قصيدة : جوازة و جنازة

[د هاني ابوالفتوح]

جوازة و جنازة
عروسة زي العسل
واللي بيفهم مين
واقفة بخيبة أمل
محتارة بين إتنين
عريس ببدلة عسكر
وعريس لمدنيين
....................
يوم الجواز كان خناق
وشعب اتقسم نصين
اللي يقول تزوير
والدفع بالملايين
و صوتوا أموات
و أحياء لصوتها أنين
اتقسمت الأصوات
والدمع مالي العين
..................
وأهو خلصت الزفة
وخلصت العَرْكة
وكل واحد يقول
أنا فزت بالبركة
واللي يقول طاهر
ومصلي في مكة
واللي يقول كافر
أو عضو في حركة
.................
زدنا في هم العروسة
وزدنا في همومنا
لخدنا يوم خطوة
وجراحنا أدامنا
قتلنا فيها الفرح
وقتلنا أحلامنا
...................
الشعب آخر لذاذة
بيغني للمتاعيس
مبروك عليك الجوازة
ألفين مبروك للعريس
نستنى يوم الجنازة
وهو ميت فطيس
وعروسته واقفة تزغرط
متكلبشه ببوليس
....................
عروسة عالحزن واخدة
وواخدة معاها الهموم
تشوفها في الفجر ساجدة
والصبح شاقة الهدوم
بتقول يا عاشق في ملكي
الملك لمين كان يدوم
لو فاكر الحكم جنة
شوف السما والغيوم
العبرة عندك في سجن
وملوك و في القبر كوم
شعر د هاني أبوالفتوح
الثلاثاء 19 يونية 2012

[محمد محمود محمد شعبان]

أهلا دكتور / هاني
( العروسة ) ما زالت محيرة ؟
الفرج قريب إن شاء الله
تحية لتفاعلك المستمر ، ولفكرك المميز


حمادة الشاعر
مشرف عامية

[ربيحة الرفاعي]

اللهم لا حول ولا قوة إلا بك
فيم هذا التشاؤم د. هاني
زفت البهية للمجد، وأنجزت بحمد الله ما سيذكره التاريخ بحروف من نور
وحمل الأمانة من نظنه أهلا لها فيما يبدو لنا من حاله والله بنا وبه أعلم

نسال الله أن يعينه على أن يبلغ بحلم الأمة شواطيء الأمان، وأن يكفيه ومصر وأهلها شر الخونة وعملاء الشيطان

تحاياي

[آمال المصري]

مع أنه إن جاءكم من ترضون دينه فزوجوه
بدلا من ذلك بهدلوه
له الله ولمصر وشعبها
بوركت شاعرنا الفاضل
ومرحبا بك في واحتك
تحاياي

[فاتن دراوشة]

كثيرة هي الزيجات التي انقلبت إلى جنائز نتيجة تعنّت البشر وإصرارهم على نيل ما يبغونه بالقوّة

حين نستبدل ألسنتنا بالسّلاح يغدو الكون غابة كبيرة شاسعة ونغدو حيوانات مفترسة متعطّشة للدماء

دام حرفك صرخة تهدف التّغيير مبدعنا

مودّتي

[عايد راشد احمد]

السلام عليم ورحمة الله

شاعرنا الجليل

ومازل السلس مستمر والعرس علي حاله لم يتغير

اسعدني ان اكون هنا

تقبل مروري وتحيتي