جلول بن يعيش
17-03-2012, 09:06 PM
قصيدة شعبية لتعرية القضية الفلسطينية بلهجة جزائرية
شوف ادوا للدا يا حكيم الطب
لعل الأمة تبرا من لضرار
ابلا ما راعا قال هادا حال العرب
رؤسا واملوك ما ليهم قرار
هوما مخلوعين وايخلعو فالشعب
وادواهم ماهوش وصفة من عقار
هاد الخلعة جاتنا من عند الغرب
هوما لينا قط واحنا ليهم فار
ساكن فيهم خوف ايخافو م لحرب
هادي ست اعقود ماخلفوش الثار
سوسة إسرائيل سبة هاد الكرب
قامت قام الذل او قام معاه العار
الحكام معا اعدوهم جنب لجنب
واغنمهم ترعا مع ثعلب مكار
حاكم تفرح ليه كي تشوفو يخطب
والتحت التحت ايديه في يد الكفار
حاكم قال انا مالياشي ذنب
راه الذنب اعلا اللي ساكن والجار
حاكم متردد ديما متهرب
ويندد م ابعيد فكو دا الحيصار
حاكم لا هي غير باموالو يحسب
خطرا اعلى خطرا يقيس لهم دينار
حاكم قال انا خارج من دا اللعب
انخاف الماريكان تحسبني مشرار
حاكم متفلسف حصلها فالغلب
تجيك الدبابة او ترميها باحجار
حاكم من بكري زاهد فالمطلب
قانع بامعيشه فأرض ابلا تحرار
حاكم هبهبهب هبهبهب هبهب
لا عبها عساس والسارق فالدار
يا حكام اخلاصنا من هاد الكذب
إيلا طال الليل لا بدا من انهار
ولا بدا يوصل اللي يمشي فالدرب
والخايب لا بد هايب م لخطار
واللي مايقدر انقول لو جرب
بالتجريب الناس تتخطى لوعار
يا صلاح الدين قلبي يتقطّب
إذا سولت اعلى اللي من بعدك صار
موج الفتنه هاج اوتاه المركب
راه لحد اليوم هامل في لبحار
اطمع فينا قرصان ناوي يتكسَب
واقصف مركبنا باقذايف من نار
يا صلاح اسنين واحنا نترقب
والمرسى مازال غايب ع لنظار
ما ينفع ابكا ولا ينفع اندب
او لا تنفع مشيا بترديد الشيعار
المركب راه ارشى اوحالو مايعجب
او ما شكيت ايعود سالم م لسفار
لقي يا مسمار راسك للمضرب
او لا تشكي يا لوح من جرح المنشار
السيف من الحشمة بغمدو متنقب
والعود بلا همة يرقص للزمار
فلسطين اخلاص فكري راه اتعب
واعجز عن توصيف صبرك ع لعسار
كي نتفكر ما جرا لك نتعذب
هم ايوعّي هم كي نسمع لخبار
جلول بن يعيش سرسب هاد السب
متمرد صعلوك من طبعو معيار
شربو يا حكام اوقولو هاد النخب
في خاطر اللي مشربنا لمرار
جلول بن يعيش
20 /06 2009
شوف ادوا للدا يا حكيم الطب
لعل الأمة تبرا من لضرار
ابلا ما راعا قال هادا حال العرب
رؤسا واملوك ما ليهم قرار
هوما مخلوعين وايخلعو فالشعب
وادواهم ماهوش وصفة من عقار
هاد الخلعة جاتنا من عند الغرب
هوما لينا قط واحنا ليهم فار
ساكن فيهم خوف ايخافو م لحرب
هادي ست اعقود ماخلفوش الثار
سوسة إسرائيل سبة هاد الكرب
قامت قام الذل او قام معاه العار
الحكام معا اعدوهم جنب لجنب
واغنمهم ترعا مع ثعلب مكار
حاكم تفرح ليه كي تشوفو يخطب
والتحت التحت ايديه في يد الكفار
حاكم قال انا مالياشي ذنب
راه الذنب اعلا اللي ساكن والجار
حاكم متردد ديما متهرب
ويندد م ابعيد فكو دا الحيصار
حاكم لا هي غير باموالو يحسب
خطرا اعلى خطرا يقيس لهم دينار
حاكم قال انا خارج من دا اللعب
انخاف الماريكان تحسبني مشرار
حاكم متفلسف حصلها فالغلب
تجيك الدبابة او ترميها باحجار
حاكم من بكري زاهد فالمطلب
قانع بامعيشه فأرض ابلا تحرار
حاكم هبهبهب هبهبهب هبهب
لا عبها عساس والسارق فالدار
يا حكام اخلاصنا من هاد الكذب
إيلا طال الليل لا بدا من انهار
ولا بدا يوصل اللي يمشي فالدرب
والخايب لا بد هايب م لخطار
واللي مايقدر انقول لو جرب
بالتجريب الناس تتخطى لوعار
يا صلاح الدين قلبي يتقطّب
إذا سولت اعلى اللي من بعدك صار
موج الفتنه هاج اوتاه المركب
راه لحد اليوم هامل في لبحار
اطمع فينا قرصان ناوي يتكسَب
واقصف مركبنا باقذايف من نار
يا صلاح اسنين واحنا نترقب
والمرسى مازال غايب ع لنظار
ما ينفع ابكا ولا ينفع اندب
او لا تنفع مشيا بترديد الشيعار
المركب راه ارشى اوحالو مايعجب
او ما شكيت ايعود سالم م لسفار
لقي يا مسمار راسك للمضرب
او لا تشكي يا لوح من جرح المنشار
السيف من الحشمة بغمدو متنقب
والعود بلا همة يرقص للزمار
فلسطين اخلاص فكري راه اتعب
واعجز عن توصيف صبرك ع لعسار
كي نتفكر ما جرا لك نتعذب
هم ايوعّي هم كي نسمع لخبار
جلول بن يعيش سرسب هاد السب
متمرد صعلوك من طبعو معيار
شربو يا حكام اوقولو هاد النخب
في خاطر اللي مشربنا لمرار
جلول بن يعيش
20 /06 2009