من شباب الثورة لمصر الحبيبة

[رضا محمود]

لِمّي اللّي فاضِلْ من سنين عُمري
أنا مش هعيش بين البلاد رحّالْ
لوكان زمان.. مايهمّكيش أمري
آن الأوانْ...... تِتبدّل الأحوالْ..
أنا اللّي عاشق كل شيئ فيكي
شايل همومك فوق كتافي جبالْ
وقت الشدايد.. روحي تفديكي
صِدق المشاعر تُحكُمهْ الأفعالْ
أنا لمّاشوفت الدّمعة في عيونكْ
مجروحة من قَهرِكْ وضيق الحالْ
واللّي بيُحكم فيكي.... بيخونكْ
أشعلت نار الثورة ع الأندال
مين اللّي صانِك واللّي خانِك مين؟؟؟
مين اللّي شَالِك.. جوّة نِنّ العينْ..؟؟
مين اللّي ضحّى برُوحُه علشانِكْ..؟؟
وقت المَهالِكْ.. كان صلاح الدّين..؟؟
دلوقتي ليه بيقولوا عَنّي عميلْ..؟؟
-أنا- والبرادعي و6 من أبريلْ..
يابلادي مين للثورة يحميها ..؟؟
لمّا نِخوّنْ بعض جيلْ ورا جيلْ...؟؟
ذنب الشهيد اللّي اتقتل كان إيه؟؟
فين القَصَاص اللّي اتفقنا عليه؟؟
فين الكرامة.. والأمان والعدل..؟؟؟
ولاّ نسيتي الثورة يااسمِك إيـــه؟؟؟؟؟


بقلـــــــم (رضا محمود)

[آمال المصري]

لدي إيمان قوي بأن ماهو آت أفضل بكثير
ننتظر القصاص لنقبل العزاء
نص قوي يسير على صعيد الأحداث
دمت شاعرنا للحق ناطقا
خالص التحايا

[اكرم حسن احمد]

لِمّي اللّي فاضِلْ من سنين عُمري
أنا مش هعيش بين البلاد رحّالْ
لوكان زمان.. مايهمّكيش أمري
آن الأوانْ...... تِتبدّل الأحوالْ..
أنا اللّي عاشق كل شيئ فيكي
شايل همومك فوق كتافي جبالْ
وقت الشدايد.. روحي تفديكي
صِدق المشاعر تُحكُمهْ الأفعالْ
أنا لمّاشوفت الدّمعة في عيونكْ
مجروحة من قَهرِكْ وضيق الحالْ
واللّي بيُحكم فيكي.... بيخونكْ
أشعلت نار الثورة ع الأندال

[نداء غريب صبري]

وتبقى مصر
ملهمة للثورة وللشعر وللفن

شكرا لك اخي

بوركت