تسجيل الدخول

مشاهدة النسخة كاملة : نهاية مشوار بطل



إسكندرانى
30-12-2004, 02:54 AM
البطل قفل عيونه ف النهاية ونام
وف إيديه اليمين بندقيه....
وف الشمال غصن الزيتون رمز السلام
وف قلبه العجوز حلم مات يوم ما مات
واندفن جواه
كان بيحلم بالصلاه
ف رحاب الأقصى الشريف
كان بيحلم بالرجوع لحضن عشه الأولانى
زى سمان الخريف
بس مين يقدر يحقق حلم رافضه العم سام

ما عرفش أبداً مستحيل
ماقبلش لحظه يعيش ذليل
مشوار حياته كان طويل
من بدايته لمنتهاه
إتفقنا كتير معاه
واختلفنا كتير معاه
واختلاف الراى عادى...
و هوّ ده طبع الحياه

وف نهاية الكلام
ألف رحمه ونور عليه
ألف صحبة ورد ليه
وف قلوبنا المشتاقاله
ح تعيش آماله
و نشيل له دايماً كل حب واحترام
اسكندرانى
24/12/2004

د.جمال مرسي
30-12-2004, 07:09 AM
رحمه الله و أسكنه الجنة
و كل من مات شهيدا في سبيل الله و الحق و الواجب
شكرا لك أخي الكريم اسكندراني
تقبل الود
د. جمال

محمد محمد سعيد
30-12-2004, 07:59 AM
السلام عليكم ورحمة الله وبركاته

اخى الكريم اسكندرانى

تحية تقدير على عذوبه وسلاسه قلمك

وصوره المشرقه شديدة الوضوح

رحم الله كل من عاش ومات على شاكة هذا البطل الرائع

وحفظك الله اخى العزيز

لك كل تحياتى

محمد

إسكندرانى
30-12-2004, 03:23 PM
الاخ العزيز د/جمال
الاخ العزيز /محمد
الف شكر وتمنياتى الطيبة لكما ولاعضاء الواحه بالخير