إحنا آسفين ياريس

[عصام ميره]

إحنــــا آسفيــــن ياريـــــــس !!!
عصـــــام ميــــره
........................
إحنا آسفين ياريس
ياريس إحنا آسفين ..
ياموحد لينا القطرين
ومينا وجيشه كانوا نايمين ..
ياصاحب غزوة حطين
وهديتها لصلاح الدين ..
يامحرر أرض فلسطين
عمار وأبوه دول يطلعوا مين ..
ياريس إحنا آسفين ..
.............................
إحنا آسفين ياريس
ياريس إحنا آسفين ..
يامقسم شعبك فريقين
أحمر وأبيض أبوخطين ..
ياريس محناش ناسيين
بدل السنة تحكم تلاتين ..
يامبهدل راسنا فى الطين
يادابحنا بأبرد سكاكين ..
ياريس إحنا آسفين ..
.............................
إحنا آسفين ياريس
ياريس إحنا آسفين ..
أبو جهل وفرعون مساكين
يجوا فين جنبك ياقليل الدين ..
وعرفناك وبقالنا سنين
كداب . نصاب . وأبو وشين ..
فى جهنم قاعدين لايصين
عايزين ريس يملا العين ..
ياريس إحنا آسفين ..
..............................

إحنا آسفين ياريس
ياريس إحنا آسفين ..
من بعدك محناش عارفين
خير بلدنا يروح على فين ..
دورنا شمال ويمين
مش لاقيين النصابين ..
اللى باعونا شهور وسنين
ع البرش فى طرة نايمين ..
ياريس إحنا آسفين ..
............................

إحنا آسفين ياريس
ياريس إحنا آسفين ..
بعد الثورة جالك عرضين
أولهم ورا البحرين ..
لاوزرا يقاسموك ملايين
ولاشعب يقول لك عايزين..
بدل السنة تحكم قرنين
لحد مايطلع لك قرنين ..
ياريس إحنا آسفين ..
............................
إحنا آسفين ياريس
ياريس إحنا آسفين ..
والتانى جاى لك م الصين
مليارات بدل الملايين ..
مهما تقول يفضلوا ساكتين
و ف حالهم دايما عايشين ..
تحكم وولادك الاتنين
يشبعوا لعب مع التنانين ..
ياريس إحنا آسفين ..
.............................



إحنا آسفين ياريس
ياريس إحنا آسفين ..
لو نسكت بتقول راضيين
لو نتكلم بتقول مجانين ..
حتى وقفنا بالملايين
قلت اتسلوا مش فاضيين ..
ونسيت إننا مصريين
لغير ربنا محناش ساجدين ..
ياريس إحنا آسفين ..
...........................

إحنا آسفين ياريس
ياريس إحنا آسفين ..
بهديلك منى رصاصتين
قبل الأكل بدقيقتين
تاخدهم و ف قلب العين
ترتاح وتريح ملايين ..
ياريس إحنا آسفين ..


لو هنقضى السنة صايمين
من غير أكل نبات جعانين ..
م الحرامية ننام خايفين
مش هنقول لك لأ آسفين
............................
............................
كلمات : عصــــام ميــــره

[نادية بوغرارة]

يستحقها ذاك غير المأسوف عليه ،

و لعله يسمع منك و يقبل هديتك له ،

و يرتاح و يريّح الملايين .

====

الشاعر عصام ميره

دمت و نبضك الحيّ .

:hat:

[الطنطاوي الحسيني]

بدل السنة تحكم قرنين
لحد مايطلع لك قرنين ..


اضحكتني واسعدتني
ولو ان الحزن منها زارني
للتثبيت ابداعا وتقديرا
همسة بها بعض المواضع النادرة تحتاج بعض الرتوش
غيرة على الجمال وكمال الابداع
في
احنا اسفين ياريس
الوزن تقل شوية
لو تضيف
احنا اهو اسفين ياريس تنضبط باذن الله
يجوا فين جنبك ياقليل الدين
ممكن نقول مثلا
جنبك إيه ياقليل الدين
أقول مثلا اخي عصام
لاينتقص من القصيدة الفوق رائعة فكرا ومضمونا وابداعا خربشاتي
دمت مبدعا اخي عصام

[محسن البدراوى]

الله عليك شاعرنا الكريم
قصيده جميله مضمون وصياغه
كن بالعلا دوما وبالتوفيق

[عصام ميره]

يستحقها ذاك غير المأسوف عليه ،

و لعله يسمع منك و يقبل هديتك له ،

و يرتاح و يريّح الملايين .

