محمد محمود محمد شعبان
31-03-2012, 11:43 AM
قصيدة (( أُمْ ما تموتش أبدا )) ( بمناسبة يوم الأرض )
بقلم( محمد محمود شعبان ( حمادة ) ).
رجاء : إن تعذر الوزن ، أو اللهجة ، فاقرأ السطر كله دفعة واحدة .
.
أُمْ ما تموتش أبدا
وقفت عند القبر ، وهوَّه بـ * يفتح حنكه الضلمه ...، وشاورت
يعني : استَنَّا
قُمت وقفت ، وكنت هروح * بس الذكرى خيل وكَرِّت ..
قلت : استنَّا
يعني هتيجي من ساعه ، ما لسه * جُلْ ورود العمر ما فتحــــت ،
واهو قدامنا
حلفت : إن الفرقه كاس ، ومـر .. لازم كل حبيب هيدوقو ما فيه مفر
قام الصمت الساكن جوا * بدنها قام وهب :
رايــــــــح فيــــــــن
يعني هتمشي ، وناوي بجهلك * تدفن كل الحب ،
في دقيقتيـــن
ماشي وتحت مداسك زهرة * عمري بتشكي الرب ،
صبر سنين
إوعاك ناسي إني ( زكيبه ) و* عَبِّتْ همك .. ولا حسيت !
وان شبابك جَنْي شبابي و * حلو عذابي ، ولَّا نسيــــــت ؟
بقى أخرتها تسيبني ، وتمشي .. يعني الوصل كأنه ما كانشي
فاكر ـ يا ابني ـ إن إيديا * كانت عجازك وانت بتحبي
وان احضاني كانت كهف و * كنت بخوفك فيه متخبي
ولا كان قلبي يوم يتحمل * دمعه تفيض من عينك
كان يلحقها قبل ما تنزل * كده وتعكَّر يومـــــــــك
واشْرْب زي النحل ومص * رحيق العمر المر
واسقيك شهدي ، ولا بتحس * وهمي بيعصر عصر
بقى أخرتها تسيبني ، وتمشي * يعني الوصل كأنه ما كانشي
كان الضحك ستارة بتخفي * وراها البكا والنـــــوح
كان الدمع بحجة حصوة * في عيني رماها الريح
كنت بغني ( الآه ) من وجعي * عشان ماتحسش أبدا بيه
وافضل ألحن فيها وبادعي * إن حياتك تبقى هنيــــــــه
بقى أخرتها تسيبني وتمشي * يعني الوصل كأنه ما كانشي
يا ما بقلب الأم سألت : ـ و * ناسيا همومي ـ ربي اعطيــه
وكمان آخر ايامي طلبت : يـ * عجل يومي .. مني عافيــــه
أصل الحي بطبعه ثقيل * خاصة لو انه قعيد ، وعليل
فوق يا ضنايا للي مصاحبك .. بالتَّهْجيـــــص
من اللي مَركِّب وش حمامه و .. طبعه خسيس
يمشي معاك ، والجيب متموِّنْ .. بالتَّهْييـــــص
وبيتبخر وقت الشده .. شر جليـــــــــــــــــــس
صاحب كل مصلي وشهم .. عارف ربـــــــــه
زي التـَّل في وقت العاصفه .. صاحب صاحبه
ساند ظهرك .. شادد أزرك .. واصل برك
حافظ سرك .. بالع مرك
لِسَّاك برضو عايز تمشي * يعني الوصل كأنه ما كانشي
إوعاك تنسى اخواتك ـ يا ابني ـ * ظللوا بعض
كام سنه وانا في قلوبكم بابني * حسباه فرض
خد يا حبيبي بإيد اخواتك * واسعوا سويــــه
واعزقو طين الواقع فجأه و * صفوا النيـــــــه
وابذروا بذر الحُلم الوردي بـ * أرض عفيّــــه
وارووا عيدانه بنور الحِلْم و * همه قويـــــــــه
وابنوا طاحونة الخير فوق أرض النيل
علشان يسعى بخيرها كل أصيـــل
فلا يبقاش فيما بينكو عويل وعليل
ولا ترضوشي بغير الغالي * خلوا طموحكم ديما عالي
***
قولوا لشمس أمالكم : إوعي تغيبى في محطتنا
حلمنا سكة قطر وعماله تجري جوا قلوبنـــــا
عايز ـ يا ابني تسيبني وتمشي .. طيب امشي
بس كلامي خليه منك * زي الحلقه حبيبي في ودنك
وابقى اقرا لي الفاتحه ـ يا عمري ـ وادعي كتير
ولا تشكيش الفرقه ـ يا عيني ـ وابقى كبيــــــــــر
ومتبكيش .. وانسى همومك يا ابني .. ، وعيش
واقـْفِلْ بابي وسكَّرُه يالله * وافتح بابك كلَّه على الله
ها ..
شيفاك لسه عايز تمشي .. هييييه
طيب امشي
وانا يا حبيبي ، راح افضل جنبك .. باقيه كضلك
مش راح أمشي
مش راح أمشي
===========================
تمت بحمد الله ، والله من وراء القصد
مصر الزقازيق ـ محافظة الشرقية ـ
تحريرا في / السبت (31 – 3 – 2012 )
بقلم( محمد محمود شعبان ( حمادة ) ).
