جلول بن يعيش
19-04-2012, 11:33 AM
تبّيب اغريب يالبيب لا تسال منين
اهجر وارجع للوطن بعدمّا غاب
ماظنيتوشي يخيب وارجع مسكين
يحشم من سايلو معاه آش اللي جاب
كيفمّا راح جا سليب خاوي ليدين
ضيع كسبو في محبّة موكة واغراب
جاني باهمومو شحيب ذابل واحزين
سوّلني قال دي مسالة باغية لجواب
أنطق إذا انت اخطيب فاهم وافطين
بيّن ليا كيف نعرف خيرة لصحاب
جاوبت اوقلت ياطليب حلّ الودنين
واسمع مني ذي وصاية ماهيش اعتاب:
********************************************
هاد الدنيا واعرة كي تتعكس
تتحزم واتدير لعود المحنة فاس
تضحك ليك اليوم واغدا تتعبس
لا تامن ضحكاتها واكرد الساس
كم من فيها كان زاهي متونس
متمتع بايامها مهني لاباس
لهّاتو وانهار جاتو تتلمّس
وادحاتو في واد م الزلط او لفلاس
خوذ اوصيّة سيح فالأرض او حوّس
وارقد رقدة ذيب إذا جاك انعاس
اترك اعيوب الناس وتلهى بالنفس
من حكّ الفضة اتولي ليه انحاس
حاذر من لصحاب من هو متجسس
اوبعيوبك تلقاه فالقعدة ونّاس
او خيّر من لصحاب من هو متمرّس
واقف فالشدة كي عود القنطاس
ازمانك شيخ اشيوخ بامحانو تدرس
ما بغا فيك اقلم ولا يحتج قرطاس
كونك ليه افطين نابه متفرّس
ومن بين آلف حوّاق ميّز الفرطاس
ياسر من يبغيك إذا عندك فلس
سنو تضحك ليك أو قلبوا دساس
لمّا يطمع فيك ايجيك امطوبس
بامديحو وادعاه يصنع ليك الباس
فمّو يحلف ليك وايمينو تخمس
حتى تامن فيه وتعدّو ثرّاس
يدّي وايلا راح في دارو يغمس
او بمبعد اينسّيك حتى تقطع ليّاس
مول الحكمة قال تحصد ما تغرس
ويا فاهم معناه وجد للتكداس
**************************************************
يا صا حب هاه لا تصاحب من هو مكار
ولا بغيت انقاك لا تجالس نفّاخ الكير
غدوا لا فرغو جيابك يصبح نكّار
يتشفى فيك ما يشفّو حالك لعسير
بلاك اتقول لو اصحيبي راني مضرار
خفف اعليّ اهمومي خويا لعشير
لا جاد ايروح للجمايع يفضح لسرار
أيمنّ اعليك ما عطا لك وتعاف الخير
اعمى لقلوب آش جابو لعمى لبصار
من قلبو حي دون عينين تلقاه ابصير
ربيّ نقّي لي اقليبي من كل اكدار
واقلوب السّامعين كامل واشفي الضرير
اللهم اصلّي على نبينا ساطع لنوار
بعداد انجوم واكواكب من دون احصير
واعداد اقطور السحايب واعداد ازهار
واعداد اللي بكرش زاحف وارجل ايسير
واعداد الحوت لمشتت في كل ابحار
واعداد ارمال فالصحاري ومن ليه ازفير
واعلى آله واصحابو دوك الأبرار
علي عثمان بوبكّر وغيرهم اكثير
مهاجرين في دعوتوا امع الأنصار
والتابعين كلّ واحد اجزاه اوفير
وجلول بن يعيش ناظم هاد الأشعار
اغفر لو يالله ذنبو او قيه اعثير
واغفر للمومنين كامل أيا غفار
جود اعلينا يالواحد بحساب ايسير
واسترنا م اعيوب فينا أيا ستار
