د هاني ابوالفتوح
14-08-2011, 05:18 PM
مِنْ أَولْ السَطرْ !!
زمن الحروف انتهى
وللا هنسأل فين
من أول السطر
كام كلمة ورا حرفين
وللا خلاص الكلام
أصبح بدمع العين
حتي غناوي الأمل
واقفة هناك
تستنى عالشطين
.....................
يا شط بَعَّدْ و غَرَّبْ
بُعْدْ السما عن لُقَانَا
إمتى هترجع تَِقَرَّبْ
وإمتى تصون الأمانة
حَمِّلْتَكْ هَمِي و فَرْحِي
وحكيت لك ياما عَلَيا
لا إنت اللي حفظت عهدي
و لا قَرَيتهَا فْ عِينَيه
قلبت ليه المواجع
زَودْتْ ليه الحَزانَى
....................
يا شط أملي الوحيد
بلدي وغالية تنادي
وأنا عشت عمري بعيد
بس خلاص م الليلة دي
وَقَفْتْ على باب بلدنا
خَبطْت قلت إني راجع
إفتح بيبان الأمل
دا أنا من زمان بحلم
مستنى لحظة لقانا
.....................
لو كنت فاكر بُعَادَكْ
فَرَقْ ما بيني وبينك
إعرف بأنه لا يمكن
مهما افترقنا وسِنِينَكْ
إللي كتير بَعدِتْنَا
كان البُعَادْ عالورق
وأما تشوف الحقيقة
هتلاقي قلبي حريقة
مايطفيهاش غير رجوعي
مكتوب عليا وعليك
القُرْبْ بس دوانا
..................
بيقولوا كلمة وطن
مِتْكَونَة من حروف
وإللي بيقرا الوطن
لازم يحس ويشوف
وإللي ماشفش الوطن
هَيِمْلا قلبه الخوف
وإللي يخاف م الوطن
خوفه اللي راح يِخْنُقُه
واقف هناك مكسوف
وإللي انكسف من وطن
أكيد بَدَالُه ألوف
وإللي مص دم الوطن
عمره ما غاث ملهوف
وإللي يخون الوطن
قوموا حَضَرُوا له كفن
وإللي بيسرق وطن
أهو زيه زي العفن
وجوده يصبح ندم
مين قال دا كان م البيت
مين قال دا حتى ضيوف
دا خسارة فيه الكلام
وخسارة دبحُه بسيوف
سِيبُوه لِوَحْدُه العَدَمْ
وللا اطلبوه يِنْعَدَم
كفاية عليه حَسرِتُه
وقت الحساب
يترجى مين يرحمه
يقول دي كانت ظروف
........................
الظَرفْ إللي أعرفه
إنك تقولها بوضوح
إللي يحب الوطن
يِبْنِي ويِعَلي في صروح
وإللي همومه وطن
يزيد معاه الطموح
بأن بكرة جاي
أحسن ما يومنا يِرُوح
لزمتها إيه العتاب
ما كفاية فتح جروح
..................
من أول السطر نِبْدَأ
نِرْجَعْ لمعروفنا
نِغْزِلْ خيوط الأمل
نِدَّفَا من صوفنا
تعالوا نِلِمْ الوطن
ونشيله علي أكتافنا
نِصَلَحْ إللي انكَسَرْ
ونِكْسَرْ سنين خوفنا
واللي افتَرَقْ من حروف
هتْجَمعُه حروفنا
وبدال ما نبقى فِرَقْ
الفُرْقَة ما تْشُوفنا
وتوَحِّدُوا إللي خلق
وتوَحِّدُوا صفوفنا ,,,
شعر د هاني أبوالفتوح
الكويت – الأربعاء 27 يوليو 2011
زمن الحروف انتهى
وللا هنسأل فين
من أول السطر
كام كلمة ورا حرفين
وللا خلاص الكلام
أصبح بدمع العين
حتي غناوي الأمل
واقفة هناك
تستنى عالشطين
.....................
يا شط بَعَّدْ و غَرَّبْ
بُعْدْ السما عن لُقَانَا
إمتى هترجع تَِقَرَّبْ
وإمتى تصون الأمانة
حَمِّلْتَكْ هَمِي و فَرْحِي
وحكيت لك ياما عَلَيا
لا إنت اللي حفظت عهدي
و لا قَرَيتهَا فْ عِينَيه
قلبت ليه المواجع
زَودْتْ ليه الحَزانَى
....................
يا شط أملي الوحيد
بلدي وغالية تنادي
وأنا عشت عمري بعيد
بس خلاص م الليلة دي
وَقَفْتْ على باب بلدنا
خَبطْت قلت إني راجع
إفتح بيبان الأمل
دا أنا من زمان بحلم
مستنى لحظة لقانا
.....................
لو كنت فاكر بُعَادَكْ
فَرَقْ ما بيني وبينك
إعرف بأنه لا يمكن
مهما افترقنا وسِنِينَكْ
إللي كتير بَعدِتْنَا
كان البُعَادْ عالورق
وأما تشوف الحقيقة
هتلاقي قلبي حريقة
مايطفيهاش غير رجوعي
مكتوب عليا وعليك
القُرْبْ بس دوانا
..................
بيقولوا كلمة وطن
مِتْكَونَة من حروف
وإللي بيقرا الوطن
لازم يحس ويشوف
وإللي ماشفش الوطن
هَيِمْلا قلبه الخوف
وإللي يخاف م الوطن
خوفه اللي راح يِخْنُقُه
واقف هناك مكسوف
وإللي انكسف من وطن
أكيد بَدَالُه ألوف
وإللي مص دم الوطن
عمره ما غاث ملهوف
وإللي يخون الوطن
قوموا حَضَرُوا له كفن
وإللي بيسرق وطن
أهو زيه زي العفن
وجوده يصبح ندم
مين قال دا كان م البيت
مين قال دا حتى ضيوف
دا خسارة فيه الكلام
وخسارة دبحُه بسيوف
سِيبُوه لِوَحْدُه العَدَمْ
وللا اطلبوه يِنْعَدَم
كفاية عليه حَسرِتُه
وقت الحساب
يترجى مين يرحمه
يقول دي كانت ظروف
........................
الظَرفْ إللي أعرفه
إنك تقولها بوضوح
إللي يحب الوطن
يِبْنِي ويِعَلي في صروح
وإللي همومه وطن
يزيد معاه الطموح
بأن بكرة جاي
أحسن ما يومنا يِرُوح
لزمتها إيه العتاب
ما كفاية فتح جروح
..................
من أول السطر نِبْدَأ
نِرْجَعْ لمعروفنا
نِغْزِلْ خيوط الأمل
نِدَّفَا من صوفنا
تعالوا نِلِمْ الوطن
ونشيله علي أكتافنا
نِصَلَحْ إللي انكَسَرْ
ونِكْسَرْ سنين خوفنا
واللي افتَرَقْ من حروف
هتْجَمعُه حروفنا
وبدال ما نبقى فِرَقْ
الفُرْقَة ما تْشُوفنا
وتوَحِّدُوا إللي خلق
وتوَحِّدُوا صفوفنا ,,,
شعر د هاني أبوالفتوح
الكويت – الأربعاء 27 يوليو 2011