مشاهدة النسخة كاملة : يعنى .. مصر
فاطمه محمد
30-03-2013, 10:15 AM
يعنى فجر ... إتوضى ضى
نادى آدانه ... على كل حى
نوره جميل ... ومالوش زى
وطيوره صابحه ... مزقزقه
يعنى زهور قطنك ... تبان
تفرش بياضها ... الكون يبان
نرسم غناوى ... ع الحيطان
تمسح جبينا ... من الشقا
يعنى ليل ... ونجومه فضه
بفضل ربى ... نحمد ونرضى
ده رزقه كفى علينا ... وقضى
ويحلى السهر ... وقت اللقا
-----------------------------------
فاطمه محمد
30-03-2013, 10:17 AM
يعنى غيط ... ووابور طحين
يعنى فرن ... ورغيف عجين
ولمه حلوه ... ف التماسى
ع الطبالى ... للشقيانين
يعنى فلاحه ... بطرحه
والشجر ... بالفاكهه طارحه
والإيدين بالحب ... تجنى
والقلوب ... مطمنين
يعنى بدر ... بنوره مال
يوصله ... ضحك العيال
والنسيم يلفح ... خدودهم
وبضياه ... متونسين
-------------------------
فاطمه محمد
30-03-2013, 10:23 AM
يعنى ... حوارينا القديمه
ومن تلاته لسته ... سيما
والجيران ... عاملين وليمه
بالنجاح ... جالهم بشاره
يعنى طاوله ... وشاى وصايا
وجوا قهوه ... تدور حكايه
عن خصوم ... رافعين قضايا
كسبها واحد ... وبجداره
يعنى ... أولادها الشباب
نعلهم ... م اللف داب
والبطاله ... بدون حساب
ضايعه أيامهم ... خساره
--------------------------------
فاطمه محمد
30-03-2013, 10:26 AM
يعنى زحمة ... أتوبيسات
يعنى عادم ... سيارات
وأحلى قعده ... ف العصارى
ع الكراسى .. ف بلكونات
يعنى صوت ... يزعج ودانك
جى من شقه ... جيرانك
وست ... بتخانق ف جوزاها
والشتيمه ... خد وهات
يعنى مستوظف ... حكومه
والجنيه ... وكلاه البرومه
و كل أمنية ... حياته
يلقى ... ستره للبنات
يعنى شارع ... يعنى حاره
ودش منصوب ... فوق عماره
والعقول م الفرجه ... تايهه
عايشه جوا ... مسلسلات
----------------------
فاطمه محمد
30-03-2013, 10:29 AM
يعنى صوتنا ... من فينا
والمصير ... ملك لإيدينا
لا إحنا محتاجين ... وصايا
ولا للعدو ... هنكون حمايه
وغيرنا ... يتشرط علينا
يعنى ... منبعش القضيه
للأداره ... الأمريكيه
ودم أخويا ... يلوم عليا
ونبتدى تانى ... الحكايه
-----------------------------
فاطمه محمد
30-03-2013, 10:30 AM
يعنى دخانه ... وسحابه
معتمه ... فوق روس غلابه
ولسه فيها ... نفوس ديابه
زارعه كل الحقد ... فينا
يعنى توهنا ... ف الحكايه
وإنتهى فصل ... الروايه
وإنتى لسه ... مش معايا
والحيطان ... مش بدارينا
يعنى نعمل إيه ... ياسمره ؟
يام نيل ... والأرض طاهره
والوشوش ... مبقتش ظاهره
بعد ما إتغمت ... عنينا
---------------------------
فاطمه محمد
30-03-2013, 10:33 AM
يعنى أدارى .. ولا أخبى
والهموم ... سكنت ف قلبى
إنتى توهتى ... ولا جنبى
ولا غشيت فيك ... عنينا
ياللى روحى ... بتناديكى
يا حبيبتى ... أنا كلى ليكى
والدموع ... مش بتواسيكى
مهما م الغلب ... إشتكينا
يا طريق ... مفروش بحيرتى
جمعينا ... لو قدرتى
طهرى من تانى ... سيرتى
رجعى لقلبى ... السكينه
------------------------------
فاتن دراوشة
30-03-2013, 01:46 PM
فخورة مصر بابنة بارّة كأنت غاليتي
صفو محبّتي
فاتن
محسن البدراوى
30-03-2013, 09:53 PM
نص رائع فخم امتزج بحب الوطن فتغنى وتراقصة له السطور
نفس شعرى طويل ولا ادرى لماذا تم النشر قطع وكوبليهات
ارى انه لو كان نشر مرة واحده لكان له طعم اخر ومذاق اخر فى القراءة والاستمتاع