وارحم لموات فالمدينة بجاه البشير
اهجر وارجع للوطن بعدمّا غاب
ماظنيتوشي يخيب وارجع مسكين
يحشم من سايلو معاه آش اللي جاب
كيفمّا راح جا سليب خاوي ليدين
ضيع كسبو في محبّة موكة واغراب
جاني باهمومو شحيب ذابل واحزين
سوّلني قال دي مسالة باغية لجواب
أنطق إذا انت اخطيب فاهم وافطين
بيّن ليا كيف نعرف خيرة لصحاب
جاوبت اوقلت ياطليب حلّ الودنين
واسمع مني ذي وصاية ماهيش اعتاب:
********************************************
هاد الدنيا واعرة كي تتعكس
تتحزم واتدير لعود المحنة فاس
تضحك ليك اليوم واغدا تتعبس
لا تامن ضحكاتها واكرد الساس
كم من فيها كان زاهي متونس
متمتع بايامها مهني لاباس
لهّاتو وانهار جاتو تتلمّس
وادحاتو في واد م الزلط او لفلاس
خوذ اوصيّة سيح فالأرض او حوّس
وارقد رقدة ذيب إذا جاك انعاس
اترك اعيوب الناس وتلهى بالنفس
من حكّ الفضة اتولي ليه انحاس
حاذر من لصحاب من هو متجسس
اوبعيوبك تلقاه فالقعدة ونّاس
او خيّر من لصحاب من هو متمرّس
واقف فالشدة كي عود القنطاس
ازمانك شيخ اشيوخ بامحانو تدرس
ما بغا فيك اقلم ولا يحتج قرطاس
كونك ليه افطين نابه متفرّس
ومن بين آلف حوّاق ميّز الفرطاس
ياسر من يبغيك إذا عندك فلس
سنو تضحك ليك أو قلبوا دساس
لمّا يطمع فيك ايجيك امطوبس
بامديحو وادعاه يصنع ليك الباس
فمّو يحلف ليك وايمينو تخمس
حتى تامن فيه وتعدّو ثرّاس
يدّي وايلا راح في دارو يغمس
او بمبعد اينسّيك حتى تقطع ليّاس
مول الحكمة قال تحصد ما تغرس
ويا فاهم معناه وجد للتكداس
**************************************************
يا صا حب هاه لا تصاحب من هو مكار
ولا بغيت انقاك لا تجالس نفّاخ الكير
غدوا لا فرغو جيابك يصبح نكّار
يتشفى فيك ما يشفّو حالك لعسير
بلاك اتقول لو اصحيبي راني مضرار
خفف اعليّ اهمومي خويا لعشير
لا جاد ايروح للجمايع يفضح لسرار
أيمنّ اعليك ما عطا لك وتعاف الخير
اعمى لقلوب آش جابو لعمى لبصار
من قلبو حي دون عينين تلقاه ابصير
ربيّ نقّي لي اقليبي من كل اكدار
واقلوب السّامعين كامل واشفي الضرير
اللهم اصلّي على نبينا ساطع لنوار
بعداد انجوم واكواكب من دون احصير
واعداد اقطور السحايب واعداد ازهار
واعداد اللي بكرش زاحف وارجل ايسير
واعداد الحوت لمشتت في كل ابحار
واعداد ارمال فالصحاري ومن ليه ازفير
واعلى آله واصحابو دوك الأبرار
علي عثمان بوبكّر وغيرهم اكثير
مهاجرين في دعوتوا امع الأنصار
والتابعين كلّ واحد اجزاه اوفير
وجلول بن يعيش ناظم هاد الأشعار
اغفر لو يالله ذنبو او قيه اعثير
واغفر للمومنين كامل أيا غفار
جود اعلينا يالواحد بحساب ايسير
واسترنا م اعيوب فينا أيا ستار
وارحم لموات فالمدينة بجاه البشير