أعملك ايه ؟ أنا مش فلان أنا مش ....

[اكرم حسن احمد]

النور خلاص ؟
ولّا خلاص النور ظلام ؟
الورد دبلان ف الربيع
والشوك كتر .. مالى الغطان
الشمس.. جيا تحرق ضهرنا ؟!
ولّا بسلام ؟
كنت بحلم بالأمان
وبالحياه
ولسه بحلم زى زمان
لسكى بردو بتبعدى
والبعد بنا مش سفر
لساكى فيا بتظلمى
وانا ألأمان وقت الخطر
وانا حبى ليكى مش نفاق
وجرحى علشانك علاج
ونفسى اشوفك ف المطر
أو حتى أشوف ضى القمر
ليه كل ما كتب لك يمين
تكتبينى شمال ؟
فكره المعاد ؟
ألفين معاد
ولسه بردو بتعندى
وبردو سكنه ف الفؤاد
هو انتى عشقه شهر يار ؟
وكل كلمة حق
تلاقى ميت سياف
قاتل الصبايا يكون بطل .. ازاى ؟!
هو اللي رايح جاي ؟
ولّا اللي جي عجاف ؟
بنت الجيران
لساها وقفه بتنتظر والقطر فات
كل الشجر أصبح خريف
ليه بتتقتلى حلم البنات ؟
هما السبب ولا الظروف؟
ولا البطوله نعيش ف خوف ؟
لسانا بردو بننتظر
حبة سماد
حبة مطر زى النبات
الجذمه دابت
والبنطلون
علشان اجيب لى رغيف
والقضيه مش رغيف
دوقت الوجع والمُر
لكنى عشت نضيف
رافض أكون صوره
أو كِمالت عدد
أو أرضا بالتزيف
انا كنت ادارى الخوف
وابكى لوحديه
علشان بحبك قوى
وقفت ضد الموج
ورقبتى تحت السيف
هى السما بتنزل ؟
ولا احنا راح نطلع ؟
علشان مانعلى قوى
لازم ف يوم ندفع
قولي لي إيه التمن
مدفعتهوش
الجوع
البرد
الضرب
ولّا سنين المعتقل
الظلم خد مني االسنين
واللي قال لك مانتيش حبيبتى
حبيبتى ماتت
وحبُى ليكى كان نفاق
بتظهريه
بتكرميه
قولى لى ليه بتكرميه
وانا مش فلان
ومش بمثل ف الكلام
أنا اللي قولت لك زمان
ياحببتى
بكره هتفوت السنين
ويموت قبيل
ويعيش هبيل
وهيبدء الحلم الجميل
بين شوارع فاضيه خالص
وزحمة السلطان حسين
وهتنزلى ف مدان عرابى
وهتنزلى وسط الحسين
وكل خوفى تسئلى نفس السؤال
هو أنت مين ؟
واهو مات قبيل
ولسه بردو بتسئلى
!!!هو انت مين
وانا اللي نازل
للسما
وانا اللي طالع تحت
انا اللى ميت بالحيا
ولما موت ارتحت
انا الفقير بالغنا
وانا الغنى بالفقر
انا اللي حربونى
وزقونى
ولحظة سقوطى نجحت
أنا اللي علشانك بكيت
وانا اللي علشانك بنيت
ولقتنى جوه الفحت
خدتى كل فرح مني
وكنت علشانك بغنى
والجرح فيا لقيت
انا شارع الاسعاف
والحاره والكرنيش
انا زرعة عمى نبيل
وصنعة الليل الطويل
انا التراب والجيش
انا كنت مدفع ف الحروب
وكل مدفع انجرح
وكل ماصرخ م الألم
أنا كنت بكتب لك فرح
فازاى
أندهك ماتجيشش
أنا قلبى وندوز جربي
دوسى انتر
سطبيه
حسى مره باللي فيه
فلبى صافى مش مفيرس
ونبضى ليكى مش بينقص
وان لقيتى إنه أزمه
ألت شفت
دليت شليه
انا كنت نازل بالجاكت والاربجيه
انا كنت جيشك
مش كنت برقص لك بليه
انا دمى سال
غرّق٫٫ خط برليف والقناه
انا كنت ببكى
وكنت بضحك للحياه
انا اللي بنده لك تجينى
وكنتى برده بتبعدى
وكنت بزرع لك حنينى
تحصديه
وتسبينى ف ألف آه
انا الزارع
وانا المزروع
انا اللي بديكى
وبفديكى
فازاى أكون ممنوع ؟
وانا قولتهالك بالغنى
وبالهدوء
وبكل معنى الحب
وبالخناق
وبردو لسه بندهك
وكل خوفى تغرقى
ف بحر النفاق
أو تكونى كربلاء
سمعه صوتى ؟
طب سكوتى ؟
ولا بتحبى الزعاق ؟
شايفه جرحى ؟
دمعتى ؟
دمى ؟
صدقينى
جرحى علشانك علاج
طب نتفق ؟
بردو رفض الأتفاق
أعملك ايه ؟
ولسه ياما مظلومين
ناس تموت
وناس بتعلى بالهتاف
!!وناس بتركب ع الكتاف
ويقولوا بردو مكملين
واحنا بنبدء حلمنا
ازاي يكونو مكملين
(ازاي يقول( مزق قصايدك كلها واكتب جديد
هو اللي كان ف ابو ظبى متنغنغ ومتنعنع
زى اللي مات ف بورسعيد
زى اللي كان قلب الميدان
م العريش حتى الصعيد
يمكن عشان انا ملتحى
فبتظلمينى وتجرحى
صدقينى
لو ألف ثوره
ولسه ظلمه
عمرك فى يوم ماهتفرحى






