علمونا إزاي نخاف /محمد الخولي

[محمد الخولي]

علمونا
إزاي نخاف
ويموت معاناحلمنا
علمونا
وفي المدارس درسونا
إن السكات أمر جاي من ربنا
أخدو البطل
مشوار بعيد
راجع جبان مش زينا
حابس جروحه
جوا روحه
وعنيه بتهرب منننا
والنيل بيبكي
كل يوم
في كل بيت
من حينا
يمسح
دموع التعبنين
والمحتاجين
من شعبنا
قسم رغيف العيش علينا كلنا
لملم دموع الأرملة
من فوق رصيف
وبنت حلوة صغيرة
نامت باحضان المزابل
تحت كوبري
في ليل مخيف
والتانيه باعت عرضها
عشان رغيف
واخويا مات من غير دوا
لانه حبك وانكوى
مبعشي أرضه ومات شريف
لأنه كان راجل نضيف
صوت الجوامع والجرس
أجمل نغم
لو يسألوني تحب حنا
واخوك ملاك طبعا نعم
الدين لربك
والوطن للمسلمين
وللنصارى الطيبين
واللي تولد
فيك وعشق
نيلك وأرضك والسما
ويا السنين
ياللي انت تعرف ربنا
وتحب دينك زينا
حرقت ليه بيت ربنا
وكسرت أضرحة المقام
الشخص ده مش مننا
ومنعرفوش
انتو مين انتو شلة حاقدين
انتو شلة فاسدين
انتو ليكو الف وش
والف مله
والف عله
والف دين
انتو اللي خنتو المصطفى
وبعتو الحسين
لما كان الشيخ يصلي
لربنا في قلب الميدان
مين اللي كان
يحمي
ظهور المسلمين
التتر ولا اليهود والامريكان
ولا المجوس والتركمان
اللي كان
يحمي ظهور المسلمين
النصارى الطيبين
مصر الحبيبة الطيبة
دمعة عينيها قريبة
عاشت كتير متغربة
عاشت معانا ف دمنا
وف حلمنا
شالت كتير من همنا
وحببتنا ف بعضنا
كتبت على جبين الهرم
ان التسامح شرعنا
شعر محمد الخولي

[آمال المصري]

والحمد لله تغيرت المناهج وتم حذف ماعلمونا من خوف وأثبتنا للعالم كله أننا استوعبنا الدرس
كان قاسيا نعم ... ولكن خرجنا أشد قوة وأقوى عزيمة بتوحد الهلال مع الصليب في مواجهة الغدر
أسعدتني هذا الصباح رائعتك شاعرنا المكرم
وأستأذن مشرفي القسم بتثبيتها
لروعتها ولما تحمل من غرض نبيل
دام ألقك
ومرحبا بك في واحتك
تحاياي

[محمد محمود محمد شعبان]

الرائع / محمد الخولي
بورك قصدك وقصيدك أخي الحبيب
والتغيير سنة الحياة ، ودوام الحال من المحال .
راقني نصك ، فلك جزيل الشكر
والشكر موصول للقديرة / آمال المصري
أن رفعت تلك الرائعة حيث تستحق

تحيتي


حمادة الشاعر
مشرف عامية

[ربيحة الرفاعي]

مصر الحبيبة الطيبة
دمعة عينيها قريبة
عاشت كتير متغربة
عاشت معانا ف دمنا
وف حلمنا
شالت كتير من همنا
وحببتنا ف بعضنا
كتبت على جبين الهرم
ان التسامح شرعنا


ما من مطية تحمل الحاقدين والطامعين إلى غرفة التحكم بمصير الأمة من فرقة أبنائها
ولم تعرف مصر شعبا مفككا كالذي يحاول الاستعاري غرسه بتجنيد الكلاب المأجورين من كل فصيل للإساءة للآخر استفزازا وخلقا للفتنة

وتبقى بأحراها عصية على التمزيق

شكرا للنص الشعري الطيب

تحاياي

[محسن البدراوى]

الله الله رائعه
اعجبتنى كثيرا الفكرا وترابط النص والمضمون
كلماتك سلسه تحمل من الجمال والشعور كل معانى حب الوطن والغيره عليه
تحيتى ايها القدير
اسجل اعجابى
وبالتوفيق