ثوار احرار

[محسن البدراوى]

ثوار احرار وبنقبض بالدولار
ثورتنا مش سلميه
جامعين البلطجيه
وفلول وحراميه
وبنحرق المديريه
وهنخلى ليللكوا دمار
ثوار احرار وبنقبض بالدولار
نتحرش بالستتات
وبنغتصب أنسات
وبنضرب برشمات
تخلينا جسار
ثورار احرار وبنقبض بالدولار
بنهاجم المساجد
والشيخ لو شفته ساجد
بفتح عليه النار
ثوار احرار وبنقبض بالدولار
البس قناع حمار
واجرى ورا الاخيار
وقرارى كان قرار
من جبهة الاشرار
ويذيعوا ف الاخبار
ويقولوا دول ثوار
اكيد اكيد ثوار
ثوار احرار وبنقبض بالدولار
اعلام يقول اعذار
مع اننا فٌجَارّ
وناس تقول شٌطَارّ
ومرار ما بعده مرار
دى الثوره بقيت عار
وعليكم القرار
ثوار احرار وبنقبض بالدولار
بنهاجم السجون
واقسام على العموم
اكون او لا اكون
والدم نهر مجون
وضريبه ع التجار
ثوار احرار وبنقبض بالدولار
لا يهمنا اقتصاد
داهو دا المراد
وخراب على العباد
وفوضى ف البلاد
ولا حد ياخد قرار
ثوار احرار وبنقبض بالدولار
********
ثورتنا ثورة دم
مش ثورة عمل وكفاح
ثورتنا قلبت غم
والقتل فيها مباح
ياللى انت شايل هم
عايز تعيش ف براح
اياك تانى تهتم
السلم ولى وراح
ثورتنا كات سلميه
لا فيها بلطجيه
ولا حد شال سلاح
رجع الفلول ركبوها
وبالدم تانى ساقوها
وصبحوا م الثوار
ثوار احرار وبنقبض بالدولار

[آمال المصري]

هذا ماكنا نخشاه قبل حلول ذكرى الثورة المباركة أن تنقلب من ثوار أحرار لما نراه أسفاً من تخريب وتدمير بأيدي مصرية وتمويل خبيث
نسأل الله السلامة لمصرنا
شكرا لك شاعرنا على ماجادت به يراعك شجبا وتمردا على ماآلت إليه الأوضاع
بوركت
ولك خالص التحايا

[محسن البدراوى]

شكرا لمرورك وتعطير متصفحى المتواضع
حفظ الله مصر
وبالتوفيق

[محمد محمود محمد شعبان]

أسأله سبحانه أن تمر هذه الأيام بسلام وأمان
ومصر ستبق قوية بأبنائها المخلصين
دمت ودام نبضك الحي أخي / محسن
قصيدة رائعة


تحيتي

حمادة الشاعر

[محسن البدراوى]

أسأله سبحانه أن تمر هذه الأيام بسلام وأمان
ومصر ستبق قوية بأبنائها المخلصين
دمت ودام نبضك الحي أخي / محسن
قصيدة رائعة


تحيتي

حمادة الشاعر


كل الشكر لمرورك الطيب المرحب به دائما اخى حماده
دعائنا جميعا لمصر بالامن والامان والاستقرار
وبالتوفيق