رجاء : إن تعذر الوزن ، أو اللهجة ، فاقرأ السطر كله دفعة واحدة .
.
أُمْ ما تموتش أبدا
وقفت عند القبر ، وهوَّه بـ * يفتح حنكه الضلمه ...، وشاورت
يعني : استَنَّا
قُمت وقفت ، وكنت هروح * بس الذكرى خيل وكَرِّت ..
قلت : استنَّا
يعني هتيجي من ساعه ، ما لسه * جُلْ ورود العمر ما فتحــــت ،
واهو قدامنا
حلفت : إن الفرقه كاس ، ومـر .. لازم كل حبيب هيدوقو ما فيه مفر
قام الصمت الساكن جوا * بدنها قام وهب :
رايــــــــح فيــــــــن
يعني هتمشي ، وناوي بجهلك * تدفن كل الحب ،
في دقيقتيـــن
ماشي وتحت مداسك زهرة * عمري بتشكي الرب ،
صبر سنين
إوعاك ناسي إني ( زكيبه ) و* عَبِّتْ همك .. ولا حسيت !
وان شبابك جَنْي شبابي و * حلو عذابي ، ولَّا نسيــــــت ؟
بقى أخرتها تسيبني ، وتمشي .. يعني الوصل كأنه ما كانشي
فاكر ـ يا ابني ـ إن إيديا * كانت عجازك وانت بتحبي
وان احضاني كانت كهف و * كنت بخوفك فيه متخبي
ولا كان قلبي يوم يتحمل * دمعه تفيض من عينك
كان يلحقها قبل ما تنزل * كده وتعكَّر يومـــــــــك
واشْرْب زي النحل ومص * رحيق العمر المر
واسقيك شهدي ، ولا بتحس * وهمي بيعصر عصر
بقى أخرتها تسيبني ، وتمشي * يعني الوصل كأنه ما كانشي
كان الضحك ستارة بتخفي * وراها البكا والنـــــوح
كان الدمع بحجة حصوة * في عيني رماها الريح
كنت بغني ( الآه ) من وجعي * عشان ماتحسش أبدا بيه
وافضل ألحن فيها وبادعي * إن حياتك تبقى هنيــــــــه
بقى أخرتها تسيبني وتمشي * يعني الوصل كأنه ما كانشي
يا ما بقلب الأم سألت : ـ و * ناسيا همومي ـ ربي اعطيــه
وكمان آخر ايامي طلبت : يـ * عجل يومي .. مني عافيــــه
أصل الحي بطبعه ثقيل * خاصة لو انه قعيد ، وعليل
فوق يا ضنايا للي مصاحبك .. بالتَّهْجيـــــص
من اللي مَركِّب وش حمامه و .. طبعه خسيس
يمشي معاك ، والجيب متموِّنْ .. بالتَّهْييـــــص
وبيتبخر وقت الشده .. شر جليـــــــــــــــــــس
صاحب كل مصلي وشهم .. عارف ربـــــــــه
زي التـَّل في وقت العاصفه .. صاحب صاحبه
ساند ظهرك .. شادد أزرك .. واصل برك
حافظ سرك .. بالع مرك
لِسَّاك برضو عايز تمشي * يعني الوصل كأنه ما كانشي
إوعاك تنسى اخواتك ـ يا ابني ـ * ظللوا بعض
كام سنه وانا في قلوبكم بابني * حسباه فرض
خد يا حبيبي بإيد اخواتك * واسعوا سويــــه
واعزقو طين الواقع فجأه و * صفوا النيـــــــه
وابذروا بذر الحُلم الوردي بـ * أرض عفيّــــه
وارووا عيدانه بنور الحِلْم و * همه قويـــــــــه
وابنوا طاحونة الخير فوق أرض النيل
علشان يسعى بخيرها كل أصيـــل
فلا يبقاش فيما بينكو عويل وعليل
ولا ترضوشي بغير الغالي * خلوا طموحكم ديما عالي
***
قولوا لشمس أمالكم : إوعي تغيبى في محطتنا
حلمنا سكة قطر وعماله تجري جوا قلوبنـــــا
عايز ـ يا ابني تسيبني وتمشي .. طيب امشي
بس كلامي خليه منك * زي الحلقه حبيبي في ودنك
وابقى اقرا لي الفاتحه ـ يا عمري ـ وادعي كتير
ولا تشكيش الفرقه ـ يا عيني ـ وابقى كبيــــــــــر
ومتبكيش .. وانسى همومك يا ابني .. ، وعيش
واقـْفِلْ بابي وسكَّرُه يالله * وافتح بابك كلَّه على الله
ها ..
شيفاك لسه عايز تمشي .. هييييه
طيب امشي
وانا يا حبيبي ، راح افضل جنبك .. باقيه كضلك
مش راح أمشي
مش راح أمشي
===========================
تمت بحمد الله ، والله من وراء القصد
مصر الزقازيق ـ محافظة الشرقية ـ
تحريرا في / السبت (31 – 3 – 2012 )