقا كما كانت دائما

قصيدة تنطق بحس الشارع ومشاعر المصريين

أحسنت ايها الكريم

دمت بألق

[آمال المصري]

اللهم لا شماته فيك
ولكنا لسنا آسفين عليك مهما حدث لك
ويكفينا أسفاً على ثلاثين قهرا تجرعنا فيها أصناف المذلة وامتهان الكرامة
واليوم كما تدين تدان
أبدعت شاعرنا
ومرحبا بك في ربوع الواحة
تحيتي الخالصة

[نداء غريب صبري]

لا شماتة فيه
ولا أسف عليه

قصيدة جميلة أخي

بوركت