حد فاهم اى حاجه

[محسن البدراوى]

حد فاهم اى حاجه
ف اى حاجه
الحقيقه يابن عمى
تهنا ف سنين البلاده
وفرقونا وزوقونا
وعظمونا بالسذاجه
جهلونا ما علومونا
وداسو فوق راس ابونا
ونهبوا خيرنا ما ورثونا
والوسيه حكموها لحراميه
والاخوه تموت بقوه
ولو هتفنا بيجلدونا
فيه حقايق ...يكدبونا
طاب هنصرخ
لو صرخنا بيدبحونا
وف السجون بيعلقونا
لو طالبنا يهمشونا
لو ضحكنا يعيطونا
لو فرحنا يحزونونا
ونفسهم يامريكونا
بس ننسى الالتزام
زرعو حقد الدنيا بينا مفيش وءام
خلو كل حيتنا جرى ورا الرغيف
واللى صابر كان بيصبر بالحشيش
دسو سم الموت معتق
وبالنخاسه باعو لحمى بالرخيص
اصلهم استكتروها
نومتى عارى ع الرصيف
هما بدعو فينا فن
من السفاله
والتياسه
هما زرعو ارضى بسنين
النداله
باعو نهر النيل وخيروا
وشربونا مالزباله
لبسونا اللبس خيش
وعلمونا اللبس باله
والسياسه خط احمر
والكلام فيها استحاله
ضيعونا وضعنا بيهم
والصراحه معدش فاهم
اى حد ف اى حاجه

[آبو عمرو سليمان]

كلمات رائعة وأصابت الهدف --- شكراً أ /محسن مع خالص تقديرى

[الطنطاوي الحسيني]

قصيدة جميلة اخي المبدع
محسن البدراوي ولكن يبدو ان بها بعض لكنة صعيدية صحيح
قبل الثورة كان من يقول كلامك تعرف مصيره لكن الحمد لله على الثورة
اللهم اتممها لنا ولكل ثائر حق على خير امين
تحياتي وتقديري للابداع الجميل والغرض النبيل اخي محسن

[عايد راشد احمد]

السلام عليكم ورحمة الله

شاعرنا الكريم

قصيدة رائعه معني ومضمون

نص صور حالة كانت موجودة باقتدار

احسنت كثيرا

تقبل مروري وتحياتي

[محمد محمود محمد شعبان]

صدقا أنت رائع أخي / محسن
القصيدة فكرتها قوية ، والألفاظ خدمتها بكل إتقان
الوزن كسر في بعضها لكنه لم يفقدها رونقاه
دمت كما عهدناك
مودتي

[محسن البدراوى]

كلمات رائعة وأصابت الهدف --- شكراً أ /محسن مع خالص تقديرى


كل الشكر استاذى الفاضل
عطرت متصفحى المتواضع بمرورك
لا حرمنا طلتك
ورقيق شعورك
كن بالعلا دوما
وبالتوفيق

[محسن البدراوى]

قصيدة جميلة اخي المبدع
محسن البدراوي ولكن يبدو ان بها بعض لكنة صعيدية صحيح
قبل الثورة كان من يقول كلامك تعرف مصيره لكن الحمد لله على الثورة
اللهم اتممها لنا ولكل ثائر حق على خير امين
تحياتي وتقديري للابداع الجميل والغرض النبيل اخي محسن
استاذى القدير
سلام الله عليكم ورحمته وبركاته
اشكر لك جليل التواجد وحسن التشجيع والمرور
اما عن لكنتى الصعيد ففعلا تظهر دائما
عندما اكتب عن واقع او قضيه
وجدير بالذكر اننى كتب كلماتى رداً على قصيده للشاعر علاء البلتاجى
اسمحلى انقلها لسيادتكم لاننى معجب بكلماتها جدا

القصيده اسمها حد فاهم ايه العباره


الحكاية و الرواية
و القضيه و الجناية
مـ البداية للنهاية
مثبتة و بدون أدلة


القتيل هو اللي قاتل
و القضاء عادل مماطل
و اللي عاطل ع اللي باطل
و الفانلة في الجونلة
.
.
.
أهدوا بس استنوا بس ... واحدة واحدة يا ناس معايا
كل حاجة شايفها عكس ... كأني باصص في المراية


اليمين جه ع الشمال
و الحرام زي الحلال
و الجواب شبه السؤال
و اللي قدامي ورايا


أي حاجة في كل حاجة
سؤال خبيث مليان سذاجة
الفرخة اصلا فرخ بيضة ..؟
ولا البيضة من الدجاجـة !!!


.
.
.


حد فااهم فيكوا حاجة .. ؟؟؟


.
.
.



كل حاجه أهي واضحة اهية ... و اللي مش فاهم يقول
التحرير دول بلطجية .... و العباسية دول فلــول


ولو قعدت في بيتكوا بيه ... تبقي واطي و حزب كنبة
و اللي اخدوا هناك عينيه ... خد في اخر الفيلم بومبة
و اللي قال لي بتقول ايه ؟ اقول له اصبر راح تنـول


.
.
.


أقرا تاني و شوف كلامي
بس مش هذكر اسامي
مين شريف او مين حرامي !!!
كله شايف بس خايف


مين اللي باع لجيراننا غـاز
و مين سابوه يولع بجــاز
و مين اللي جاني و بردو فــاز
و الضحية قال له أسـف


و اللي مات يدفع غرامه
و اللي عاش يرجع لماما
بيتكوا بيتكوا مع السلامة
جتكوا داهية ده حالنا واقف


كل حاجة في كل حاجة
سؤال خبيث مليان سذاجة
الفرخة اصلا فرخ بيضة ..؟
ولا البيضة من الدجاجـة !!!


