نكته دخلت الكونجرس ليه؟

[لحظة صدق]

نكته

نكته دخلت الكونجرس ليه؟
نكته سياسيه



ماشيه فى الشارع بتعيط ليه؟
واحد ضحك عليها





نكته محكوم عليها بالاعدام ليه؟
موتت واحد من الضحك




نكته بتمشى لوحدها ومحدش بيكلمها او يسلم عليها ليه؟
نكته بايخة





نكته هدومها عليها تراب ليه؟
نكته قديمه





نكته خطابها كتير ليه؟
نكته حلوه





نكته ملفوفه بورق سولفان ليه؟
نكته جديده





نكته واقفه على الباب ليه؟
نكته خارجه





نكته ضربت واحد قاعد على القهوه ليه؟
بيقول على نفسه ابن نكته, ولا هى امه ولا تعرفه





نكته كل الناس بتخاف تكلمها ليه؟
نكته قبيحه





نكته صابغه شعرها اصفر فى اخضر ليه؟
نكته روشه





نكته بتوطى وهى داخله من الباب ليه؟
نكته طويله





نكته بتخبط على الباب مرتين ليه؟
نكته مؤدبه





نكته ماشيه على الرصيف وماسكه سيجاره ليه؟
بتدور على حد يضحك عليها





مهــــــــــــا

[د.جمال مرسي]

اضحك الله سنك يا دكتوره

ضحكت مت هذه النكت كثيراً

و بمناسبة النكت :

بيقولك واحد بلدياتنا لقوا ودانة الأتنين محروقين .

سألوه : ودنك اليمين محروقه من ايه يا محمدين

قال لهم ( و هو ماسك المكواه التي يكوي بها جلبابه ) : أصل حسنين اتصل عليا .

قالوا له : طيب دي اليمين .. امال الشمال محروقة ليه هي كمان ؟

قال لهم : اصله اتصل مرة تانية ... هههههههههههه

تمنياتي بالسعادة و التوفيق و رمضان كريم

د. جمال

[لحظة صدق]

اضحك الله سنك يا دكتور

طيب اسمع دى يا دكتور جمال

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس بوش خطفوه و الفدية 5$ مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

دخلت بطة البقال وسألت البائع: عندكم عنب فرد لا ما عندناش فطلعت البطة من المحل ...في اليوم الثاني رجعت البطة البقال مرة ثانية وسألت عندكم عنب قال لها لأ ما عندناش فطلعت البطة من المحل ...في اليوم اللي بعده رجعت البطة البقال وسألت البائع عندكم عنب فصرخ عليها لا انتي جيتي قلت لك في كل مرة جيتي فيها ما عندناش والله إن جيتي مرة ثانية وسألتي عن عنب راح اثبت رجلك المسطحة في الارض بمسامير فاهمة ؟
في اليوم الرابع رجعت البطة البقال وسألت البائع عندك مسامير فرد عليها لأ ما عندناش ...فقالت البطة طيب عندكم عنب


صعيدى أخذ شهادة دكتوراه فقال لزوجته والله ماخبرشى ليه
الناس بيحكوا على الصعايدة أدينى جبت الدكتوراه. فقالت
له زوجته: دق على الخشب لا تصيب حالك بالعين. فدق على
الخشب. فقالت الزوجه مين على الباب؟ فقال الزوج: خليكي


مين انا بشوف

[ماما زوزو]

هههههههههههههههههههههههه
هههههههههههههههههههه
اضحك الله سنكم
لحظة صدق
د/ جمال
سلمت يدكم وكل عام وانتم بخير...
http://smilies.sofrayt.com/1/sg/just%20for%20you.gifhttp://smilies.sofrayt.com/1/sg/just%20for%20you.gif[Automated by GetSmile]

[محمد شعبان الموجي]

سألوا الريس : انت الأفضل ولا عبد الناصر .. قال لهم أنا الأفضل طبعا لأن عبد الناصر كان بيخاف من الأمريكان وانا لا .. قالوا له طيب انت الأفضل ولا السادات .. قال لهم أنا الأفضل طبعا لأن السادات كان بيخاف من الروس وأنا لا .. قالوا له طيب انت افضل ولا عمر بن الخطاب .. قال لهم أنا الأفضل طبعا .. لأن عمر كان بيخاف من ربنا وأنا لا .

[محمد شعبان الموجي]

قالوا لـ ( أبو العربي ) : إلحق مراتك ماشيه مع مصطفى الكهربائي .. قال لهم ..دا ولا كهربائي ولا يفهم فى الكهربا .

[د. محمد صنديد]

طلبت زوجة لحام (قصاب) منه أن يغني لها أغنية....فما كان منه إلا أن غنى لها:

"أنا ليك و إنت ليّه...."