لو تعود

[سامى عبدالعال]

لو تعود
لوتعود القمره ويا نسمة فجر
لو تنام الشمس فى حضنك يايدر
لو يطير عصفور كنار....أوتموت النار
لو يعود
قلبى المسافر
فوق بساط الريح
جريح..!!
لو تعود أيام زمان.....لو يدق الباب يعود
كان زمان
كان زمان الطير غريد
فوق غيطان الشوق يانور
كنت شايله قلبى جواكى يانور
والقلب
كان مليان بهم تقيل
هم وادى النيل يانور
كنت باحلم
وف عنيكى الحلم يكبر
شوقى يكبر
يحضن الدمع
اللى فوق الخد يصرخ
ترتوى منه البحور
آآآآآه يانور
كنت باحلم
........
كان فى حلمى لغز واعر
لغز فيه الشوق بيبكى
لغز فيه الشوق مسافر
لغز
مين هايفسره
بعدك يانور
الحلم فيه أطفال عرايا تموت
تحت جدران البيوت
أطفال
قتلها الخوف...قتلها الجوع
قبل ماتموت
وتبان الضلوع
أطفال تموت...أطفال تموت
تحت جدران البيوت
والبيوت كانت حكايه
من حكاوى ألف ليله وشهريار
كانت السما صافيه
زى ضحكة طفل
فى حضن الأمان
الأمان اللى انهزم
لما طارالفجر
الأمان اللى انكسر
لما ضاع البدر
البدر اللى كان
نوره على سطوح البيوت
بيرسم ذكريات
البدر اللى كان
بيرضع النخلات حليب العز
ويرشرش النور
على قلوب البشر
تصحى توحد ربها بعد الممات
البدر اللى نوره من عيون
أرض الفرات
.......
لو يعود البدر
لو يعود الفجر
لو يعود قلبى المسافر
فوق بساط الريح
لوتعود أيام زمان....لوتعود
كان زمان

[الطنطاوي الحسيني]

كانت السما صافيه
زى ضحكة طفل
فى حضن الأمان
الأمان اللى انهزم
لما طارالفجر
الأمان اللى انكسر
لما ضاع البدر
البدر اللى كان
نوره على سطوح البيوت
بيرسم ذكريات
البدر اللى كان
بيرضع النخلات حليب العز
ويرشرش النور
على قلوب البشر
تصحى توحد ربها بعد الممات
البدر اللى نوره من عيون
أرض الفرات


قصيدة رائعة حقا
رائعة التنزيل والتأويل
صورها مغرية
واندفاقها به الشفافية
ونعم اخي
للفرات حب في ضلوعنا الي يوم الممات
تحياتي ايها المبدع
واستبشر ان شاء الله تعالى ربنا يوحدكم
ويخلصكم من عدوكم
ويتحد دجله والفرات مرة اخرى فهم من اصل واحد
دمت مبدعا رائعا اخي سامي عبدالعال
مبدع يحيا هموم امته واخوته

[سامى عبدالعال]

الشاعر الجميل
الأستاذ
الطنطاوي الحسيني
شكرا لك أيها الحبيب على مشاعرك الوطنية
وشكرا لمرورك العطر
تحياتي ومودتي

[نادية بوغرارة]

لو يعود للشعر مثل هذا الرونق الذي اكتسته قصيدتك !!!

معزوفة رائعة ،

دمت و نبضك يا أخي الشاعر سامي عبد العال .

[آمال المصري]

لو يعود البدر
لو يعود الفجر
لو يعود قلبى المسافر
فوق بساط الريح
لوتعود أيام زمان....لوتعود
كان زمان

بديعة الجرس أتقنت فيها فن العزف بالحرف
دمت متألقا
وتحية تليق

[سامى عبدالعال]

الشاعرة الأستاذة
نادية بوغرارة
الأديبة المتألقة
الأستاذة

آمال المصري
شكرا لمروركم الجميل ومصافحتكم الكريمة
وشكرا لما نثرتموه هنا
تحياتي ومودتي