قصيدة : مصر أهم

[د هاني ابوالفتوح]

مَصرْ أَهَمْ !!!
بعد العمر دا كله ماعدى
وعشت سنيني
جاي دلوقتي أفكر تاني
مين يحميني
لما الشعب يخاف وف بيته
ويقول نَفْسِي وهَمْيِ كافيني
وينسى الأرض المزروع فيها
وينسى معاها وطني وديني
.......................
بعد ماقامت الثورة فِرحنا
وعشنا فى وسط ميدان و ارتحنا
ونسينا جار للشر دبحنا
قاعدين بس نشوف فى محاكمة
ونقول جيشنا لازم يصالحنا
يوم ورا يوم مطالب ونْعَبِي
ونقول يالا شوف مصالحنا
.........................
يفضل جيشنا جوة بلدنا
وبني صهيون انتهزوا الفرصة
وف ليلة واحدة فتحوا جروحنا
شوفوا كام دابحين في ولادنا
إوعى تقول كان بينا عهود
من غير قوة ينسوا عهودنا
مِ الأيام لازم نتعلم
واقفين زي تتار لحدودنا
يدخلوا سينا ياخدوا الرملة
وياخدوا الزرعة
يِهِدُّوا الْمَدْنَة
..............................
و احنا هنا نايمين في ميدان
يبقى هتصحى !!!
وللا أحكي كمان
خد لك حكمة من القرآن
يا للا كفاية
إحنا بجيشنا نعيش في أمان
الجيش يحمي مصر الغالية
وإحنا إيدينا في إيدين بعض
إيد واحدة ..
اشهد يا زمان
............................
خللي شعارنا
مصر أهم ...
مصر أهم ...
مصر أهم ...
مصر دايماً شايله الهم
بلدك - وطنك
بيها إهتم
اسمع .. اقرا
فكر ... قرر
شوف مين اللي يعيش أكتر
.... طبعا مصر
إوعي تقول
أنا نَفْسِي وبس
قوم استغفر ....
مصر حبيبتك
أرضك .. عرضك
وطنك عايش أبد الدهر
بالحرية وبالوطنية
تِعْلَىَ معاك من نصر لنصر
وتعيش مصر
وتعيش مصر
شعر د هاني أبوالفتوح
الكويت – الجمعة 19 رمضان 1432 هجرية - 19 أغسطس 2011 م
( كتبت في فجر يوم إعتداء الجيش الصهيوني على الحدود المصرية وإعترافه بقتل مصريين عسكريين ومدنيين بدم بارد ألا لعنة الله عليهم إلى يوم الدين )

[الطنطاوي الحسيني]

إيد واحدة ..
اشهد يا زمان


اخي الفاضل د هاني
سلام الله عليكم ورحمته وبركاته
قصيدة جميلة و شعر الوقت
دمت مبدعا ايها الابي

[صلاح الحجرى]

ممتاااااااااااااااااااااا از
دكتورنا الفاضل
ربنا ينتقم منهم
فعلا لن ترضى عنك اليهود ولا النصرى حتى تتبع ملتهم

[ربيحة الرفاعي]

مصر أهم طبعا
ودائما

قصيدة جميلة بكل ما يعني الجمال
ومتافعلة بإبائها مع حس اللحظة وضروراتها

أبدعت أيها الكريم

دمت بألق

[د هاني ابوالفتوح]

إيد واحدة ..
اشهد يا زمان


اخي الفاضل د هاني
سلام الله عليكم ورحمته وبركاته
قصيدة جميلة و شعر الوقت
دمت مبدعا ايها الابي

وعليكم السلام ورحمة الله وبركاته
أخيرا أسعدني الحظ بقراءة رد للحبيب الشاعر الطنطاوي الحسيني
دمت بكل خير وعافية وحفظ من الله تعالى وبلغك ليلة القدر غنه سميع مجيب , تقبل خالص مودتي وإحترامي

[د هاني ابوالفتوح]

ممتاااااااااااااااااااااا از
دكتورنا الفاضل
ربنا ينتقم منهم
فعلا لن ترضى عنك اليهود ولا النصرى حتى تتبع ملتهم

الأخ الحبيب الفاضل الأستاذ صلاح الحجري
تقبل الله دعاءك وزاد عليه أضعافا مضعفة بما هم أهله من عذاب
كل عام وأنتم بكل خير وبركة

[د هاني ابوالفتوح]

مصر أهم طبعا
ودائما

قصيدة جميلة بكل ما يعني الجمال
ومتافعلة بإبائها مع حس اللحظة وضروراتها

أبدعت أيها الكريم

دمت بألق

الأستاذة الفاضلة الشاعرة ربيحة الرفاعي
يسعدني توجدك الدائم ويمتعنى التواصل معكم وألوم نفسي على بعض القصائد المنشورة بقسم النثر وهي من ضمن قصائدى التى وجدت تعليقا طيبا وتفاعلا بمواقع اخرى ولكن قلمك عندى هو الميزان فتقبلي خالص مودتي وتقديري واحترامي

[عايد راشد احمد]

السلام عليكم ورحمة اله وبركاته

دكتورنا الشاعر

كتاباتك تعانق الحدث قبل ان يبرد ويتواري اثره

مصر اهم نعم اكيد ويقين

والصهاينة لم يتجرؤا علي فعلتهم هذه الا وهم علي يقين انه لن يكون هناك رد فعل

نحن نتجمع ونتظاهر في الشوارع نطلب بمحاكمة رجل كهل يمكن ان توافيه المنية قبل اجراء اي خطوات محاكمة فعليه

علينا ان ندرس بتمع من اين أتت الجراءة للصهاينة لهذا الفعل اعني البحث عن السبب لا التوقف امام النتيجة

ولا اضافة اكتر من ذلك

شكرا د هاني للابداع الراقي

[د. مختار محرم]

د. هاني ..
أبدعت أستاذنا في تجسيد حبك لوطنك حروفا تكتب بالذهب على جبين الدهر ..
أنشودة رائعة كروعتك
تقبل ودي

[آمال المصري]

خللي شعارنا
مصر أهم ...
مصر أهم ...
مصر أهم ...

نعم هو شعارنا ونبض وطني صادق أتمنى أن يصل صداه لكل يد بطشت بمصر وعبثت بأمنها
ليتهم يعوا أنها أهم !!
بوركت شاعرنا الفاضل واليراع المبدعة
ومرحبا بك في واحتك
تحاياي