محمد محمود محمد شعبان
09-02-2012, 08:28 PM
قصيدة ( تهنئة بالخطوبة الميمونة )
لكريمة أخي الشاعر / أكرم عبد السميع
ملحوظة / برجاء قراءتها باللهجة الصعيدية .. وقراءة السطر كله دفعة واحدة .
واللهْ الفرح قليل الايام دي .. فين الاقيه ؟
قالوا حبيبك أكرم افندي .. خلاص بقي بيه
حط إيديه الاتنين في جيوبه .. عارف ليه ؟
بنت الحر طلبها الحر.. قولولو يا ناس : مباركه عليه
واللبنته زينة الحته .. موافقه عليه
واللي اختارو القلب أكيد هيشيلها .. جوا عينيه
***
مهر الحره ما يتقدرش ياسيدي بمال
ولايقدرش عليه وينولهْ غيرِ الرِّجَّال
والغندوره ـ الله يصونها ـ أدب وجمال
راح تملا لك بيتك دين واخلاق
وتنشِّئ لك وتربي لك بيه الِعْيال
ما هي تربية بيت وأصول ِ ، ودين موصول
عِرقها طيب وابن حلال
***
قمت فرحت ، وفرحتي غاليه ، وضحكتي عاليه
فرحة قلب طواه الحزن سنين ِ طوال
ع الأشراف اللي غيَّرهم سوء الاحوال
ع الأحرار اللي عبِّدْهم حكر المال
***
قمت فرحت ، وفرحتي غاليه ، وضحكتي عاليه
لما لقيت في الزمان الليل .. نجوم وبدور
لما لقيت في كتاب الهم .. الفرح اتلم .. في ست سطور
***
قمت فرحت ، وفرحتي غاليه ، وضحكتي عاليه
لما لقيت الساقيه النايمه . . اللي كانت صايمه
دارت فوق الأرض البور
علشان كانت ساقيه حزينه ودمعها مالح
بوَّر كل الأرض ووقفْ سير ِ العود السارح
بُخِّي يا ساقيه دموع الفرح .. اللي ما عمروش كان مالح
دمع الفرح هيروي الأرض .. هيحيي العِرْض .. وينبت صالح
***
شوفت يا سيدي .. إن سنابل الخير ما تموتش
واللي زرعتو بخير .. تجنيه .. والخيرما يروحش
***
والفرخه مسيرها لعشتها .. والديك بيجهِّزْ فرحتها
وانا بادعي والدنيا تأمَّن .. يهديها لجوزها ، ولبيتها
***
حقُّه يا سيدي .. أكرم أفندي ... يغني يقول : آني بيه .. آني بيه
وكمان أُرْقص بلدي وحطَّبْ .. ولا حدش راح يقوى عليه
وكمان عيني بارده عليه
وكمان حَصْوه ف عين مين شافو .. ولا سمَّى علييه ِ وحوالييه
تمت بحمد الله والله من وراء القصد
بقلم الشاعر / محمد محمود شعبان ( حمادة )
مصر ـ الزقازيق ـ محافظة الشرقية ـ
لكريمة أخي الشاعر / أكرم عبد السميع
ملحوظة / برجاء قراءتها باللهجة الصعيدية .. وقراءة السطر كله دفعة واحدة .
واللهْ الفرح قليل الايام دي .. فين الاقيه ؟
قالوا حبيبك أكرم افندي .. خلاص بقي بيه
حط إيديه الاتنين في جيوبه .. عارف ليه ؟
بنت الحر طلبها الحر.. قولولو يا ناس : مباركه عليه
واللبنته زينة الحته .. موافقه عليه
واللي اختارو القلب أكيد هيشيلها .. جوا عينيه
***
مهر الحره ما يتقدرش ياسيدي بمال
ولايقدرش عليه وينولهْ غيرِ الرِّجَّال
والغندوره ـ الله يصونها ـ أدب وجمال
راح تملا لك بيتك دين واخلاق
وتنشِّئ لك وتربي لك بيه الِعْيال
ما هي تربية بيت وأصول ِ ، ودين موصول
عِرقها طيب وابن حلال
***
قمت فرحت ، وفرحتي غاليه ، وضحكتي عاليه
فرحة قلب طواه الحزن سنين ِ طوال
ع الأشراف اللي غيَّرهم سوء الاحوال
ع الأحرار اللي عبِّدْهم حكر المال
***
قمت فرحت ، وفرحتي غاليه ، وضحكتي عاليه
لما لقيت في الزمان الليل .. نجوم وبدور
لما لقيت في كتاب الهم .. الفرح اتلم .. في ست سطور
***
قمت فرحت ، وفرحتي غاليه ، وضحكتي عاليه
لما لقيت الساقيه النايمه . . اللي كانت صايمه
دارت فوق الأرض البور
علشان كانت ساقيه حزينه ودمعها مالح
بوَّر كل الأرض ووقفْ سير ِ العود السارح
بُخِّي يا ساقيه دموع الفرح .. اللي ما عمروش كان مالح
دمع الفرح هيروي الأرض .. هيحيي العِرْض .. وينبت صالح
***
شوفت يا سيدي .. إن سنابل الخير ما تموتش
واللي زرعتو بخير .. تجنيه .. والخيرما يروحش
***
والفرخه مسيرها لعشتها .. والديك بيجهِّزْ فرحتها
وانا بادعي والدنيا تأمَّن .. يهديها لجوزها ، ولبيتها
***
حقُّه يا سيدي .. أكرم أفندي ... يغني يقول : آني بيه .. آني بيه
وكمان أُرْقص بلدي وحطَّبْ .. ولا حدش راح يقوى عليه
وكمان عيني بارده عليه
وكمان حَصْوه ف عين مين شافو .. ولا سمَّى علييه ِ وحوالييه
تمت بحمد الله والله من وراء القصد
بقلم الشاعر / محمد محمود شعبان ( حمادة )
مصر ـ الزقازيق ـ محافظة الشرقية ـ