أحمد فؤاد هاشم
09-10-2012, 02:08 AM
افرِد حُطامَك للوجَعْ
افرِد حُطامَك للوجع
هيّأ حصونَك للضياع
عاشق فى روحك تِتخدع
مركب طواهْ يأس الشراع
مِدّ ف رحابك أسئلة
وانسي تلاقي الأجوبَة
سلّم إيدين حلمك
لأنياب السِباع
ودّع سنين الحب والشوق
والمتاع
وانسى اللى باع
مبقاش يساع الليل لأمثالك خلاص
أصل الخلاص انك تموت من غير تمن
عايش كإنّك مش هنا
هامش علي جدار الزمن
مبقاش يهمّ انك تعيش
مهو أصل عُمرَك ميساويش
جرّب تكون غيرَك فى يوم
يمكن فى كدبةْ للحياة
تنسي الهموم
بس افتكر !
إنك تموت علشان مبادءك كل يوم
أشرف كتير انك في بحر من الخيانة
سنين تعوم
أشرف من الوهم اللي قال
ان الكرامة تتخدِش
لو ينزعوا عنها الهدوم
تزأر فى وش الحق جوّاك
ترعِبُه !
وتسكِّنُه كهف الأفاعي
تسمِّمُه بخوف
تِرهِبُه !
خايف لتطلع من عنيهْ
شمس الحقيقة وتحرقك
خايف لنورها يفوّقك
من يمّ زيفك يلحقك
يغسل عنيك اللى استباح
الملح فيها رؤيتك
فين نيّتك ؟
حِـنيّتك ؟
فين الصلابة والأمل
فين حكمتك ؟
عقلَك دا زيّ الموج قوي
قوّم رياحَك بالقوي
وافرِد جناحَك فِ السما
واصدَح بألحان عِزّتَك
صدّقني مش لايق عليك توب القلق
ولا عمرُهْ لاق انك في خوفك تندلق
حرّر حصانك وانتِفِض
وايّاك تقول فات السبَق
واياك تصدّق كِدبة الموت
في الغروب
وتداري ضعفك وانهزامك
بالهروب
بطّل سذاجة وقولّي إيه يعني الشفق ؟
ياللي انكسارك من تباريحك
شفق
زَهْو انتصارك مستحيل يبقا ف نفق
افهم ياريت ان الشفق
مش مُنتهي
ياللي انتَ غاوي تسقي أحلامك
غسق
حُمرِة عيونُهْ فِ السما
هيَّ المخاض اللي انعتق منه الفَلَق
وطيور كتيرَه مسبّحه
بحمد البديع اللي خَلَق
ربّك وقاسِم دنيتك
مادِد فروعَك من عَلَق
حاسب وكاتب ضحكتك
حُزنَك وزخّات العرق
قوم الحَقَكْ من غفلِتَك
عُمرَك ساعاتُهْ بتتسرق
لَـمـلِـم بـقـايـا مــركِبَك
وانشِل طموحك م الغرق
وابدُر خطاوي سِكّتَك
بالنخل والنور والعبق
وان يوم سبق
لحنك بكاك
انسى الدموع
انسى الخضوع
انسى ان شوقك فيك شرق
وانسى البِدَع
واللي خَدَع
واللي لأحزانُه رَكَع
واياك في يوم المح هواك
فارد حُطامَك للوجع
أحمد فؤاد هاشم
افرِد حُطامَك للوجع
هيّأ حصونَك للضياع
عاشق فى روحك تِتخدع
مركب طواهْ يأس الشراع
مِدّ ف رحابك أسئلة
وانسي تلاقي الأجوبَة
سلّم إيدين حلمك
لأنياب السِباع
ودّع سنين الحب والشوق
والمتاع
وانسى اللى باع
مبقاش يساع الليل لأمثالك خلاص
أصل الخلاص انك تموت من غير تمن
عايش كإنّك مش هنا
هامش علي جدار الزمن
مبقاش يهمّ انك تعيش
مهو أصل عُمرَك ميساويش
جرّب تكون غيرَك فى يوم
يمكن فى كدبةْ للحياة
تنسي الهموم
بس افتكر !
إنك تموت علشان مبادءك كل يوم
أشرف كتير انك في بحر من الخيانة
سنين تعوم
أشرف من الوهم اللي قال
ان الكرامة تتخدِش
لو ينزعوا عنها الهدوم
تزأر فى وش الحق جوّاك
ترعِبُه !
وتسكِّنُه كهف الأفاعي
تسمِّمُه بخوف
تِرهِبُه !
خايف لتطلع من عنيهْ
شمس الحقيقة وتحرقك
خايف لنورها يفوّقك
من يمّ زيفك يلحقك
يغسل عنيك اللى استباح
الملح فيها رؤيتك
فين نيّتك ؟
حِـنيّتك ؟
فين الصلابة والأمل
فين حكمتك ؟
عقلَك دا زيّ الموج قوي
قوّم رياحَك بالقوي
وافرِد جناحَك فِ السما
واصدَح بألحان عِزّتَك
صدّقني مش لايق عليك توب القلق
ولا عمرُهْ لاق انك في خوفك تندلق
حرّر حصانك وانتِفِض
وايّاك تقول فات السبَق
واياك تصدّق كِدبة الموت
في الغروب
وتداري ضعفك وانهزامك
بالهروب
بطّل سذاجة وقولّي إيه يعني الشفق ؟
ياللي انكسارك من تباريحك
شفق
زَهْو انتصارك مستحيل يبقا ف نفق
افهم ياريت ان الشفق
مش مُنتهي
ياللي انتَ غاوي تسقي أحلامك
غسق
حُمرِة عيونُهْ فِ السما
هيَّ المخاض اللي انعتق منه الفَلَق
وطيور كتيرَه مسبّحه
بحمد البديع اللي خَلَق
ربّك وقاسِم دنيتك
مادِد فروعَك من عَلَق
حاسب وكاتب ضحكتك
حُزنَك وزخّات العرق
قوم الحَقَكْ من غفلِتَك
عُمرَك ساعاتُهْ بتتسرق
لَـمـلِـم بـقـايـا مــركِبَك
وانشِل طموحك م الغرق
وابدُر خطاوي سِكّتَك
بالنخل والنور والعبق
وان يوم سبق
لحنك بكاك
انسى الدموع
انسى الخضوع
انسى ان شوقك فيك شرق
وانسى البِدَع
واللي خَدَع
واللي لأحزانُه رَكَع
واياك في يوم المح هواك
فارد حُطامَك للوجع
أحمد فؤاد هاشم