محمود موسى
24-12-2012, 06:15 PM
لمّا الدنيا تعاند فيّا
وترمي الكورة ف حتة بعيدة
لمّا الجري يشوط أنفاسي
ويعيّشني ف حالة عنيدة
لما بحس بإني بدافع
عن جُوّايا بصوت مش نافع
والعقل بيرفض ويمانع
برجع وافتح صفحة جديدة
لما بتتبعتر حساباتي
مرة شمال مع مرة يمين
لما الواحد زائد واحد
تدّي الحاصل غير اتنين
لما الكلمة ف إيد الكلمة
ومابتطْلعش بجملة مفيدة
برجع وافتح صفحة جديدة
عمر اليأس ماكان في الحسبة
جوّا حياتي ومستقبلها
أصلي مشيت السكة وعارف
دايما مايجيبها الا أملها
مهما السكة طويلة وشايف
إن النقطة بعيدة بعيدة
برضك هفتح صفحة جديدة
وترمي الكورة ف حتة بعيدة
لمّا الجري يشوط أنفاسي
ويعيّشني ف حالة عنيدة
لما بحس بإني بدافع
عن جُوّايا بصوت مش نافع
والعقل بيرفض ويمانع
برجع وافتح صفحة جديدة
لما بتتبعتر حساباتي
مرة شمال مع مرة يمين
لما الواحد زائد واحد
تدّي الحاصل غير اتنين
لما الكلمة ف إيد الكلمة
ومابتطْلعش بجملة مفيدة
برجع وافتح صفحة جديدة
عمر اليأس ماكان في الحسبة
جوّا حياتي ومستقبلها
أصلي مشيت السكة وعارف
دايما مايجيبها الا أملها
مهما السكة طويلة وشايف
إن النقطة بعيدة بعيدة
برضك هفتح صفحة جديدة