أنا أسفة

[وليد جوده]

على لسانها
تقول : " أسفة
أنا مملكش غير قلبى
ومش ناوية أبيعه لحد
وأنا وبجد ...
حبيتك
لكن خايفة
وشايفة السكة مسدودة
بمليون سد
ومتقوليش أنا جنبك
هنقدر نقتل الأحزان
وهنكسّـ ـ ـر جدار الخوف
أنااااا آسفة
أنا مش قد أحلامك
ومش هقدر أطير وياك
وأنا جناحى جبان وضعيف
أناااا آسفة
أنا مش حمْل أى ظروف
تمّوت فيا أحلامى
تمّوتنى
أنا مش عايزة أجى فى يوم وأتندم
وأقول من حزنى يااااا ريتنى
يا ريتنى ما سبت لك قلبى
وياريتنى
يا ريتنى ما كنت حبيتك
ولا أنت كنت حبتنى
أناااا آسفة
أنا مش قد قولة آه
ومش عايزة أشوف نفسى
حبيبة حد بتمناه
وهو عذابى أو فرحى
ميفرقشى ف حاجة معاه
أناااا آسفة
أنا عشقاك
ولكن من بعيد لبعيد
وبتمنى أعيش وياك
لكن خايفة صيامى يطول
وميجيش عيد
أناااا آسفة
أنا خايفة لنارى تزيد
ومعرفشى أطفيها
أنا مش قد دمعة حزن تجرحنى
ومقدرشى أخبيها
أناااا آسفة
أنا خايفة لموصلشى فى ليلة لبر
أنا قلبى ميقدرشى يعيش غير حر
أنا خايفة معاك لأتغــر
وأطير على فوق
توصلنى السما السابعة
وفجأة أفوق
وألاقينى ف سابع أرض
أناااا آسفة
أنا قررت ...
أقيم الحد على قلبى
وأقتل فيا كلمة شوق
أناااا آسفة
أنا قررت إنى أفوق
وما أرجعشى
فسامحنى وما تزعلشى
ومتندهشى عليا فـ يوم
ولُوم الدنيا
لُوم نفسك
وما تلومنيش
أنا كان نفسى والله ف حضنك أعيش
لكن أنت اللى خليتنى ...
أخاف منك
بتحكيلى عن اللى كانوا من قبلى
وتكتبلى قصايد شعر مش فيا
وبتقول إنها ليا
وتبقى معايا ولسانك ...
بينده اسمها هيّ
وتقول : أسف
متتأسفش
أنا قررت ما أرجعشى
ولا هقبل أسفْ تانى "

على لسانى أقول : أسف
وأقوم وأمشى
فلاقيها ...
بتندهلى
وتجرى ورايا تلحقنى
وترمى حضنها ف حضنى
وتقول : آسفة
أنا ع البعد ما أقدرشى

[محمد حسن النادي]

كلمات رائعه بكل المعاني
خفيفة، سريعة، جميلة المعنى وعميقة الأثر
ربما لو لم تتغير نهايتها لكنت عاتبت تلك الحبيبة التي لا تحب
الحب تضحية أكبر وأكثر وأجمل مما كانت تقول هي وتتدعي الخوف
نصٌ جميل ياشاعر أهنئك عليه
فقط استوقفتني هنا في المرتين
أحسست بثقل على غير القصيدة


وتقول : أسف
أحييك بشدة وأشكر لإمتاعنا هنا
أراك بخير

cryheart

[محمد محمود محمد شعبان]

أهلا ومرحبا أخانا المبدع / وليد جودة
رائع ما تخطه أناملك دائما .. رغم أنك تغيب علينا كثيرا ، وتحرمنا من تعليقاتك المميزة ، ومشاركاتك الطيبة
قصيدة ( أنا أسفه ) ..؟؟
صحيح تستحق أن تأسف على كم المشاعر التي أهدرتها .
وصدق أخانا وأديبنا / محمد النادي
وكني أرى لو قلنا ( تقول أسفه ) ( ماشي الحال ) ولن يكون هناك ثقل إن شاء الله .
تقبل مروري ، ولك فائق التحية .


حمادة الشاعر
مشرف عامية

[ربيحة الرفاعي]

مدهش
شعر جميل عذب سال حرفه بروعة نهر ذات هجير
كل ما فيها بديع طروب منسجم حسا وجرسا

أظن أن ملاحظة شاعرنا محمد حسن النادي حول ثقل في " تقول : آسف"
تصح في حال سكون التاء في تقول لكن الثقل يتلاشى في حال كسرها فيستوي الوزن إذا كانت تِقول : آسف

قصيدة رائعة
لا فض فوك

تحاياي

[آمال المصري]

لي شرف اقتطاف تلك الجميلة
رائعة الجرس .. بديعة الحرف
شاعرنا المكرم ...
دام ألقك
وكل عام وأنت بخير
تحاياي

[رباب جوده]

اعجبنى حرفك .........واعجبنى اكثر ان الوقت لم يسرق بطلة قصيدتك واستطاعت بالاسف استرداد حبها
يا ليتنا نفهم هذا الاسف بصورته الحقيقيه........دمت مبدع

[وليد جوده]

كلمات رائعه بكل المعاني
خفيفة، سريعة، جميلة المعنى وعميقة الأثر
ربما لو لم تتغير نهايتها لكنت عاتبت تلك الحبيبة التي لا تحب
الحب تضحية أكبر وأكثر وأجمل مما كانت تقول هي وتتدعي الخوف
نصٌ جميل ياشاعر أهنئك عليه
فقط استوقفتني هنا في المرتين
أحسست بثقل على غير القصيدة


أحييك بشدة وأشكر لإمتاعنا هنا
أراك بخير

cryheart
الرائع / محمد حسن النادى
شكرا لمرورك النادى
دمت طيبا

[وليد جوده]

أهلا ومرحبا أخانا المبدع / وليد جودة
رائع ما تخطه أناملك دائما .. رغم أنك تغيب علينا كثيرا ، وتحرمنا من تعليقاتك المميزة ، ومشاركاتك الطيبة
قصيدة ( أنا أسفه ) ..؟؟
صحيح تستحق أن تأسف على كم المشاعر التي أهدرتها .
وصدق أخانا وأديبنا / محمد النادي
وكني أرى لو قلنا ( تقول أسفه ) ( ماشي الحال ) ولن يكون هناك ثقل إن شاء الله .
تقبل مروري ، ولك فائق التحية .


حمادة الشاعر
مشرف عامية
عزيزى / محمد محمود
أسعدنى جدًا مرورك
دمت كريما

[نداء غريب صبري]

رائعة رائعة رائعةاخي
أمتعتني قراءتها

شكرا لك

بوركت

[ناديه محمد الجابي]

نص جميل ـ من أروع ما قرأت
قصيدة رقيقة ، معبرة ، موحية ، بديعة
براعة في التصوير ، وسلاسة في التعبير
وموسيقى عذبة تنساب بين السطور
أبدعت حسا وجرسا ، وتألقت شاعرا
بوركت ـ وبورك نبض قلمك.
:vio::vio: