حكايتى

[حسام الدين ميرة]

حكايتى
بقلم:حســـــــــــام ميــــــــــــــرة

هحكى الحكاية من الاول
بسرعة اوى مش هطول
حكايتى انا وحبيبتى
من يوم لقانا لنهايتى
انا كنت معجب بيها
وهموت اوى عليها
اشوفها كل يوم فى سكتى
وفى الشوارع وحتتى
بصراحة هى جميلة
وبحلم بيها كل ليلة
طيبة اوى مش شريرة
حنية اكتر من الغيرة
حبى وصفها فى ثوانى
لانها حبى الاولانى
مع انى عرفت قبليها
بس غلطة وندمت عليها
اكلمت معاها بصراحة
وحكيتلى حياتها براحة
وحذرتنى من الدنيا الكذابة
والناس الخداعة النصابة
كنت فرحان بكلامى معاها
دى لحظة كنت بتمناها
واقولت اشجع واقولها
انى حبتها وعشقتها
وقولتلها انا معجب بيكى
وبموت اوى فيكى
قالتلى خلينا اصحاب
وده كان اشد عزاب
يومها زعلت اوى
وحسيت انى مش قوى
محبتش ازعلها منى
علشان متبعدش عنى
كان نفسى انسيها الحزان
وافرح انا وهى كمان
وقولت انا اسف علشان
حبى واعجابى كمان
قولت لو عايزة اطلبى
انا تحت امر صحبتى
قالت شكرا ليك
انا كده كترت عليك
قالت طيب سلام
وده نهاية الكلام
زعلت اوى من قلبى
لان هى مش جنبى
وبعد كلام كتير
وضحك وهزار كبير
قولت حصل خير
يمكن تحس بيا فى يوم
وتنسى كل اللوم
وترجع تهذر تانى
ونحقق كل الامانى
وادينى قاعد مستنى
تيجى تانى وتسألنى
تقول حبتنى بجد؟
اقول اه اكتر من اى حد
وادينى مستنى
وهفضل مستنى
ودى كانت نهايتى
انى افضل مستنى

[ربيع بن المدني السملالي]

ينقلُ لقسم العامية حيث مكانه المناسب بوركتَ

دمت بألق

تحياتي

[محمد محمود محمد شعبان]

جميل أخي ميرة
ورغم خلوها من الرمزية ، ومباشرتها إلا أنها مليئة بإحساس ومشاعر نبيلة
أهلا ومرحبا أخانا الكريم بحضرتك بقسم العامية ، وأعتذر إذ تأخرت في الترحيب بك
النص كلماته ملحنة ، وبها موسيقى داخلية والألفاظ لحد كبير متآلفة ، ومناسبة للمعاني التي اختيرت لها
أما عن الوزن فلم أقع على وزن محدد أو بحر للنص ... ولم يقلل ذلك من قيمة ما نثرته هنا أخانا الكريم .
مرحبا بك ألفا ، وفي انتظار جديدك ، والأروع أيها الجميل الرقيق .

تحيتي


حمادة الشاعر
مشرف أدب العامية

[ربيحة الرفاعي]

نص رقيق يمور بالمشاعر والحس العذب
لكنه يفتقر للموسيقى برغم اعتماد الكاتب للقافية

بانتظار جديدك

أهلا بك ومرحبا في واحة الخير

تحاياي

[آمال المصري]

راقت لي جميلتك بلهجتها المصرية الأصيلة وروحها الخفيفة رغم تعثر اللحن
مرحبا بك في واحتك
وفي انتظار انهمارك البديع
تحاياي

[حسام الدين ميرة]

شكرا جزيلا على ارائكم
وسعيد بمروركم
تحياتى