.
.
.


طب حد عنده سؤال في حاجة .. ؟؟؟


.
.
.


عااادي اسأل مهما تسأل
و الكلام عمال بيطول
انت لسه شوفت حاجة !!!
أهدي بس استني و أتقل


.
.
.



مين سرقها و جاب ضرفها ؟؟ ... و كان يقول لك في الصدارة !!
مين اللي سابها تموت بخوفها ؟ .... و لما ماتت قال خسارة !!


.
.
.


مين حرق كتب الحضارة ... ؟؟؟
و مين اللي راح عند الوزارة ؟؟؟
مين سرق ثورة شبابها ... !!!
و ضي عين احمد حرارة ... ؟


مين اللي سابنا نعيش في ضيقة ؟
و خمنا و لعب الضنيقة .... !!!
مين كشف اصل الحقيقة .. ؟
و مين كشف لحم العذاري ..؟


مين قتل خالد و مينا ... ؟
و مين اللي ماتوا هناك في سينا ؟؟؟
مين معانا و مين علينااا ... !!!!
و مين اللي داسوا علي النصاري ...؟


مين خربها سنين مداين ؟
مين اللي شافه و كان مماين ؟؟
مين اللي وطني و مين اللي خاين !!!
و مين فاكرنا ولاد حماارة ... ؟؟؟



.


.


.


حـد فاهم أي حاجة !!!
حد فاهم ايه العبارة !!!





اخيرا دام عطاءك ومرورك ونقائك
كن بالعلا دوما
وبالتوفيق

[محسن البدراوى]

السلام عليكم ورحمة الله

شاعرنا الكريم

قصيدة رائعه معني ومضمون

نص صور حالة كانت موجودة باقتدار

احسنت كثيرا

تقبل مروري وتحياتي

حقيقتا اخى الكريم تواجدك بصفحتى دائما منبع تشجيع
وعز وفخر
اشكرك بكل معانى الشكر
والحب والتقدير
اخ كريم واستاذ فاضل
ادام الله تواجدك
ولا حرمنا طلتك
كن فى رعاية الله وفضله
وبالتوفيق

[محسن البدراوى]

صدقا أنت رائع أخي / محسن
القصيدة فكرتها قوية ، والألفاظ خدمتها بكل إتقان
الوزن كسر في بعضها لكنه لم يفقدها رونقاه
دمت كما عهدناك
مودتي
غرد متصفحى ببهاء الالحان لتواجدك وحسن تشجيعك
اخى الكريم حماده كل الشكر والتقدير ووافر الاحترام لطلتكم الجلليله
وحسن توجيهك ورقيق احساسك
واحب ان انوه اننى هاوى للشعر ولست محترف كتابه اخى الكريم
ولاكننى اتمسك بكم اصدقاء واخوه تشدون على دفة كلمتى
واعلم نقاء ضمائركم
كل الحب
وتحياتى
تقبلنى صديق
وبالتوفيق:nj:

[نادية بوغرارة]

نسأل الله أن يكون كل هذا العنت و الظلم و القهر قد كنسته الثورة ،

و منحت للناس الأمل في غد مشرق حر .

الشاعر محسن البدراوي ،

دمتَ و شِعرك الجميل .

[ربيحة الرفاعي]

قصيدة جميلة بحسها وفكرتها ونصها الماتع
شكرا لهذا الهطول الكريم
وشكرا لنقل قصيدة الشاعر علاء بلتاجي

وأهلا بك شاعرنا في واحتك

تحاياي

[محسن البدراوى]

نسأل الله أن يكون كل هذا العنت و الظلم و القهر قد كنسته الثورة ،

و منحت للناس الأمل في غد مشرق حر .

الشاعر محسن البدراوي ،

دمتَ و شِعرك الجميل .


ما اخشاه ان تكون رياح التغير هبت عكس الاتجاه فعادت لنا بكل ذلك من جديد على ايدى الفلول ومدعى الثورية والنضال
شكرا لمرورك اختى الكريمه ولكلماتك الرقيقه هنا
تحيتى لك
وبالتوفيق

[محسن البدراوى]

قصيدة جميلة بحسها وفكرتها ونصها الماتع
شكرا لهذا الهطول الكريم
وشكرا لنقل قصيدة الشاعر علاء بلتاجي

وأهلا بك شاعرنا في واحتك

تحاياي

مرحباً بكِ دائما اختى الكريمه معطره متصفحى المتواضع بهالات النور
شكرا لكلماتك الراقيه
تحيتى لكى
وبالتوفيق

[فاتن دراوشة]

صدقت أخي ما من أحد يستطيع فهم وهضم ما يحدث

زوابع الحيرة تعصف بنا

ولا نملك إلاّ التخبّط والتعثّر في محاولة منّا للعثور على ذواتنا

دام جمال حرفك

مودّتي

[محسن البدراوى]

صدقت أخي ما من أحد يستطيع فهم وهضم ما يحدث

زوابع الحيرة تعصف بنا

ولا نملك إلاّ التخبّط والتعثّر في محاولة منّا للعثور على ذواتنا

دام جمال حرفك

مودّتي

اهلاً بكى اختى الكريمه
وبحضورك المعطر متصفحى بهالات النور
والحقيقه انا معدتش فاهم حاجه فى اى حاجه فعلا
حتى اننى تركت الكتابة الان بسب احساسى الكبير بالتشويش فى كل افكارى
لا املك سوى الدعاء لمصر وسائر بلاد المسلمين
وان يقنا الله شرور الفتن ماظهر منها وما بطن
تحيتى لك
وبالتوفيق