صباح الفل يا غالية

[ممدوح سالم]

صباح الفل يا غالية
يا موجوعة ومضلوعة
بآلامي..
بأيامي وأحلامي يا مّايه
صباح الفل يا بلادي
على نيلك
على ترابك
على نجوعك كما كفورك على الميدان
صباح الفل بولادي
زياد /مروان/ وغنوايه..لمى ترسم بلون نيلك حروف الشوق.. وتتهجاك ضحكايه!!
صباح الفل ياغالية
يا موجوعة ومضلوعه بتحريرك، بدستورك، بعركايه!!
وبولادك كما الأعداء!
ومتربص ومتججبص وبيتمنالك نهايه.
ودي المشغولة بهمومك ودا الزعلان ودا الجلعان (الرقيق المدلل)
وتاجي حكاية ف حكاية
ودا يخوّن
ودا يلوّن
ودا يعنون
وف الآخر منيش فهمان
وأستفسر؟!!
ألاقيك بصوت مخنوق
...
...
وتهنا وتاهت اللمة
ورحنا ننادي ف العتمة
على بعضينا بنّادي
أيا بلادي
ومِن بدري
وفي الزنقة ينادي الصوت!!
وما نلاقي!!
ونتفتش!!
إخواني ولا سلفي ولا جهادي؟؟
ولا ليبرالي ملعون
ودا عادي.
....
أزعق أقول أنا مصري
ودول إخواني وولادي
ووعاك !!
ووعاك تمس أولادي!
ووعاك تبدّي حسادي.
ووعاك ووعاااا... ويروح الصوت.
ومن تاني
ـــــــــــــ
صباح الفل يا مايه
يَم ممدوح ويَم مرسي ويَم حمزاوي
ويَم ليلى ويَم مريم وستايه
صباح الفل يا غاليه وإوعاك تجولي خلاص
أنا سايبلكم الدنيا مفيش فايدة.. مفيش إخلاص
....
لا والله يا مايه
دي غمة تزول
وحتعدي
وحنعدي لبر أمان
وحنجيلك
وحنغني كمان موّال
لمى ترسم كما المعتادْ
واهو مروان
كمان شغال وبيقلد ودمو خفيف
وعارفة زياد كما الكروان
وانا بكتب قصيدة شعر
ودي في الحق راسمالي وموالي
وكل شمسايه أغنيلك
وابوس راسك
وانت الغالية بولادك
مقامك عال كما ناسك
وأول كلمة ف لساني
صباح الفل يا غالية
صباح الفل يا مّايه
ـــــــــــــــــــــــــ ـــــــــــــــــــــــــ ـــــــــــــ
ود بطنك
ود سالم

[ماهر يونس]

صباح النور يا سالم
إيه كل هاد! لا تبدو غريبا علي حضرتك
كل الود وأكثر

[الطنطاوي الحسيني]

يا موجوعة ومضلوعه بتحريرك، بدستورك، بعركايه!!

صباح الفل والياسمين
على من رد لجميلها
صباح غالي صباح نسرين
عليك ولد الجنوب نيلها
تحياتي اخي الحبيب ممدوح سالم
يا من كنتم فرس الرهان في المواقف والمحالك
وعضدنا في الرئاسة وعضدنا في الدستور
صباح الخير صباح النور
لكم الثواب ولن ولمصر الثورة ودستورها النصر بإذن الله تعالى
دمت بروعتك ووعيك وحميتك
وانما من اراد تفريقنا الي اخوان وغيرهم هو نفسه من قتلنا جميعا
تحياتي ايه المصري الاصيل ياابن النيل والنخيل

[آمال المصري]

رسمت بالإحساس أحلى صباح شاعرنا الرائع
نعم ستزول الغمة وتصل مصرنا الغالية لبر الأمان
دامت مصرنا عزيزة بشعبها
ودامت اليراع التي خطت والروح
والنص للتثبيت استحقاقا
ومرحبا بك في واحتك
تحاياي

[آبو عمرو سليمان]

لك كل التحية على الأمل الجميل الذي نتمناه لمصرنا الغالية