سلامتك

[محمود موسى]

سلامتك.. حاف؟
بدأنا البُخل من بدري..
وتيجي ازاي؟
وفين الأنّة والآهة؟
ودقة قلبك اياها اللي تمْسَح لو دموع الشمس
وفين ان شالله انا بدالك؟
وإنّي حبيبي عايشالك؟
وفين الشحتفة والهمس؟
كمان وبتضحكي؟ براحتك..
ماهو اللي هيسمعك هيقول
كأني عييت وريّحتك..
..
بقالي يومين
تغازل وحدتي أربع حيطان.. وتكح
وَاكلّم كل يوم نَفسي..
وأسأل: بس إيه خلاني كنت فطرت ع البيبسي..
برغم اني يدوبك قبلها نايم
وسِبت المروحة بتفرم هوا الأحلام وانا...... هاتسي!

جزاكِ الخير.. ويرحمكم
ويصلح بالك اللي تكحله الدنيا
بليل مرتاح..
يرَكّب للنجوم السايرة ألف جناح..
خلاص يكْفيني إحساس الشفا لو كان
في فنجانك بيسْبَح..
والنوبادي سماح :)

نص شعرى رقيق سلس عذب المعانى ودقه فى اختيار الالفاظ
يفوح بالنغم وتناغم موسيقاه حتى النهايه
بورك هذا النبض وجمال المضمون
تحيتى شاعرنا
وبالتوفيق

[نادية بوغرارة]

النوبة دي سماح ..



جميلة جدا ، مختلفة في زمن البُخل .

الشاعر محمود موسى

رمضان كريم .

[محمود موسى]

جميلة جدا ، مختلفة في زمن البُخل .

الشاعر محمود موسى

رمضان كريم .

تسلمي يا شاعرة :)

[الطنطاوي الحسيني]

جزاكِ الخير.. ويرحمكم
ويصلح بالك اللي تكحله الدنيا
بليل مرتاح..
يرَكّب للنجوم السايرة ألف جناح..
خلاص يكْفيني إحساس الشفا لو كان
في فنجانك بيسْبَح..
والنوبادي سماح :)


اخي محمود موسى انت شاعر شاعر
مأتلق ومجدد حتى عاميتك ليست ككل عامية
تحياتي اخي وكل عام انت مبدع وكل عام انت بكل خير ورحمة
دمت مبدعا حبيبا

[نداء غريب صبري]

يا الله
قلتها له هكذا .... سلامتك
حاف
فجاءت قصيدتك كأنما تعاتبني

ما أجمل القصيدة أيها الشاعر الشاعر
وما أروع هذه المشاعر

بوركت

[ربيحة الرفاعي]

يمينَ الله اْنا اتحمّست لك بدري
وقلت حرام
وليهْ ؟ وإزاي؟
مكنش يجوز تقولْ كده حاف
ولا المفروض تقولها ... كلمةْ ماشية و"باي"

ولما سالتها قالتْ:
بأنك بيها ولا داري
ولا هيّاش على بالك
وانك يعني لا مؤاخزةْ بتتلكك
فاكرها حاجة عالمضمون ومِلك إيديك وباقيالك
فحلفت تِطْفي شمعتها اللي قادتها على شانك
وتمسح دمع عالخدين ملوش معنى في وجدانك
وتغسل قلبها من حبك الظالم
وأحزانها اللي عرفتها بوصلك أو بهجرانك
ووصتني أقولها لك :
مهيش محتاجة إحسانك
ولا حتعيش عشان خاطرك أسيرِة شوقْ
بعمر ملوش سِواكْ معنى
وقلب عشان هواكْ مخلوقْ

وبتقول لك كمان واسمعها من فضلك
سلامتك .. بس لأ مش حاف
سلامتك قلبَها يفديك
وأيامها وأحلامها...
وكل الكون في لحظة يهون على شانك
ولو كابْرِت ولو قِدرتْ
على كتم الهوى والآهْ ... فَبقيالك
وطول العمر عايشالك

وأقولك ...
لأ بلاش مَ خلاص
كلامها اللي وجع قلبي أكيد حيطير
ولو ضحكت لك الدنيا هتنساها
ويمكن لأ ..
ويمكن حضنك القاسي هيصبح عشّها من حق
وأنا شْ عرّفني يابن الناس
وأنا مالي
مَ كنت اْناْ سيبتني فْحالي
منين القهر دا جالي
وبحشر نفسي ليه في الخلق
يمين الله أنا صدقت أحزانها وأحزانك
وحبكي عليها وابكي عليك
ماْنا استاهل
بدقّ إبواب ماليش فيها
وإيه ورا كل باب يِنْدق

[محمود موسى]