====

الشاعر عصام ميره

دمت و نبضك الحيّ .

:hat:


شكراً لكِ نادية بوغرارة على مرورك هنا والتعليق على مساهمتي المتواضعة ..
والله لوأستطيع أن أُهديه أر بي جي ماتأخرت ..
ولكنه لم يترك لنا شيئا نشتري به طعام !!. دا أنا سالف تمن الرصاصتين ..!!
شكراً لكِ مرة أخرى
أخوك
عصام ميره

[عصام ميره]

الله عليك شاعرنا الكريم
قصيده جميله مضمون وصياغه
كن بالعلا دوما وبالتوفيق


شكراً لك محسن البدراوي ..
أسعدني مرورك ..
كلماتك هي الأروع ..
تحياتي..
أخوك
عصام ميره

[عصام ميره]

بدل السنة تحكم قرنين
لحد مايطلع لك قرنين ..


اضحكتني واسعدتني
ولو ان الحزن منها زارني
للتثبيت ابداعا وتقديرا
همسة بها بعض المواضع النادرة تحتاج بعض الرتوش
غيرة على الجمال وكمال الابداع
في
احنا اسفين ياريس
الوزن تقل شوية
لو تضيف
احنا اهو اسفين ياريس تنضبط باذن الله
يجوا فين جنبك ياقليل الدين
ممكن نقول مثلا
جنبك إيه ياقليل الدين
أقول مثلا اخي عصام
لاينتقص من القصيدة الفوق رائعة فكرا ومضمونا وابداعا خربشاتي
دمت مبدعا اخي عصام



خربش كما شئت .. أستاذ الطنطاوي ..
فوالله من غير خربشتك ماتقدمت شبراً ..
أحاول في المستقبل إن شاء الله ..
أنا مازلت تلميذا أحاول ..
إن أحسنت فمن الله ..
وإن أسأت فمني ومن الشيطان ..
شكراً لك مرة أخرى ..
تحياتي
أخوك
عصام ميره
أشكرك على التثبيت ..
هذا يعني لي الكثير ..
يشجعني كثيراً
عصام ميره

[آمال المصري]

نعم احنا آسفين ياباشا ... و "باردون يا سوزان" ...
و "نبوس راسك يا عادلى" ... و "سامحونا ياعصابة"
الشعب لن يتوانى حتى ينال حقوقه المنهوبة
رائعة طرقت على مواجعنا وعزفت على شجوننا
دمت رائعا شاعرنا الفاضل
تحاياي

[عصام ميره]

نعم احنا آسفين ياباشا ... و "باردون يا سوزان" ...
و "نبوس راسك يا عادلى" ... و "سامحونا ياعصابة"
الشعب لن يتوانى حتى ينال حقوقه المنهوبة
رائعة طرقت على مواجعنا وعزفت على شجوننا
دمت رائعا شاعرنا الفاضل
تحاياي




شكرا لك ِ آمال المصري على مرورك وعلى كلماتك ..
صدقتِ فالشعب لن يتنازل حتى تتحقق كل مطالب الثورة
والنصر إن شاء الله قادم
أخوك
عصام ميره

[ربيحة الرفاعي]

نص شعري جميل وموفق شاعرنا
بأداء عذب وانسياب جرسي مريح

أهلا بك في واحتك ايها الكريم

تحيتي

[عصام ميره]

نص شعري جميل وموفق شاعرنا
بأداء عذب وانسياب جرسي مريح

أهلا بك في واحتك ايها الكريم

تحيتي


شكرا لكِ أستاذتنا .. ربيحة الرفاعي ..
كلماتك أثلجت صدري .. وأراحت نفسي ..
أتمنى أن أكون دائما عند حسن الظن ..
دمتِ في رعاية الله ..

[محمد محمود محمد شعبان]

مرحبا أيها المضحك المبكي
نص فجر الكثير والكثير من القضايا
دمت بإبهارك لنا شاعرنا الفاضل

تحيتي



حمادة الشاعر
مشرف أدب العامية

[وليد عارف الرشيد]

نص جميل مطرب أبي يحمل المرء على ابتسامة لا تخلو من الحسرة على شعوب بلاها المولى بمثل هؤلاء يعيثون بمقدراتها فسادًا ولسنين طوال
بوركت شاعرنا المبدع ودام لك الألق
محبتي وتقديري