أكرم حسن

[الطنطاوي الحسيني]

هو اللي رايح جاي ؟
ولّا اللي جي عجاف ؟


ادانت قلتها
اخي اكرم
صدقينى
لو ألف ثوره
ولسه ظلمه
عمرك فى يوم ماهتفرحى
لازم النور والاصلاح ينبع من انفسنا
وصدقني اللي جاي افضل بإذن المولى سبحانه وتعالى
هذه المحروسة من رب العالمين
لا تخف ولن تكرر سؤالك بإذن الله
ولكن انت تعلم ان الظالمين تركوها خربة و مهلهلة فلازم من بعض الوقت
حتى تتعافى من السرقة والقتل وسحق الانسان وكرامته وحتى يعلم الانسان ان كرامته استردت
ويعلم أن عمله وعلمه هو كرامته سنأخذ بعض الوقت لكن في النهاية سننتصر وهنا تقول الثورة آتت أكلها المباركة
تحياتي لهذا الابداع
رغم بعض اللحن في بحر الكامل متفاعلن متفاعلن
دمت مبدعا رائعا ومفكرا أديبا

[اكرم حسن احمد]

هو اللي رايح جاي ؟
ولّا اللي جي عجاف ؟


ادانت قلتها
اخي اكرم
صدقينى
لو ألف ثوره
ولسه ظلمه
عمرك فى يوم ماهتفرحى
لازم النور والاصلاح ينبع من انفسنا
وصدقني اللي جاي افضل بإذن المولى سبحانه وتعالى
هذه المحروسة من رب العالمين
لا تخف ولن تكرر سؤالك بإذن الله
ولكن انت تعلم ان الظالمين تركوها خربة و مهلهلة فلازم من بعض الوقت
حتى تتعافى من السرقة والقتل وسحق الانسان وكرامته وحتى يعلم الانسان ان كرامته استردت
ويعلم أن عمله وعلمه هو كرامته سنأخذ بعض الوقت لكن في النهاية سننتصر وهنا تقول الثورة آتت أكلها المباركة
تحياتي لهذا الابداع
رغم بعض اللحن في بحر الكامل متفاعلن متفاعلن
دمت مبدعا رائعا ومفكرا أديبا



اشكرك على رأيك وتنبيهاتك

[ربيحة الرفاعي]

شكرا لما حمل هذا النص الجميل من حس كريم وأمان وآمال وقلق نعيشه جميعا

أهلا بك أيها الفاضل

تحيتي

[آمال المصري]

يومان ونرى جديد نتمنى أن يكون خيرا مما مضى
فكل البشائر تقول وتقول حتى كممت العقول والأفواه واكتفينا بالانتظار
ربما تحدث معجزة تنقذ مصر
انهمار رائع يساير الأحداث ويواكب المسيرة
دمت مبدعا
تحيتي

[اكرم حسن احمد]

يومان ونرى جديد نتمنى أن يكون خيرا مما مضى
فكل البشائر تقول وتقول حتى كممت العقول والأفواه واكتفينا بالانتظار
ربما تحدث معجزة تنقذ مصر
انهمار رائع يساير الأحداث ويواكب المسيرة
دمت مبدعا
تحيتي

http://alfanonline.moheet.com/show_news.aspx?nid=62937&pg=24

توقعة انى سوف اكون اول شاعر يتحدث عنه الاعلام بعدالثوره لما حدث معى

[اكرم حسن احمد]

هذه القصيده مكتوبه قبل احداث بورسعيد وهذه رؤيه بسيطه

[محمد محمود محمد شعبان]

انا اللي بنده لك تجينى
وكنتى برده بتبعدى
وكنت بزرع لك حنينى
تحصديه
وتسبينى ف ألف آه
انا الزارع
وانا المزروع
انا اللي بديكى
وبفديكى
فازاى أكون ممنوع ؟
أحسنت أستاذ / أكرم
نص رائع وراق
ملئ بالمعاني الجميلة والصور المعبرة
راقني التجول بين ظلالك أيها الحبيب

تحيتي


حمادة الشاعر
مشرف عامية

[اكرم حسن احمد]

انا اللي بنده لك تجينى
وكنتى برده بتبعدى
وكنت بزرع لك حنينى
تحصديه
وتسبينى ف ألف آه
انا الزارع
وانا المزروع
انا اللي بديكى
وبفديكى
فازاى أكون ممنوع ؟
أحسنت أستاذ / أكرم
نص رائع وراق
ملئ بالمعاني الجميلة والصور المعبرة
راقني التجول بين ظلالك أيها الحبيب

تحيتي


حمادة الشاعر
مشرف عامية



شكرا صديقى