عصام ميره
01-11-2012, 10:47 PM
عا يز ترجع
يوم ماالصايم
ممكن يفطر
قبل المدفع
تقدر ترجع .
......
عزبة وكانت
لك ولحزبك
إحنا بنتعب
وانت تبرتع .
.......
انت بتكدب
قاعد تنهب
واحنا بنصبر
يمكن تشبع .
.....
كنت بتقسم
بَينّا وبينك
احنا بنشقى
وانت اتمتع .
....
ياما قلنا
قلنا وعدنا
يمكن يعقل
يمكن يسمع .
.......
لامم ناسك
تشرب كاسك
ارقص هيص
قاعد تنخع .
.....
اللي يطبل
ياخد هبشة
دافع فيها
وزّع وزع .
.....
اللي يعارض
يطلع خاين
اقتل احبس
اضرب ارزع .
......
انت القائد
تؤمر تنهي
وقت العركة
انت الأشجع .
......
واحنا نصدق
وقت الأزمة
فينك فينك
يظهر فَلسع .
........
لو بالمظهر
بيني وبينك
شكل المعزة
يطلع أجدع .
.......
زي الحية
جلدك ناعم
عايز فرصة
تقرص تلدع .
......
عامل ميت
العب غيرها
غيرك أشطر
بطل تخدع .
.......
لو بتفكر
كنت تسلّم
اللي اتهرب
أحسن أسرع .
.........
اللي كَلته
واللي خَدته
غصبٍ عنك
لازم يرجع .
......
مش هنسيبك
مش رحمينك
تطلع روحك
ودّع ودّع .
......
كانت حِسبة
قلبت بمبة
طلعت زرعة
مش هتفرّع .
.......
قلت تسيبها
بعدك لابنك
تبقى ف بيتها
ابنك أقرع .
......
حتى الابرة
هات استورد
وانت ف أرضك
بطّّل تزرع .
.....
خايف نصحى
نعرف انك
زي المكوة
سخن بتلسع .
......
بَحرك أغوط
عرض الدنيا
لوهنقيسها
كرشك أوسع .
........
تصبغ شعرك
تفرد وشك
تلبس لانسس
مش رح ينفع .
.........
فاكرإنك
سنة بتكشّر
شهر بتضحك
ممكن نبلع .
.........
ضحكة وصفرا
مش من قلبك
زي التَلجة
دمّك أسقع .
....
أصلك نا قص
تاكل تنكر
خاين غادر
انت الأبشع .
......
ويا شارون
ويا قارون
انت الأول
نجمك يسطع .
.....
عايز فوضى
نغرق فيها
يمكن نزهق
قصدك نخضع .
........
تعرف حتى
لو رح نلبس
بعد البدلة
لِبس مقطّع .
....
مهما تدبّر
طب نتحمّل
مش هنسلّّم
مش رح نركع .
....
أنا مش ساكت
بيني وبينك
كانت شَعرة
يمكن أرفع .
.......
ليه تقطعها
مش رح تقدر
تمسك غيرها
مش رح ينفع .
..........
كنت مفكّر
إنك شاطر
واحنا بنرضى
قاعد تجمع .
......
ريحتك طلعت
مش طايقينك
حتى دقيقة
اسمع اسمع .
.....
كان أحسن لك
قلنا الأول
ارحل ارحل
تلحق تِخلع .
.....
مش هتصدق
إن ولادك
مش عايزينك
دمّع دمّع .
.....
تركب راسك
عامل عنتر
مش هتنازل
طيب ادفع .
......
لِمّ كلابك
فضّي دولابك
خلّي قصورك
شمّع شمع .
........
فيه زنزانة
سخن وبارد
افرد جسمك
نام وادّلع .
.....
ساكن فيها
عدلي المشرط
يوسف بِِشلة
جيمي الأكتع .
........
أنسى قصورك
مين هيزورك
دول سبّولك
حِلمك تطلع .
.....
رتّب نفسك
قاعد قاعد
لو مش عاجب
إولع إولع .
.......
تبقى العبرة
للي يفكّّر
يعمل زيك
مين رح يطمع .
........
صورة بكرة
كانت سودة
بعد الثورة
تبدأ تلمع .
........
نبدأ نهضة
كل مواطن
ياخد حقه
يزرع يصنع .
.......
يبني يعمّر
يدفع دَينه
يكسب أكتر
أيه رح يمنع .
......
إيدي ف إيدك
ياللي بتسمع
المستقبل
هيكون أروع .
