محمد محمد سعيد
27-12-2004, 06:18 PM
عندما تصطدم بواقع اغتيلت فيه قيم ومبادىء الانسان
عندما تصطدم بسلوكيات بشر لا تمت لقيم الانسانيه باى صله
عندما تنهار امام عينك تلك النظره الحالمه بواقع افضل امام دوى المدافع و طلقات الرصاص وقنابل الغاز المسيل للدموع وترى الدم حتى على جثث الاطفال عندما تقف عاجزا عن استيعاب هذه المواقف والاحداث
فاعتقد انك بحاجه ملحه الى لحظة صدق حقيقيه على الاقل مع نفسك .... مع مفردات مشاعرك وهى فى خضم هذا الذهول والارتباك
لحظة صدق تأخذ بيدك تحتوى آلامك واحباطاتك بالفعل كانت هذه اللحظه احبائى لحظة صدق واقعيه عشتها وتعايشت معها ولا انوى ابدا على فراق الصدق مع النفس اولا ثم مع كل احداث وتداعيات الواقع واسمحوا لى ان ادعوكم جميعا الى التعايش والمعايشه معى فى لحظه من الصدق
لحظة صدق
اتبدّلت كل السكك..... واتغيّرت كل الدروب
الفجر فى ساعة سحر.....رفض الوليد
والشمس والليل والقمر.... سافروا بعيد
حتى سحابات الامل
رفضت تفارق الغروب
واتغيّرت كل الدروب
يادى المكان.... ضاع الامان
واحترت بين اسم وحقيقة
واختل فى العقل الزمان
مابين دموع..... لحظة خشوع
نزلت على الورق انحرق كل اللى كان
وصرخت يا كلمة هزيمه برفضك
ولقيت وريد الدم بين درعاتى بان
لبست توب الاحتمال......قلت احتمال
انك يا كلمة صدق تانى ترجعى
اوحتى يسمع صرختى كل اللى خان
حسيت بانى من زمان غير الزمان
رغم اختمار الفكر ونضوج المشاعر
جوايا ثاير.....لسايا حاير
وكانى بتعلم يدوب
متغيره فيا السكك...متحيرا بيا الدروب
ولقيت حروف الصدق لمت بعضها..جت كلها
فشعرت تانى بالامان...ودفنت نفسى ف حضنها
وسالتها..مين اللى قالك تبعدى ؟؟؟
عجبك كدا حال البشر.....!!!
شوفتى اللى صار واللى حصل
لما بعدتى عننا...!!!!
عشش ظلام الياس جوانا و شتت حلمنا
ظهرت معانى بعيده خالص عننا .....
سادت وزادت وسطنا
ارجوكى....... ارجوكى حاولى ترجعى
وتفرعى فوق السكك...........وترعرعى جوه الدروب
وتصحى من تانى الضمير... ...وتصحصحى كل القلوب
وتمسحى الدمعه الحزينه... بيهزها الخوف م الغروب
يا لحظه محتجلك اوى... اوعاكى تختارى الهروب
ردت بصوت مليان دموع
د نا اللى محتاجه الرجوع
بس اقبلونى كلكم...........معنى بيسرى ف دمكم
هتلاقو كل الصعب هان...انا من زمان بشتاق لكم
وانسو بقى كل اللى كان.......انتو انا وانا منكم
من كتر ما اللحظه خدتنى..هزت كيانى ورجرجتنى
ولقتنى يا حروف الحقيقه ونبضهـــــا
بعشق مرارة صدقها.. وحلفت لحلم حلمها
واخلط بدمى دمها..وندوب ندووووووب
وندوس على كل السكك....و نخطى فوق اصعب دروب
عندما تصطدم بسلوكيات بشر لا تمت لقيم الانسانيه باى صله
عندما تنهار امام عينك تلك النظره الحالمه بواقع افضل امام دوى المدافع و طلقات الرصاص وقنابل الغاز المسيل للدموع وترى الدم حتى على جثث الاطفال عندما تقف عاجزا عن استيعاب هذه المواقف والاحداث
فاعتقد انك بحاجه ملحه الى لحظة صدق حقيقيه على الاقل مع نفسك .... مع مفردات مشاعرك وهى فى خضم هذا الذهول والارتباك
لحظة صدق تأخذ بيدك تحتوى آلامك واحباطاتك بالفعل كانت هذه اللحظه احبائى لحظة صدق واقعيه عشتها وتعايشت معها ولا انوى ابدا على فراق الصدق مع النفس اولا ثم مع كل احداث وتداعيات الواقع واسمحوا لى ان ادعوكم جميعا الى التعايش والمعايشه معى فى لحظه من الصدق
لحظة صدق
اتبدّلت كل السكك..... واتغيّرت كل الدروب
الفجر فى ساعة سحر.....رفض الوليد
والشمس والليل والقمر.... سافروا بعيد
حتى سحابات الامل
رفضت تفارق الغروب
واتغيّرت كل الدروب
يادى المكان.... ضاع الامان
واحترت بين اسم وحقيقة
واختل فى العقل الزمان
مابين دموع..... لحظة خشوع
نزلت على الورق انحرق كل اللى كان
وصرخت يا كلمة هزيمه برفضك
ولقيت وريد الدم بين درعاتى بان
لبست توب الاحتمال......قلت احتمال
انك يا كلمة صدق تانى ترجعى
اوحتى يسمع صرختى كل اللى خان
حسيت بانى من زمان غير الزمان
رغم اختمار الفكر ونضوج المشاعر
جوايا ثاير.....لسايا حاير
وكانى بتعلم يدوب
متغيره فيا السكك...متحيرا بيا الدروب
ولقيت حروف الصدق لمت بعضها..جت كلها
فشعرت تانى بالامان...ودفنت نفسى ف حضنها
وسالتها..مين اللى قالك تبعدى ؟؟؟
عجبك كدا حال البشر.....!!!
شوفتى اللى صار واللى حصل
لما بعدتى عننا...!!!!
عشش ظلام الياس جوانا و شتت حلمنا
ظهرت معانى بعيده خالص عننا .....
سادت وزادت وسطنا
ارجوكى....... ارجوكى حاولى ترجعى
وتفرعى فوق السكك...........وترعرعى جوه الدروب
وتصحى من تانى الضمير... ...وتصحصحى كل القلوب
وتمسحى الدمعه الحزينه... بيهزها الخوف م الغروب
يا لحظه محتجلك اوى... اوعاكى تختارى الهروب
ردت بصوت مليان دموع
د نا اللى محتاجه الرجوع
بس اقبلونى كلكم...........معنى بيسرى ف دمكم
هتلاقو كل الصعب هان...انا من زمان بشتاق لكم
وانسو بقى كل اللى كان.......انتو انا وانا منكم
من كتر ما اللحظه خدتنى..هزت كيانى ورجرجتنى
ولقتنى يا حروف الحقيقه ونبضهـــــا
بعشق مرارة صدقها.. وحلفت لحلم حلمها
واخلط بدمى دمها..وندوب ندووووووب
وندوس على كل السكك....و نخطى فوق اصعب دروب