الكلام الغالي

[اشرف تاج الدين]

اسمع مني كلام بفلوس

وزن وقافية ومش تحابيش

اللي نصاص قامت يا ولادنا

والكاملين بقيوا الحرافيش

قلنا زمان كلنا ايد واحدة

شعب وشرطة معاهم جيش

قاموا قلبونا علي بعضينا

وضاع الملح وضاع العيش

يلي بترمي الناس بالباطل

روح أ تأكد ما تهويش

حركة ستة ويا كفاية

ابطال ثورة مش تهويش

قاموا بثورة قبل الثورة

قالوا حرية وغيرها مفيش

بقلمي القاهرة في 18/3/2012
الشريف الهمامي
اشرف تاج الدين

[محمد محمود محمد شعبان]

السلام عليكم ورحمة الله وبركاته
أخي / أشرف تاج الدين
تعجبني نصوصك دائما يارجل
وفعلا تعبت النفوس كثيرا من الـتأليب والانشقاقات
نصك يحمل الفكرة ، ويعرض المشكلة ، والحل ـ حقا كما
ذكرت أنت في اتحادنا وعدم انسياقنا خلف أهوائنا وعدم التحيز
لفريق على حساب آخر .
دمت أخي ودام حسك الوطني
مودتي والمحبة .
بالمناسبة أخي / أشرف
صفحة النقد بالأعلى تنتظرك بآراءك المستنيرة الواعية
لا تتأخر علينا بالله عليك .

حمادة

[محمد عبد القادر]

طبعا مفيش كلام بعد كلامك يا شاعر
قام بالثورة شباب كتير
منهم شباب 6 أبريل
و شباب حركة كفاية
اللى هما شباب مصر يعنى
لكن دا بردو ميمنعش إن فترة الشباب
هى فترة ( مسيََّسة ) فى غالبها
خاصة فى ظل اللى الدولة عودت عليه الشباب فى الفترة البائدة/المستمرة
و عشان كده لما ننظر للأمور
بنشوف الروس الكبيرة
" و ليس كل من قام بالثورة
كانت أهدافهم نبيلة :) "
تحياتى ليك و للنص
و
إلى لقاء

[الطنطاوي الحسيني]

كلام جميل وقصيدة مفيدة
تخرجنا من موضوع التخوين
لكن في ستة ابريل بالذات فريقان الاقرب للثورة معروف والابعد مكشوف
بالنسبة لكفاية فقدت زخمها بعد الثورة بدرجة كبيرة وان كان شبابها من الثوار فعلا لأنها كان معظمها من القوى الثورية المختلفة
والتي انفصلت عنها فيما بعد واكبرها الاخوان المسلمون
لكن بدأت اخيرا ببعض الفعاليات
اعتذر للتعريج وقصيدة بروح الوحدة
تقبل تحياتي لغيرتك على الثورة

[اشرف تاج الدين]

وعليكم السلام ورحمة الله وبركاته
وصلاة وسلاما علي المحمدا في الارض ومحمود في السماء
استاذي
الحبيب /محمد محمود
والنصوص تحب قربك منها
قالت لي هكذا
هناك نفوس خبثة تسعي للتأليب والانشقاقات حتي ان اهل الاسرة الواحدة
باتوا منشقين علي بعضهم
تقول البرادعي رجل قدير محترم
يقولوا لك وماله عمر سليمان ولا شفيق ولا موسي
الناس دي وطنية والبرادعي باع العراق

عموما (سيعلم الذين ظلموا اي منقلب ينقلبون)
النص فتح من الله
والفكرة وطرحها والحل مجرد اجتهادات
صغير انا علي النقد يا استاذ
وارهقني البحث عن تلك الصفحة ... دلني

قطعا لن اتأخر
كل الحب والاعزاز لاستاذنا محمد محمود
اشكرك

[اشرف تاج الدين]

كلامي كله اجتهادات شخصية فردية

لكن مفيش كلام بعد كلام الاستاذة الكبار

استاذي / محمد عبد القادر

قام بالثورة شباب كنا نصفهم بالمستهترين
وكنت اصفهم بأصحاب البنطلونات الساقطة
ولكنهم فعلوا معجزات ما كان لابطال اكتوبر ان يفعلوها
فقط لانهم خلعوا اكبرطاغية قذر عرفه التاريخ بعد فرعون موسي
كل الشباب الذين قاموا بالثورة ومعهم رموز كبار كلهم احرار اطهار
ولكن كان .. هناك متسلقين نعرفهم ومن خفي منهم عرفناه
حتي اذا اتينا عليهم سحقناهم جميعا فقط نتحلي بالصبر

اشكر استاذي محمد عبد القادر وتحياتي وزيادة لتعقيبه وتحليله

[اشرف تاج الدين]

كلام جميل وقصيده مفيدة

طيب .. خاتم شعار اعتماد للكلمات

اختلف قليلا مع استاذي 6 ابريل حركة ثورية نقية خالصة من الشوائب كيف ؟
هم اكبر من ان يتسلق عليهم منتفعون او خونة
من روج لهذا ماكر خبيث بس علي نفسه لانه لايحيق المكر السيء الا باهله

سامح الله الاخوان خذلونا
ملحوظة : انا لا اخواني ولا سلفي ولا صوفي انما انا كلهم فانا اكره التصنيف
ولا انتمي الي اي حزب او جماعة

الاساتذة لا يعتذرون
يقولون ونسمع ونفهم ونعي

الطنطاوي الحسيني
اشكرك يا كبير
وكنت انتظرك بلهفة وجئت ففرحت وأطمأننت اني اكتب كلمات تقرأ

[آمال المصري]

كلام بقدر بالذهب وليس بالفلوس شاعرنا الفاضل
أولا الكمال لله وحده
واللي كنا شايفينهم كاملين عملوا إيه للبلد ؟ والنصاص نتوسم فيهم الخير وليكن وداعا لعهد الحرافيش
متألق بنصك الثائر ونبضك القوي
تحاياي

[محمد حسن النادي]

هذا حرفٌ يستحق الإحترام
أتابع إن شاء الله فأسعد بوجودي هنا
فقط أحسست أنه كان من الممكن أن لم ينتهي سريعاً

[وليد عارف الرشيد]

حفظ الله مصر وثورتها المباركة
قصيدة جميلة وأبية واجمل ما فيها أنها استجلبت هذه التعليقات النافعة الماتعة من الأدباء الأكارم
محبتي وكثير تقديري شاعرنا الجميل

[ربيحة الرفاعي]

بارك الله للشعب المصري بثورته وحصادها، وأعانهم على بناء وحدة تكيد العادي وتحبط مساعيه لتمزريقها

قصيدة جميلة بجرس عذب منساب

أهلا بك شارعنا في واحتك

تحاياي