ولاكنى احترم رؤيتك فى النشر هكذا
الموضوع (النص) للتثبيت اجلالاً وابداعأ ولتعدد مقاطعه وومضاته
تحيتى سيدتى
كونى بالعلا ابدا
وبالتوفيق
عايد راشد احمد
30-03-2013, 10:32 PM
السلام عليكم ورحمة الله
استاذتنا وشاعرتنا الفاضلة
تجلت القدرة الابداعية والتسلسل المتناغم لتصوير حال نعيشه ونقد مهذب لسلبيات جمة زدات بها علينا الغمة
قدرة رائعه علي اختيار الكلمات ونفس طويل مع جرس رنان يظهر قوة المعني ويطربنا مع المضمون
كنت هنا
وتقبلي مروري وتحيتي
فاطمه محمد
08-04-2013, 08:22 AM
الأستاذه فاتن ... صبحك الله بالخير والسعاده
وجزيل شكرى وإمتنانى لمرورك الجميل
وجزاك الله عنى كل الخير
مودتى
فاطمه محمد
08-04-2013, 08:32 AM
أستاذنا الشاعر ... محسن البداروى
شكرا لحضرتك أولا لتثبيت النص وهذا
شرف لى . ثانيا لوجه نظر حضرتك فى تقطيعى للنص
والحقيقه انا لم أتبين هذا وانا اكتبه ولكنى هكذا رأيته
إلا أنى أؤيد رأى حضرتك وهو أصوب بكل تأكيد
أسعدنى مرورك أستاذنا . وأتمنى أن أكون عند حسن
ظنكم بى .. تحياتى ودمت بخير
فاطمه محمد
08-04-2013, 08:44 AM
الأستاذ الشاعر ... عايد راشد
سلام الله عليك ورحمته وبركاته
من الصعب أستاذنا رصد كل السلبيات الموجوده
فى مجتمعنا وهى كثيره جدا وللأسف وتزداد مع مرور
الأيام حتى أننا أصبحنا نبحث عن ما هرب منا من قيم
وأخلاق ومعانى جميله لنقتات منها لتعيننا على مواصلة
الحياه فى ظل الظروف القاسيه التى نعيشها الآن
جزيل شكرى مرور حضرتك الطيب .. ودمت بخير
فاطمه محمد
08-04-2013, 08:47 AM
يعنى مهما ... قيل وقال
بعدى عنك ... شئ محال
حبى ليكى ... شئ مؤكد
وفيه إجابه ... للسؤال
يعنى إنك ... جزء منى
إن رضيت ... أوغصب عنى
والهموم ... ما بتحنى ضهرى
حتى لو ... حمل الجبال
يعنى مهما شوفنا ... فيكى
عمرنا يوم ... ما نجافيكى
جوا إحساسنا ... نلاقيكى
نبض روحنا ... والمنال
---------------------------------
آبو عمرو سليمان
09-04-2013, 01:11 AM
ما أروع هذه الصور المتناغمة التي حاكها قلمك الرائع أ/فاطمة محمد ...مع وافرتقديري
فاطمه محمد
09-04-2013, 10:00 AM
الأستاذ الشاعر ... ابو عمرو سليمان
شكرا لذوق حضرتك
شرفت بمروك الطيب .. ودمت بكل الخير
الطنطاوي الحسيني
09-04-2013, 11:37 PM
يعنى فجر ... إتوضى ضى
نادى آدانه ... على كل حى
نوره جميل ... ومالوش زى
وطيوره صابحه ... مزقزقه
يعنى زهور قطنك ... تبان
تفرش بياضها ... الكون يبان
نرسم غناوى ... ع الحيطان
الطنطاوي الحسيني
09-04-2013, 11:38 PM
يعنى فجر ... إتوضى ضى
نادى آدانه ... على كل حى
نوره جميل ... ومالوش زى
وطيوره صابحه ... مزقزقه
قصيدة رغم قلق الموسيقى لكنها جميلة واندفاقة قوية وانطلاقة متينة
لشاعرة اتية بقوة بإذن الله
دمت مبدعة ابدا
يعنى زهور قطنك ... تبان
تفرش بياضها ... الكون يبان
نرسم غناوى ... ع الحيطان
فاطمه محمد
11-04-2013, 11:02 AM
أستاذى الشاعر ... الطنطاوى الحسينى
شرفت بمرور حضرتك وبأذن الله سأحاول
أن أركز أكتر بموسيقى النص فى المرات القادمه
شكرا لك .. ودمت بخير
آمال المصري
11-04-2013, 02:04 PM
نخشى أن تعني بعد ذلك من المعاني مالا نحب فيها ...
نبضات بديعة ومعاني نرجع بها للزمن الجميل
بوركت واليراع شاعرتنا الفاضلة
ومرحبا بك في واحتك
تحاياي
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir