تسجيل الدخول

مشاهدة النسخة كاملة : جمالك سر م الأسرار


فريد عبدالعزيز
19-01-2012, 10:52 AM
جمالك سر م الأسرار

وصوتك صاحبي في المشوار

بتكتب همستك أشعار

وتطرح خطوتك ياسمين


يا شوقي لعودك الفتان

يا قلبك بحر خير و حنان

ياريت يجمعنا تاني مكان

دا انا دايب غرام و حنين



منايا تحس شوقى إليك

وتعرف قد إيه لياليك

واحشها و كل يوم بناديك

يا ساكن جوه نن العين


تعالى أزوقك بالنور

و اصاحب قلبك العصفور

بحبك مش بلف و ادور

يا غالي وأغلى م الغاليين


تعالى فاتحلك الأبواب

و عمري ما كنت يوم كداب

أنا كلى أمل وشباب

وقدامى السنين جايين
آمال المصري
19-01-2012, 04:38 PM
جميلة متناغمة الحرف سلسة
تفيض عذوبة وبهاء
مرحبا بعودتك أديبنا الفاضل
خالص التحايا
الطنطاوي الحسيني
19-01-2012, 06:25 PM
متناغمة
موسيقية
سلسة
عذبة
صورها بديعة
للتثبيت ابداعا وتقديرا
أخي المبدع الفنان فريد عبدالعزيز
اغنية رائعة
محسن البدراوى
20-01-2012, 03:00 PM
الله الله رووووووووووووووووعه
دام ابداعك
تسلم ويسلم حرفك
وبالتوفيق
ربيحة الرفاعي
21-01-2012, 11:48 PM
أهلا بقلم لمع نجمه بمجرد عبوره في سماء العامية في الواحة
غنائية عذبة اللحن منسابة الحرف سلسل الهطول

أبدعت شاعرنا
لا فض فوك

تحاياي
فريد عبدالعزيز
22-01-2012, 01:25 PM
متناغمة
موسيقية
سلسة
عذبة
صورها بديعة
للتثبيت ابداعا وتقديرا
أخي المبدع الفنان فريد عبدالعزيز
اغنية رائعة

الاخ الجميل الطنطاوي

كلماتك وما قمت به من تنسيق و تثبيت للنص
تشهد على ما تتمتع به من ادب جم و ذوق رفيع
عاجز عن الشكر :001:
فريد عبدالعزيز
22-01-2012, 01:27 PM
أهلا بقلم لمع نجمه بمجرد عبوره في سماء العامية في الواحة
غنائية عذبة اللحن منسابة الحرف سلسل الهطول

أبدعت شاعرنا
لا فض فوك

تحاياي

الاخت الشاعرة ربيحة
يسعدني مرورك و تطربني حروف مدحك الصادقة
لا حرمناك
فريد عبدالعزيز
22-01-2012, 01:34 PM
الله الله رووووووووووووووووعه
دام ابداعك
تسلم ويسلم حرفك
وبالتوفيق

الاخ محسن البدراوي
سلمت و سلمت حواسك
محمد محمود محمد شعبان
03-02-2012, 10:38 PM
يا شوقي لعودك الفتان


العود في يدك أنت أخي فريد .. يا موسيقار العامية
فريد عبدالعزيز
06-02-2012, 09:42 AM
يا شوقي لعودك الفتان


العود في يدك أنت أخي فريد .. يا موسيقار العامية

اخي الشاعر حمادة
شكرا لاطرائك العذب و مرورك الرقراق
فريد عبدالعزيز
12-02-2012, 10:13 AM
فلاشة حبنا الغالي
عليها صورنا و أماكن
زمان انا و انتي روحناها
و حبة شعر و أغاني
على ذوقي و على ذوقك
في عربيتك سمعناها
و رسمة لبيت هيجمعنا
صغير أه .. لكن تحفة
أنا و انتي .. رسمناها

و قلتي ضحي بالمكتب
عشان نعمل أوضة أطفال
و ناخد جزء م الصالة
يا رب يكونلي منه عيال
و انا اقولك هاربيهم
و اكبرهم برزق حلال

و من شوقنا لأولادنا
و لياليهم
بقينا ننادي بعضينا
بأساميهم

وضاع الحب زي ما ضاع
معاه فرحي و طاقة نور
وانا كالعادة قلت نصيب
و مش عايز أبان مكسور

أخدتي العمر و سنينه
كمان طمعانة ف فلاشتي ؟
يا تيجي بكرة نتقابل
يا أجي و اخدها دلوقتي


زمان كان كل أيامنا
لذيذة و فيها بهجة عيد
و كان فيه حلم بيقرب
و كنت باشوفه قدامنا
لكن دلوقت شايفه بعيد
وحاسس إني متغرب

حبيبتي ليه كرهتيني
و ليه جبتيها في المكتوب ؟
وهل فعلا أنا متطاقش
و انسان صعب كلي عيوب ؟
ضعفتي لدرجة خليتني
أشك بإن فيه غيري
بقيتي بتبعدي عني
معدتيش حتى بتغيري

وبعد ما كنت أوفى حبيب
بقيت خاين و مش مرغوب

أخدتي العمر و سنينه
كمان طمعانة ف فلاشتي ؟
يا تيجي بكرة نتقابل
يا أجي و اخدها دلوقتي
عايد راشد احمد
17-02-2012, 11:52 AM
السلام عليكم ورحمة الله

شاعرنا الفاصل

نص جميل ورائع فيه من السلاسة وجمال الكلمة ما جعلنا نعيش معه

تقبل مروري وتحيتي
فريد عبدالعزيز
21-02-2012, 09:34 AM
السلام عليكم ورحمة الله

شاعرنا الفاصل

نص جميل ورائع فيه من السلاسة وجمال الكلمة ما جعلنا نعيش معه

تقبل مروري وتحيتي

سلمت و سلمت حواسك استاذ عايد