آمال المصري
27-11-2011, 09:46 AM
الصندوق الأسود لوطن
بقلم جلال عامر ٢٧/ ١١/ ٢٠١١
فى هذه الظروف الملتهبة وبناء على طلب الجماهير وحتى تتعظ جميع الأطراف، نعيد نشر ما كتبناه قبل سقوط مبارك بأسابيع (٢٧/٩/٢٠١٠): (تفريغ الصندوق الأسود لوطن يطارد المخلصين ويحتفظ بالمنافقين.. أصوات متداخلة - البلد بتغرق يا ريس - ما تخافوش هات يمين شوية يمين كمان - نزل دراع قانون الطوارئ - الحق دارى على الفساد من عندك - البلد بتغرق يا ريس- خلاص عرفنا.. هات فتحى هنا على المنصة- لأ لأ صفوت الناحية التانية - البلد مالت يا ريس - هات الأمن المركزى يقف قدام - إوعى حد يغير مكانه-
ثبتوا الاحتكارات فى مكانها - هاتوا البورصة فى النص - البلد بتغرق يا ريس - هات وشها ناحية شرم الشيخ - يا صفوت سيب المجلس الأعلى للصحافة اللى فى إيدك يقع واضغط على زرار الشورى - البلد بتغرق يا ناس - مش عايز دوشة احبس لى الصحفيين دول تحت فى الكابينة - عايزين نخفف الحمولة، دول ضيوف مش ركاب، ارميهم - الأفضل نحرق الأقباط - صوت مذياع: ريسنا ملاح ومعدينا، عامل وفلاح من أهالينا - خلاص ارموا البنك ده فى الميه وخلصونا من الشركات - فيه تسرب من الأجناب - التسرب موجود فى العالم كله وماحدش بيموت ناقص عمر واحنا أقل نسبة تسرب - نعمل وقفة احتجاجية على سلالم المركب - المركب بتغرق يا ريس - لكل أجل كتاب -
فعلاً يا ريس اللى يغرق يغرق إحنا مش مغسلين وضامنين جنة - كتفوا الفضائيات تكتيفة حلوة - الناس بتسرق الحاجة من المركب وتهرب - سيبوهم دى أرزاق مقسمها الرزاق - أنا باقول نستغيث - الاستغاثة مرفوضة لأنها تدخّل فى شؤوننا - الجماعة اللى بيصرخوا ورا سكتوهم بعلاوة - إيه دى؟ - دى صناديق انتخابات متستفة - ارمى ارمى خلصنا، مش عايز أشوف قاضى قدامى - اسحل لى الجماعة دول ومش عايز تصوير - صوت هامس: المركب غرقت يا ريس والقارب بتاعنا جاهز - وح نعمل إيه فى البلد دى؟ - تتنيل تغرق إحنا ربنا يرزقنا ببلد تانى نكمل فيه البرنامج - المركب بتغرق يا ريس - بالعكس يا ريس دى فى منتهى الاستقرار - أمال بتتطوح ليه؟ - فرحانة بالإنجازات.. صوت راكب يغنى: «فاصوليا بيضا ومنين اجيبها»).. بعد تفريغ الصندوق استمعوا إلى صوت العقل واعتصموا بحبل الله والوطن.
بقلم جلال عامر ٢٧/ ١١/ ٢٠١١
فى هذه الظروف الملتهبة وبناء على طلب الجماهير وحتى تتعظ جميع الأطراف، نعيد نشر ما كتبناه قبل سقوط مبارك بأسابيع (٢٧/٩/٢٠١٠): (تفريغ الصندوق الأسود لوطن يطارد المخلصين ويحتفظ بالمنافقين.. أصوات متداخلة - البلد بتغرق يا ريس - ما تخافوش هات يمين شوية يمين كمان - نزل دراع قانون الطوارئ - الحق دارى على الفساد من عندك - البلد بتغرق يا ريس- خلاص عرفنا.. هات فتحى هنا على المنصة- لأ لأ صفوت الناحية التانية - البلد مالت يا ريس - هات الأمن المركزى يقف قدام - إوعى حد يغير مكانه-
ثبتوا الاحتكارات فى مكانها - هاتوا البورصة فى النص - البلد بتغرق يا ريس - هات وشها ناحية شرم الشيخ - يا صفوت سيب المجلس الأعلى للصحافة اللى فى إيدك يقع واضغط على زرار الشورى - البلد بتغرق يا ناس - مش عايز دوشة احبس لى الصحفيين دول تحت فى الكابينة - عايزين نخفف الحمولة، دول ضيوف مش ركاب، ارميهم - الأفضل نحرق الأقباط - صوت مذياع: ريسنا ملاح ومعدينا، عامل وفلاح من أهالينا - خلاص ارموا البنك ده فى الميه وخلصونا من الشركات - فيه تسرب من الأجناب - التسرب موجود فى العالم كله وماحدش بيموت ناقص عمر واحنا أقل نسبة تسرب - نعمل وقفة احتجاجية على سلالم المركب - المركب بتغرق يا ريس - لكل أجل كتاب -
فعلاً يا ريس اللى يغرق يغرق إحنا مش مغسلين وضامنين جنة - كتفوا الفضائيات تكتيفة حلوة - الناس بتسرق الحاجة من المركب وتهرب - سيبوهم دى أرزاق مقسمها الرزاق - أنا باقول نستغيث - الاستغاثة مرفوضة لأنها تدخّل فى شؤوننا - الجماعة اللى بيصرخوا ورا سكتوهم بعلاوة - إيه دى؟ - دى صناديق انتخابات متستفة - ارمى ارمى خلصنا، مش عايز أشوف قاضى قدامى - اسحل لى الجماعة دول ومش عايز تصوير - صوت هامس: المركب غرقت يا ريس والقارب بتاعنا جاهز - وح نعمل إيه فى البلد دى؟ - تتنيل تغرق إحنا ربنا يرزقنا ببلد تانى نكمل فيه البرنامج - المركب بتغرق يا ريس - بالعكس يا ريس دى فى منتهى الاستقرار - أمال بتتطوح ليه؟ - فرحانة بالإنجازات.. صوت راكب يغنى: «فاصوليا بيضا ومنين اجيبها»).. بعد تفريغ الصندوق استمعوا إلى صوت العقل واعتصموا بحبل الله والوطن.