........
كلمات
عصام ميره
يوم ماالصايم
ممكن يفطر
قبل المدفع
تقدر ترجع .
......
عزبة وكانت
لك ولحزبك
إحنا بنتعب
وانت تبرتع .
.......
انت بتكدب
قاعد تنهب
واحنا بنصبر
يمكن تشبع .
.....
كنت بتقسم
بَينّا وبينك
احنا بنشقى
وانت اتمتع .
....
ياما قلنا
قلنا وعدنا
يمكن يعقل
يمكن يسمع .
.......
لامم ناسك
تشرب كاسك
ارقص هيص
قاعد تنخع .
.....
اللي يطبل
ياخد هبشة
دافع فيها
وزّع وزع .
.....
اللي يعارض
يطلع خاين
اقتل احبس
اضرب ارزع .
......
انت القائد
تؤمر تنهي
وقت العركة
انت الأشجع .
......
واحنا نصدق
وقت الأزمة
فينك فينك
يظهر فَلسع .
........
لو بالمظهر
بيني وبينك
شكل المعزة
يطلع أجدع .
.......
زي الحية
جلدك ناعم
عايز فرصة
تقرص تلدع .
......
عامل ميت
العب غيرها
غيرك أشطر
بطل تخدع .
.......
لو بتفكر
كنت تسلّم
اللي اتهرب
أحسن أسرع .
.........
اللي كَلته
واللي خَدته
غصبٍ عنك
لازم يرجع .
......
مش هنسيبك
مش رحمينك
تطلع روحك
ودّع ودّع .
......
كانت حِسبة
قلبت بمبة
طلعت زرعة
مش هتفرّع .
.......
قلت تسيبها
بعدك لابنك
تبقى ف بيتها
ابنك أقرع .
......
حتى الابرة
هات استورد
وانت ف أرضك
بطّّل تزرع .
.....
خايف نصحى
نعرف انك
زي المكوة
سخن بتلسع .
......
بَحرك أغوط
عرض الدنيا
لوهنقيسها
كرشك أوسع .
........
تصبغ شعرك
تفرد وشك
تلبس لانسس
مش رح ينفع .
.........
فاكرإنك
سنة بتكشّر
شهر بتضحك
ممكن نبلع .
.........
ضحكة وصفرا
مش من قلبك
زي التَلجة
دمّك أسقع .
....
أصلك نا قص
تاكل تنكر
خاين غادر
انت الأبشع .
......
ويا شارون
ويا قارون
انت الأول
نجمك يسطع .
.....
عايز فوضى
نغرق فيها
يمكن نزهق
قصدك نخضع .
........
تعرف حتى
لو رح نلبس
بعد البدلة
لِبس مقطّع .
....
مهما تدبّر
طب نتحمّل
مش هنسلّّم
مش رح نركع .
....
أنا مش ساكت
بيني وبينك
كانت شَعرة
يمكن أرفع .
.......
ليه تقطعها
مش رح تقدر
تمسك غيرها
مش رح ينفع .
..........
كنت مفكّر
إنك شاطر
واحنا بنرضى
قاعد تجمع .
......
ريحتك طلعت
مش طايقينك
حتى دقيقة
اسمع اسمع .
.....
كان أحسن لك
قلنا الأول
ارحل ارحل
تلحق تِخلع .
.....
مش هتصدق
إن ولادك
مش عايزينك
دمّع دمّع .
.....
تركب راسك
عامل عنتر
مش هتنازل
طيب ادفع .
......
لِمّ كلابك
فضّي دولابك
خلّي قصورك
شمّع شمع .
........
فيه زنزانة
سخن وبارد
افرد جسمك
نام وادّلع .
.....
ساكن فيها
عدلي المشرط
يوسف بِِشلة
جيمي الأكتع .
........
أنسى قصورك
مين هيزورك
دول سبّولك
حِلمك تطلع .
.....
رتّب نفسك
قاعد قاعد
لو مش عاجب
إولع إولع .
.......
تبقى العبرة
للي يفكّّر
يعمل زيك
مين رح يطمع .
........
صورة بكرة
كانت سودة
بعد الثورة
تبدأ تلمع .
........
نبدأ نهضة
كل مواطن
ياخد حقه
يزرع يصنع .
.......
يبني يعمّر
يدفع دَينه
يكسب أكتر
أيه رح يمنع .
......
إيدي ف إيدك
ياللي بتسمع
المستقبل
هيكون أروع .
........
كلمات
عصام ميره