جزاكِ الخير.. ويرحمكم
ويصلح بالك اللي تكحله الدنيا
بليل مرتاح..
يرَكّب للنجوم السايرة ألف جناح..
خلاص يكْفيني إحساس الشفا لو كان
في فنجانك بيسْبَح..
والنوبادي سماح :)


اخي محمود موسى انت شاعر شاعر
مأتلق ومجدد حتى عاميتك ليست ككل عامية
تحياتي اخي وكل عام انت مبدع وكل عام انت بكل خير ورحمة
دمت مبدعا حبيبا

دائما مختلف وفيّاضٌ أنت في تعليقاتك يا أستاذ طنطاوي
أكرمك الله وبارك الله.. وكل عام وأنت بخير :)

[محمود موسى]

يا الله
قلتها له هكذا .... سلامتك
حاف
فجاءت قصيدتك كأنما تعاتبني

ما أجمل القصيدة أيها الشاعر الشاعر
وما أروع هذه المشاعر

بوركت

أعزك الله يا شاعرة
شكرا على الرد الرقيق والمرور العطر :)

[محمود موسى]

يمينَ الله اْنا اتحمّست لك بدري
وقلت حرام
وليهْ ؟ وإزاي؟
مكنش يجوز تقولْ كده حاف
ولا المفروض تقولها ... كلمةْ ماشية و"باي"

ولما سالتها قالتْ:
بأنك بيها ولا داري
ولا هيّاش على بالك
وانك يعني لا مؤاخزةْ بتتلكك
فاكرها حاجة عالمضمون ومِلك إيديك وباقيالك
فحلفت تِطْفي شمعتها اللي قادتها على شانك
وتمسح دمع عالخدين ملوش معنى في وجدانك
وتغسل قلبها من حبك الظالم
وأحزانها اللي عرفتها بوصلك أو بهجرانك
ووصتني أقولها لك :
مهيش محتاجة إحسانك
ولا حتعيش عشان خاطرك أسيرِة شوقْ
بعمر ملوش سِواكْ معنى
وقلب عشان هواكْ مخلوقْ

وبتقول لك كمان واسمعها من فضلك
سلامتك .. بس لأ مش حاف
سلامتك قلبَها يفديك
وأيامها وأحلامها...
وكل الكون في لحظة يهون على شانك
ولو كابْرِت ولو قِدرتْ
على كتم الهوى والآهْ ... فَبقيالك
وطول العمر عايشالك

وأقولك ...
لأ بلاش مَ خلاص
كلامها اللي وجع قلبي أكيد حيطير
ولو ضحكت لك الدنيا هتنساها
ويمكن لأ ..
ويمكن حضنك القاسي هيصبح عشّها من حق
وأنا شْ عرّفني يابن الناس
وأنا مالي
مَ كنت اْناْ سيبتني فْحالي
منين القهر دا جالي
وبحشر نفسي ليه في الخلق
يمين الله أنا صدقت أحزانها وأحزانك
وحبكي عليها وابكي عليك
ماْنا استاهل
بدقّ إبواب ماليش فيها
وإيه ورا كل باب يِنْدق

ما شاء الله على الإبداع والتفاعل التلقائي

بس إيه الحكاية يا أستاذة ربيحة انتِ جية تهدي النفوس ولا إيه؟ ههههههه

جزاكِ الله خيرا بقدر ما خلّفتِ عندي من ابتسامة بقراءة هذا الإبداع :)

[محمد عبد القادر]

ههههه
قصيدة بديعة يا شاعر
واحشنى كتير :)
تحياتى
و
إلى لقاء

[محمد محمود محمد شعبان]

سلامتك أخي محمود بالدنيا
عتاب لمن أحببت ، وكنت نتظر منه الكثير من أجلك
أعراض البرد جد صعبة ، ويرافقها أحيانا بعض أنواع الاكتئاب ، ولكن لعلها ابتعدت ، وقللت من الكلام تتعبك بكثرة الكلام أو لألا تصاب هي بالعدوى :sm:
رائعة حقا
دام إحساسك الراقي أخانا الكريم

تحيتي


حمادة الشاعر
مشرف أدب العامية

[آمال المصري]

بديعة ببخلها الذي جلب لنا هذا الانهمار الندي والجمال المتناغم
دمت شاعرنا بألق
ومرحبا بك في واحتك
تحاياي

[عايد راشد احمد]

السلام عليكم ورحمة الله

شاعرنا الكريم

نص شعري خفيف حلو لغة لها مذاق متميز ومعني ومضمون يجذب

بوركت شاعرنا

تقبل مروري وتحيتي

[محمد كمال الدين]

:nj:
D:
:sm:
:v1:

يرحكم الله ههه

أرق التحيات لهذه القصيدة