الحِداد

[ممدوح سالم]

الحِداد
يعني إيه هو الحِداد؟
يعني وقفة صدق جد وفي المعادْ
يعني اصحصح وافوق شوية، مش حقضيها رقادْ
يعني أعرف مين معايا ومين ورايا
ومين دا يقدر ع السدادْ
الحِدادْ
يعني إيدي ف إيد أخويا وصاحب صاحبي
واللي هاجر واللي عادْ
يعني أعرف مين عايزها بجد تولعْ .. ويقول فصاحة: احذروا هذا الرماد!
يعني أعرف من صديقي وقلبه عندي
ومين عدوي ومين شادد لينا الزنادْ
هو دا يعني الحداد.
الحداد ياخوانا فوقوا مش بيانْ
مش تقصّي للحقائق!!
ومش لجانْ
الحداد يعني وقفة صدق جدْ
وفي المعادْ
مش تعازي أو سواد!
الحدادْ
يعني أعرف مين بيبني ومين سيبني للذئاب
ومين بيزرع ومين بيقلع ومين بيرويها سموم ومين بيرميلها سماد
مرة فوضى وهسترية
ومرة أصل الأمن غاب
يعني أعرف فين حقوقي؛ حق خالد، حق مايكل، حق بنت الشيخ عمادْ
وحقي أعرف إني آدم، يعني إنسان مش جمادْ
الحداد
يعني اتحاد
يعني احتشاد من أجل مصرْ
يعني أعرف اللي أفسد فِ البلاد..
يعني أعرف بس أعرف بالهداوة مش عناد
واحدة واحدة مين اللي يقدر بس يعدي بالبلاد
يعني آخد حقي فعلا
يعني آخد كل حقي
يعني آخد تار ولادي
واشوف بعيني عدل ربي في اللي قتّل في الولاد
فِ اللي دبح طير بلادي
وقال دا عادي
ماذا أفعل؟
فِي اللي دبّر واللي خطط واللي أفسد كل وادْ
في اللي حزِّن كل أم وكل أب
في اللي حزن مصر أمي واللي لبسها السواد
يعني القصاص وعدل ربك ف العباد
هو دا معنى الحداد
مصر 2-2-2012
ولد الجنوب

[الطنطاوي الحسيني]

يعني أعرف من صديقي وقلبه عندي
ومين عدوي ومين شادد لينا الزنادْ
هو دا يعني الحداد.
يعني القصاص وعدل ربك ف العباد
هو دا معنى الحداد
اخي ممدوح ولد الجنوب
شاعرنا الرائع الواعي
للثبيت ثلاثا لمعالجتها الموقف و عفويتها وابداعها

[محمد محمود محمد شعبان]

ولد الجنوب .. قلت فأفضت .. وأحصيت فأبكيت .. بإذن الله سوف يمر الأمر بسلام والله من ورائهم محيط

[لطيفة أسير]

جميل جدا هذا المفهوم للحداد الذي يستنهض الهمم
أكرمكم الله أخي الفاضل ورزق مصرنا الأمن والأمان
تحيتي وتقديري

[ربيحة الرفاعي]

قصيدة جميلة صادقة الحس قوية المعاني
وجرس شجي تناغم ومحمول القصيدة

أحسنت شاعرنا

تحيتي

[عايد راشد احمد]

السلام عليكم ورحمة الله

شاعنا الفاضل

نص رائع المعني والمضون

اجدت استخدام ادواتك فنتج عنه نص باذخ

تقبل مروري وتحيتي

[محمد محمود محمد شعبان]

حقا تعريف رائع للحداد
دمت شاعرنا القدير

تحاياي


حمادة الشاعر
مشرف أدب العامية

[فريد عبدالعزيز]

لحداد ياخوانا فوقوا مش بيانْ
مش تقصّي للحقائق!!
ومش لجانْ
الحداد يعني وقفة صدق جدْ
وفي المعادْ
مش تعازي أو سواد!

احسنت يا استاذ

[آمال المصري]

الحداد
يعني اتحاد
يعني احتشاد من أجل مصرْ
يعني أعرف اللي أفسد فِ البلاد..
يعني أعرف بس أعرف بالهداوة مش عناد

كان تعريفا شاملا شاعرنا الفاضل
نص سامق المعنى والمبنى
دام ألقك
ومرحبا بك في واحتك
تحاياي

[محسن البدراوى]

الله الله معنى رائع وانشوده شعريه بديعه
لكلمه كم ضللنا تعريفها واستبقنا الاحداث لتهويلها
وددت اقباس كامل النص بما يحمله من سمو المعنى والمضمون
وليس لى هنا سوى ان انحنى احتراما وارفع قبعتى لجمال معزوفتك وقة توضيحك
تحيتى ايها القدير
وبالتوفيق

[ناديه محمد الجابي]

قصيدة راقية ، بهية بمحمولها ، محلقة بمضمونها ونسجها وصدقها
دام بهاء حرفك وروعة معانيك.
:v1::nj::0014: